१ थेसलोनिकि 5:10 - चेपाङ

¹⁰ ख्रिस्‍त निको लागिले सिसास्‍यावोझ्‍यान्‍ते, निखे इ ज्‍यानहाङ सियाकायमा स्‍याक्‍तिले मुयाकायमा, येसु द्‍याह्‍न्‌ति वाङ्‍सास्‍याउतोक बेलाहाङ निखे सधयको लागि येसुकुस स्‍याक्‍ति मुलेनातहि।

१ थेसलोनिकि 5:10 Iomraidhean Croise

१ थेसलोनिकि 4:13

ङाको राप्‍तो बिस्‍वासि होयालम, निङको ङ्‍हाखाले सितिखायो बिस्‍वासि होयालमकाय लोन्‍हे दोह स्‍याउना खेचा त दाह्‍योको बारेहाङ निङइ चिःओ नि चाहनाङ्‍सु। ओउत चिःतोकहाङ निङइ ओउमयको लागि दोह आसा-भरोसामा नाःमालो मान्‍तालम लेखा सोक जाह्‍ङ्‍सा परलेतिइलि।

१ थेसलोनिकि 4:15

प्रभुइ निकाय स्‍यान्‍सास्‍यावो कुराले देङे निइ निङकाय तोधय मुनाङ्‍सु। प्रभु वाङ्‍साखेओ दिनसम्‍म स्‍याक्‍तिमुओ निखे, ओउ ङ्‍हाखाले सितिखायो मान्‍तालमसय ङ्‍हा प्रभुकाय क्रुस्‍सा दोःलेतहिलि।

१ थेसलोनिकि 4:17

ओहाङसयको ओउ समयसम्‍म स्‍याक्‍तिमुओ निखे, प्रभुकाय फेलबाङखा क्रुस्‍साको लागि ओउ ङ्‍हाखाले सितिखायो बिस्‍वासिलमकुस ब्रकले मुसहाङ क्रुस्‍काइनातहि। ओउ बेलाहाङसयखे नि सधयको लागि प्रभुकुसले स्‍याउनातहि।

१ थेसलोनिकि 5:6

ओउतझ्‍यान्‍ते निखे एःन्‌तिमुओ अरु मान्‍तालम लेखा स्‍याउलाम, बरु एःन्‌मात चनाखो स्‍याउति मुजेइ।

१ तीमोथी 2:6

जुदा मान्‍तालमकाय ओउमयको पापलमसय दल्‍ताक्‍साको लागि येसुइ बलिदानको रुपहाङ लयको रुवाङ बइसास्‍यावा। इखे परमेस्‍वरइ सङ्‍सारको मान्‍तालमकाय सहि समयहाङ बइसास्‍यावो खबर खेना।

२ तीमोथी 2:11

इ कुराखे बिस्‍वास जाह्‍ङ्‍सा ज्‍योओ सत्‍य स्‍यानरायले खेना— “यदि नि ख्रिस्‍तकुसि सिनातहि त खेया, निमा ख्रिस्‍तकुसिले स्‍याक्‍नातहि।

तीतस् 2:14

निकाय जुदा खालको पापलमसय छुत्‍कारा बइसा, र निको ल्‍हुङतुककाय सुद्‍ध जाह्‍ङ्‍साको लागि येसुइ बलिदानको रुपहाङ लयको रुवाङले बइसास्‍यावा। येसुइखे निकाय लयको मान्‍ता स्‍यावो र पे-पेओ कामलम जाह्‍ङ्‍सा मात्र झाको चाहसास्‍यावोझ्‍यान्‍ते ओउत जाह्‍ङ्‍सास्‍यावो खेना।