१ थेसलोनिकि 4:17 - चेपाङ

¹⁷ ओहाङसयको ओउ समयसम्‍म स्‍याक्‍तिमुओ निखे, प्रभुकाय फेलबाङखा क्रुस्‍साको लागि ओउ ङ्‍हाखाले सितिखायो बिस्‍वासिलमकुस ब्रकले मुसहाङ क्रुस्‍काइनातहि। ओउ बेलाहाङसयखे नि सधयको लागि प्रभुकुसले स्‍याउनातहि।

१ थेसलोनिकि 4:17 Iomraidhean Croise

मर्‌कस् 14:62

येसुइ जवाफ बइसास्‍यावा, “मा, ओउ ङाले खेनाङ। अनि निङइ ङा मान्‍ताको चोःकाय जुदा जिःङ नाःओ प्रभु परमेस्‍वरको ङोइसय च्‍युःङ्‌तिमुओ, र फेलबाङको मुसहाङ वाङ्‍धयमुओ च्‍यउतेनानि।”

खबरदुत 1:9

येसुइ इ कुरा तोति भ्‍याआपछि, ओउमयइ योति मुतोकहाङले परमेस्‍वरइ येसुकाय लाङकाताङ आःल्‌सास्‍यावा, र मुसइ बोःमोझ्‍यान्‍ते ओउमयइ येसुकाय च्‍यउसा खाइनिलि।

खबरदुत 8:39

जब ओउनिस तिःसय बाहिर ग्‍ल्‍युह्‍ङ्‌ति वाङाकाच, प्रभुको ग्‍वालामइ फिलिपकाय लात्‍ति आःलाथय, र ओउइ फिलिपकाय फेरि च्‍यउसा खायुलु। तर खेयाकायमा ओउ हाकिमि आन चोङाइति लयको ल्‍याम पाह्‍या।

१ थेसलोनिकि 3:13

ओउतले प्रभु येसुइ निङको बिस्‍वासकायमा बल्‍यो जाह्‍ङो स्‍याउपाना, अनि जब निको प्रभु येसु लयको जुदा पबित्र मान्‍तालमकुस द्‍याह्‍न्‌ति वाङ्‍सास्‍याउना, ओउतोक बेलाहाङखे परमेस्‍वर आपाको ङ्‍हा निङ पबित्र र दोह दोसमा नाःमातो स्‍याउतेपनय।

१ थेसलोनिकि 4:15

प्रभुइ निकाय स्‍यान्‍सास्‍यावो कुराले देङे निइ निङकाय तोधय मुनाङ्‍सु। प्रभु वाङ्‍साखेओ दिनसम्‍म स्‍याक्‍तिमुओ निखे, ओउ ङ्‍हाखाले सितिखायो मान्‍तालमसय ङ्‍हा प्रभुकाय क्रुस्‍सा दोःलेतहिलि।

१ थेसलोनिकि 4:18

ओउतझ्‍यान्‍ते एतताह्‍ङो सब्‍दलमसयले यातज्‍योइ अर्‌कोकाय हउसला बइकायो काम जाह्‍ङ्‍नु।

१ थेसलोनिकि 5:10

ख्रिस्‍त निको लागिले सिसास्‍यावोझ्‍यान्‍ते, निखे इ ज्‍यानहाङ सियाकायमा स्‍याक्‍तिले मुयाकायमा, येसु द्‍याह्‍न्‌ति वाङ्‍सास्‍याउतोक बेलाहाङ निखे सधयको लागि येसुकुस स्‍याक्‍ति मुलेनातहि।