१ थेसलोनिकि 5:12 - चेपाङ

¹² ङाको राप्‍तो बिस्‍वासि होयालम, निङको माझहाङ माहा जोक्‍तो मेहेनत जाह्‍ङ्‌ति प्रभुको काम जाह्‍ङो र निङकाय ग्‍वालामि रुपहाङ अगुवाय जाह्‍ङो निङको अगुवालमकाय मान-सम्‍मान जाह्‍ङ्‍नु।

१ थेसलोनिकि 5:12 Iomraidhean Croise

लुका 10:7

निङ ओउ किमहाङले मुन, ओउमयइ दोह बइतेनय, ओउले जेःनु र तुङ्‍नु, धइतिदाह्‍य्‌सा काम जाह्‍ङो मान्‍तालमइखे ज्‍याला दोःसाले परना। किमयपिछि बास एःन्‌ति वाहो काम जाह्‍ङ्‍लाम।

खबरदुत 20:28

परमेस्‍वरइ भेदालम लेखाताह्‍ङो लयको मान्‍तालमको गोथालो स्‍याउसाको लागि निङकाय छ्‍युह्‍ङ्‍सास्‍यावो मुना। ओउतझ्‍यान्‍ते निङ लयइ लयकाय र निङको पासहाङ पबित्र ग्‍वालामइ गम्‍सास्‍यावो जुदा बथानलमकाय वास्‍ता जाह्‍ङ्‍नु। निङखे परमेस्‍वरइ लयको चोःको वुइसय लयको जाह्‍ङ्‍सास्‍यावो परमेस्‍वरको मन्‍दलिको गोथालोलम स्‍याउन।

खबरदुत 20:35

खान्‍चोहाङ परओलमकाय गतहाइति माहा जोक्‍तो मेहेनत जाह्‍ङ्‌ति निङइ सहयोग जाह्‍ङ्‍सा खाइतेनानि त दाह्‍यो कुराको उधारन ङाइ निङकाय छ्‍यान्‍नेआलाङ्‍स। निङइखे ‘लेःओ मान्‍तासयपाय बयो मान्‍ता नाःतो आसिसित स्‍याउना’ त दाह्‍य्‌ति प्रभु येसुइ तोसास्‍यावो कुराकाय सम्‍झसा परतेनय।”

१ थेसलोनिकि 2:9

ङाको राप्‍तो बिस्‍वासि होयालम, निइ माहा जोक्‍तो जाह्‍ङो मेहेनतकायपाय निङइ पक्‍कामा म्‍हेःधाङलेतेनिलि। अनि निइ निङकाय परमेस्‍वरको पेओ खबर प्रचार जाह्‍ङ्‍तोकहाङ, निङ सुकायमा भार परलाम त दाह्‍य्‌ति दिन-याह्‌दिङ त मा दाह्‍य्‌मात निइ काम जाह्‍ङ्‌ति लयको बेबहार चलावो कुरापाय निङइ चिःओले मुतेनय।

१ थेसलोनिकि 4:1

द्‍याह अन्‍तिमहाङ, ङाको राप्‍तो बिस्‍वासि होयालम, निइ निङकाय स्‍यानो अनुसार परमेस्‍वरकाय म्रोताको खालको रुवाङ याक्‍साको लागि निइ निङकाय प्रभु येसुको मय्‍ङहाङ माहा जोक्‍तो बिन्‍ति जाह्‍ङ्‍नेनाङ्‍सु। निङपाय ङ्‍हामा ओउतले याको खेतेनय, तर अझ नाःतो ओउतहाइतिले याक्‍साको लागि निइ निङकाय हउसला बइसा चाहनाङ्‍सु।

१ थेसलोनिकि 5:14

ङाको राप्‍तो बिस्‍वासि होयालम, पेतोकुसि काम जाह्‍ङ्‍मालो अल्‍सि मान्‍तालमकाय दर्‌कति तोनु, रयो मान्‍तालमकाय साहसि स्‍याउसाको लागि हउसला बइनु, कमजोर मान्‍तालमकाय सहयोग जाह्‍ङ्‍नु, र जुदा मान्‍तालमकुस धइरे स्‍याउति मुन त दाह्‍य्‌ति निइ निङकाय बिन्‍ति जाह्‍ङ्‍सा चाहनाङ्‍सु।

१ तीमोथी 5:1

लयसय ताह्‍ङो पुःकाय जान्‍लाम, बरु लयको आपाकाय लेखाले मान जाह्‍ङ्‌ति बिन्‍ति जाह्‍ङु। अनि लयसय मयो मान्‍तालमकायखे लयको हउलमकाय लेखाले बेबहार जाह्‍ङु।

१ तीमोथी 5:20

तर कुनय अगुवालमइ दाःन्‌ति-दाःन्‌तिले पाप जाह्‍ङ्‍नानि त खेयाखे, मन्‍दलिको जुदा मान्‍तालमको ङ्‍हाहाङले ओउमयकाय जान्‍सा परना। ओउतखेयाकाय मात्र अरु अगुवालममा रइलेनय।

२ तीमोथी 2:6

खेतिको यातम् भाकखे ल्‍हप्‍रतिः पान्‍तोसम्‍म जोक्‍तो मेहेनत जाह्‍ङो किसानिइले दोःसा परना।

तीतस् 1:3

र देङेखे, मान्‍तालमइ लयको पेओ खबर चिःपानानि त दाह्‍य्‌ति परमेस्‍वरइ सहि समयहाङले निर्‌नय जाह्‍ङ्‍सास्‍यावा। ओउ आखर घोसना जाह्‍ङ्‍सा अधिकारखे परमेस्‍वरइ बिस्‍वास दुवारा ङाकाय सुम्‍पति बइसास्‍यावा, र निको मुक्‍तिदाता परमेस्‍वरइ आग्‍या जाह्‍ङ्‍सास्‍यावो अनुसारले ङाइ ओउ पेओ खबरको प्रचार जाह्‍ङ्‍नाङ।

तीतस् 1:5

निइ पुरा जाह्‍ङ्‍सा भ्‍याधाङ्‍मालो कामलम पुरा जाह्‍ङ्‍सा र ङाइ नाङकाय अर्‌थि बयो अनुसार जुदा सहरलमहाङ मन्‍दलिको अगुवालम छ्‍युह्‍ङ्‍साको लागि ङाइ नाङकाय क्रेत तापुहाङ फेति गमो खेङतो।

तीतस् 2:15

तितस, नाङइखे बिस्‍वासिलमकाय इ कुरालम स्‍यान्‍सा, र इ कुरालम जाह्‍ङ्‍ताक्‍साको लागि ओउमयकाय सहयोग जाह्‍ङ्‍सा परतेना। नाङइ ओउमयकाय जुदा अधिकारकुसिले हउसला बयु र जान्‍ति तोउ, र सुइमा नाङइ तोओ कुराकाय इन्‍कार जाह्‍ङ्‍तो स्‍याउजेलाम।