१ थेसलोनिकि 4:16 - चेपाङ

¹⁶ धइतिदाह्‍य्‌सा प्रभु लयले हुकुमको ताह्‍ङो आवाज, मुख्‍य लाङकादुतको हाउनय र परमेस्‍वरको तुरहिको आवाजकुसि लाङकासय काःम्‌ताङ ग्‍ल्‍युह्‍ङ्‌ति वाङ्‍सा स्‍याउलेना। अनि ङ्‍हाखाले सितिखायो बिस्‍वासिलमखे जुदासय ङ्‍हा तेससय उह्‍ति च्‍योक्‌लेनय।

१ थेसलोनिकि 4:16 Iomraidhean Croise

खबरदुत 1:11

ओउनिसइ तोआकाचु, “अ गालिलको मान्‍तालम, निङ धइति इहाङ चिङ्‌ति फेलबाङताङ त्‍याउति योधय मुतेनय? गतहाइति निङकसय परमेस्‍वरइ येसुकाय लाङकाताङ आःल्‌सास्‍यावो निङइ च्‍यउतेआकानि, ओउतहाइतिले यात दिन ओउ येसु द्‍याह्‍न्‌ति वाङ्‍सास्‍याउना।”

१ थेसलोनिकि 1:10

अनि निङइ परमेस्‍वरको चोः येसु लाङकासय वाङ्‍सास्‍याउना त दाह्‍य्‌ति ल्‍युह्‍ङ्‌तिमुओ कुरामा ओउमयइ ल्‍हाकाकानि। परमेस्‍वरइ येसुकाय सिओसय उह्‍ति च्‍योक्‍ताक्‍सास्‍यावा, अनि परमेस्‍वरइ जुदा मान्‍तालमकाय न्‍याय जाह्‍ङ्‍सास्‍यावो दिनहाङखे, ओउ येसुइले निकाय परमेस्‍वरको रिससय दल्‍ताक्‍सास्‍याउलेना।

१ थेसलोनिकि 3:11

निको परमेस्‍वर आपा र निको प्रभु येसुइले निङकताङ वाङ्‍साखेओ ल्‍याम निको लागि फेरिले तयार जाह्‍ङ्‌ति बइपाताङ्‍सु त दाह्‍य्‌ति प्राथना जाह्‍ङ्‌ति मुनाङ्‍सु।

२ थेसलोनिकि 1:7

अनि परमेस्‍वरइ निङकाय र निकायमा ओउ सतावतसय छुत्‍कारा बइसास्‍याउलेना। परमेस्‍वरइ इ कामखे प्रभु येसु लयको जिःङकालि लाङकादुतलमकुस ल्‍युङो म्‍हेःहाङ लाङकासय वाङ्‍सास्‍याउतोक बेलाहाङ जाह्‍ङ्‍सास्‍याउलेना।

२ थेसलोनिकि 2:1

ङाको राप्‍तो बिस्‍वासि होयालम, जब निको प्रभु येसु ख्रिस्‍त द्‍याह्‍न्‌ति वाङ्‍सास्‍याउना, ओउबेलाहाङ प्रभुकाय क्रुस्‍साको लागि नि जुदा यातथाउहाङ ब्रक्‍त हुम्‍नातहि। ओउतझ्‍यान्‍ते ङा निङकाय सल्‍लाहको रुपहाङ इ कुरालम तोसा चाहनाङ—