१ थेसलोनिकि 4:10 - चेपाङ

¹⁰ खासहाङ निङइ ङ्‍हाखाले माकेदोनिया इलाकाभरिको जुदा बिस्‍वासिलमकाय लयको रापमय छ्‍यान्‍तिखायो मुतेनय। तर खेयाकायमा ङाको राप्‍तो बिस्‍वासि होयालम, निङइ ओउमयकाय अझले नाःतो राप्‍नु त दाह्‍य्‌ति निइ निङकाय बिन्‍ति जाह्‍ङ्‍सा चाहनाङ्‍सु।

१ थेसलोनिकि 4:10 Iomraidhean Croise

१ थेसलोनिकि 1:7

ओउतझ्‍यान्‍ते निङ माकेदोनिया र अखइया इलाकाहाङ मुओ जुदा बिस्‍वासिलमको लागि यातज्‍यो पेओ नमुना स्‍याउतेआकाय।

१ थेसलोनिकि 3:12

निइ निङकाय रापो लेखाले, प्रभु येसुइ निङ यात-अर्‌काकाय राप्‍काइसाको लागि र अरु जुदा मान्‍तालमकाय राप्‍साको लागि निङको रापमयकाय झन् नाःतो जाह्‍ङ्‌ति बइतेपनय।

१ थेसलोनिकि 4:1

द्‍याह अन्‍तिमहाङ, ङाको राप्‍तो बिस्‍वासि होयालम, निइ निङकाय स्‍यानो अनुसार परमेस्‍वरकाय म्रोताको खालको रुवाङ याक्‍साको लागि निइ निङकाय प्रभु येसुको मय्‍ङहाङ माहा जोक्‍तो बिन्‍ति जाह्‍ङ्‍नेनाङ्‍सु। निङपाय ङ्‍हामा ओउतले याको खेतेनय, तर अझ नाःतो ओउतहाइतिले याक्‍साको लागि निइ निङकाय हउसला बइसा चाहनाङ्‍सु।

२ थेसलोनिकि 1:3

ङाको राप्‍तो बिस्‍वासि होयालम, निइखे सधय निङको लागि परमेस्‍वरकाय धन्‍नेबाद बइसाले परनाङ्‍सु। अनि एत हाइसाखे निको लागि पेतो स्‍याउलेना, धइतिदाह्‍य्‌सा परमेस्‍वरहाङ निङको बिस्‍वास, र यात-अर्‌काको लागि निङको रापमय झन् नाःतो स्‍याउधय आलो मुना।

२ थेसलोनिकि 3:4

अनि निइ निङकाय आग्‍या जाह्‍ङो कुरालम निङइ देङेमा जाह्‍ङ्‍धय मुतेनय र लोन्‍हेमा जाह्‍ङ्‍लेतेनानि त दाह्‍यो कुराहाङखे नि प्रभुहाङ पक्‍का मुनाङ्‍सु।