१ थेसलोनिकि 3:6 - चेपाङ

⁶ तर तिमोथिखे निङको बिस्‍वास र रापमयको बारेहाङ पेओ खबर लात्‍ति देङे भखरले दाह्‍तिवाङो मुना। अनि नि निङकहाङ वाङो कुराकाय निङइ आन झाक्‍तिले सम्‍झति मुतेनय, र निइ निङकाय क्रुस्‍सा इच्‍छ्‍या जाह्‍ङोलेखाले निङइमा निकाय क्रुस्‍सा इच्‍छ्‍या जाह्‍ङो मुतेनय त दाह्‍यो कुराको बारेहाङमा ओउइ निकाय ल्‍हाक्‍ति छ्‍यानाताङ्‍सु।

१ थेसलोनिकि 3:6 Iomraidhean Croise

खबरदुत 16:1

पावल सिलासकुस दर्‌बि सहर स्‍याउधय फेरि लुस्‍त्राताङ आला, र ओहाङ यातचाक तिमोथि त मय्‍ङ्‍ओ बिस्‍वासि खेतो। ओउको आमा यहुदि बिस्‍वासि खेतो, तर आपाखे ग्रिक खेतो।

खबरदुत 18:1

ओहाङसयको पावल एथेन्‍स सहर फेआक्‍तिको कोरिन्‍थ सहरताङ आला।

खबरदुत 18:5

जब सिलास र तिमोथि माकेदोनिया इलाकासय दाह्‍तिवाङाकाच, पावलइ लयको जुदा समय येसुले ख्रिस्‍त खेसास्‍याउना त दाह्‍य्‌ति यहुदिलमकाय प्रचार जाह्‍ङ्‌ति हुताकान।

१ थेसलोनिकि 1:3

धइतिदाह्‍य्‌सा गतहाइति निङइ लयको बिस्‍वासकाय बेबहारहाङ वान्‍तेआकानि, गतहाइति निङइ अरु बिस्‍वासिलमकाय रापोझ्‍यान्‍ते ओउमयकाय सहयोग जाह्‍ङ्‍साको लागि जोक्‍तो मेहेनत जाह्‍ङ्‌ति काम जाह्‍ङ्‍तेआकानि, र गतहाइति निको प्रभु येसु ख्रिस्‍तहाङ निङइ गमो निङको आसा मधिम त मुना त दाह्‍यो कुरालमकाय निइ निको परमेस्‍वर आपाको ङ्‍हा सम्‍झनाङ्‍सु।

१ थेसलोनिकि 2:17

ङाको राप्‍तो बिस्‍वासि होयालम, निपाय केहि समयको लागि निङकसय वेङ्‍सा परआलाङ्‍सु, तर निङकाय मिकइ च्‍यउसा दोःमायाकायमा, निको मनहाङखे निङकाय सम्‍झतिले मुनाङ्‍सु। निइखे निङकाय क्रुस्‍सा झाको निको मनको इच्‍छ्‍या पुरा जाह्‍ङ्‍साको लागि खाइच्‍युकसम्‍मले कोसिस जाह्‍ङो मुनाङ्‍सु।

१ थेसलोनिकि 2:9

ङाको राप्‍तो बिस्‍वासि होयालम, निइ माहा जोक्‍तो जाह्‍ङो मेहेनतकायपाय निङइ पक्‍कामा म्‍हेःधाङलेतेनिलि। अनि निइ निङकाय परमेस्‍वरको पेओ खबर प्रचार जाह्‍ङ्‍तोकहाङ, निङ सुकायमा भार परलाम त दाह्‍य्‌ति दिन-याह्‌दिङ त मा दाह्‍य्‌मात निइ काम जाह्‍ङ्‌ति लयको बेबहार चलावो कुरापाय निङइ चिःओले मुतेनय।

१ थेसलोनिकि 3:7

ओउतझ्‍यान्‍ते ङाको राप्‍तो बिस्‍वासि होयालम, निङको बिस्‍वास बल्‍यो मुना त दाह्‍यो कुरा चिःति निको दुख-कस्‍तलमहाङमा निङको लागि निकाय हउसला मिलओ मुना।

२ थेसलोनिकि 1:3

ङाको राप्‍तो बिस्‍वासि होयालम, निइखे सधय निङको लागि परमेस्‍वरकाय धन्‍नेबाद बइसाले परनाङ्‍सु। अनि एत हाइसाखे निको लागि पेतो स्‍याउलेना, धइतिदाह्‍य्‌सा परमेस्‍वरहाङ निङको बिस्‍वास, र यात-अर्‌काको लागि निङको रापमय झन् नाःतो स्‍याउधय आलो मुना।

१ तीमोथी 1:5

ङाइ नाङकाय आग्‍या जाह्‍ङोको मुख्‍य उदेस्‍यखे ओउ मान्‍तालम लयमय बाद-बिबाद जाह्‍ङ्‍काइसा स्‍याउल, बरु यात-अर्‌काकाय राप्‍काइसा परना त तोओ खेना। अनि इ रापमयखे सुद्‍ध ल्‍हुङतुक, पेओ बिचार, र सत्‍य बिस्‍वाससय वाङो स्‍याउसा परना।

२ तीमोथी 1:3

तिमोथि, जब ङाइ नाङकाय दिनखामा याह्‌दिङखामा ङाको प्राथनाहाङ सम्‍झनेनाङ, ङाको पुर्‌खालमइ जाह्‍ङोलेखा ङाइ सुद्‍ध मनकुसि सेवा जाह्‍ङो परमेस्‍वरकाय ङाइ धन्‍नेबाद बइनाङ।