१ थेसलोनिकि 4:3 - चेपाङ

³ परमेस्‍वरखे निङ पबित्र स्‍यावो र जुदा खालको बेभिचारको पापसय पेतोकुसि दल्‍तिमुओ चाहसा स्‍याउलेना।

१ थेसलोनिकि 4:3 Iomraidhean Croise

मर्‌कस् 3:35

परमेस्‍वरको इच्‍छ्‍या पालन जाह्‍ङोलमले ङाको हउ, हउद्‍याङ र आमा खेनय।”

खबरदुत 15:20

तर निइखे ‘मुर्‌तिलमकाय बयो जेःगालम जेःलाम, बेभिचारसय दल्‍ति मुन, वुइ जेःलाम, अनि पाल्‍ति सात्‍मालो र वुइ वाइमालो पसुलमको माःय जेःलाम’ त दाह्‍य्‌ति ओउमयकाय चिथि लेखसा परनातहि।

खबरदुत 15:29

मुर्‌तिलमकाय बयो जेःगालम जेःलाम, वुइ जेःलाम, अनि पाल्‍ति सात्‍मालो र वुइ वाइमालो पसुलमको माःय जेःलाम, र बेभिचारसय दल्‍ति मुन। यदि निङइ इ कुरालम पेतोकुसि पालन जाह्‍ङ्‍तेनानि त खेयाकाय माहा पेतो स्‍याउलेना। निङकाय निको सुभकामना मुना।”

खबरदुत 20:32

द्‍याह ङाइ निङकाय परमेस्‍वरको चरनहाङ र परमेस्‍वरको अनुग्रहको आखरहाङ सुम्‍पनेनाङ्‍स। इ आखरइखे निङकाय बिस्‍वासहाङ बल्‍यो जाह्‍ङ्‍तेनय र परमेस्‍वरइ लयको लागि छ्‍युह्‍ङ्‍सास्‍यावोलम मध्‍येहाङ लयको मान्‍ता स्‍याउसाकाय अधिकार बइतेनय।

खबरदुत 26:18

र नाङइ ओउमयको मिक फोल्‍ताक्‍ति ओउमयकाय च्‍याकोसय थोङोताङ र सय्‍तानको जिःङसय परमेस्‍वरकताङ द्‍याःन्‌सा परतेना। ओउत स्‍याउधार्‌ना ङाकहाङ जाह्‍ङो बिस्‍वास दुवारा सुद्‍ध स्‍यावो ओउमयइ लयमयको पापको छेमा र परमेस्‍वरको छ्‍युह्‍ङो मान्‍तालमको थाउ ओउमयइ दोःलेनय।’

१ थेसलोनिकि 4:2

धइतिदाह्‍य्‌सा प्रभु येसुको अधिकार दुवारा निइ निङकाय बयो अर्‌थिलमपाय निङइ चिःओले मुतेनय।

१ थेसलोनिकि 4:4

निङ हरेक मान्‍तालमइ ल-लयको ज्‍यानकाय गतहाइति अधिनहाङ गम्‍सा परना अनि गतहाइति पबित्र र मान-सम्‍मान दोःसा ज्‍योओ स्‍याउति याक्‍सा परना त दाह्‍यो कुरा चिःसा परलेतेनय।

१ थेसलोनिकि 5:18

हरेक अबस्‍थालमहाङमा परमेस्‍वरकाय धन्‍नेबाद बइनु, धइतिदाह्‍य्‌सा निङ ख्रिस्‍त येसुको मान्‍तालमको लागिखे परमेस्‍वरको इच्‍छ्‍या इले खेना।

१ थेसलोनिकि 5:23

धोमायो बइसास्‍यावो परमेस्‍वरइले निङकाय हरेक अबस्‍थालमहाङमा पबित्र जाह्‍ङ्‍तेपनय। ओउ परमेस्‍वरइले निको प्रभु येसु ख्रिस्‍त द्‍याह्‍न्‌ति वाङ्‍माच्‍युकसम्‍म निङको जुदा ग्‍वालाम, प्रान र ज्‍यानकाय दोह गल्‍तिमा नाःमातो जाह्‍ङ्‌ति बइतेपनय।

२ थेसलोनिकि 2:13

ङाको राप्‍तो बिस्‍वासि होयालम, प्रभुइ राप्‍सास्‍यावो निङको लागि निइखे परमेस्‍वरकाय सधयले धन्‍नेबाद बइसा परनाङ्‍सु। धइतिदाह्‍य्‌सा परमेस्‍वरइ निङकाय लयको पबित्र मान्‍ता जाह्‍ङ्‍सा र सत्‍यताहाङ बिस्‍वास जाह्‍ङ्‌ति ग्‍वालामको जिःङ दुवारा मुक्‍ति दोःसाको लागि ङ्‍हाहाङसयले छ्‍युह्‍ङ्‍सास्‍यावो मुना।

तीतस् 2:14

निकाय जुदा खालको पापलमसय छुत्‍कारा बइसा, र निको ल्‍हुङतुककाय सुद्‍ध जाह्‍ङ्‍साको लागि येसुइ बलिदानको रुपहाङ लयको रुवाङले बइसास्‍यावा। येसुइखे निकाय लयको मान्‍ता स्‍यावो र पे-पेओ कामलम जाह्‍ङ्‍सा मात्र झाको चाहसास्‍यावोझ्‍यान्‍ते ओउत जाह्‍ङ्‍सास्‍यावो खेना।