१ थेसलोनिकि 3:11 - चेपाङ

¹¹ निको परमेस्‍वर आपा र निको प्रभु येसुइले निङकताङ वाङ्‍साखेओ ल्‍याम निको लागि फेरिले तयार जाह्‍ङ्‌ति बइपाताङ्‍सु त दाह्‍य्‌ति प्राथना जाह्‍ङ्‌ति मुनाङ्‍सु।

१ थेसलोनिकि 3:11 Iomraidhean Croise

मर्‌कस् 1:3

“ओउखे सुमा याक्‍मालो थाउहाङ हिह्‌ति नोःओ हाउनय खेना, ‘प्रभु वाङ्‍साखेओ ल्‍याम तयार जाह्‍ङ्‍नु, ओउ वाह्‍साखेओ ल्‍यामलम धेङ्‍ताक्‍नु।’”

लुका 12:30

परमेस्‍वरकाय तह्‍य्‌मालो इ ल्‍हाउदयबाङको मान्‍तालमइ मात्र एतताह्‍ङो लिह्‌सिओ कुरा जाह्‍ङ्‍नानि। तर इ जुदा थोकलम निङकाय चाहना त दाह्‍य्‌ति निङको परमेस्‍वर आपाइ चिःसास्‍याउना।

लुका 12:32

ङाको चेलालमको मयो हुललम, निङ रइलाम! धइतिदाह्‍य्‌सा निङको परमेस्‍वर आपा निङकाय लयको राज्‍यको मान्‍ता जाह्‍ङ्‍सा झाक्‍सास्‍यावो मुना।

१ थेसलोनिकि 3:13

ओउतले प्रभु येसुइ निङको बिस्‍वासकायमा बल्‍यो जाह्‍ङो स्‍याउपाना, अनि जब निको प्रभु येसु लयको जुदा पबित्र मान्‍तालमकुस द्‍याह्‍न्‌ति वाङ्‍सास्‍याउना, ओउतोक बेलाहाङखे परमेस्‍वर आपाको ङ्‍हा निङ पबित्र र दोह दोसमा नाःमातो स्‍याउतेपनय।

१ थेसलोनिकि 4:16

धइतिदाह्‍य्‌सा प्रभु लयले हुकुमको ताह्‍ङो आवाज, मुख्‍य लाङकादुतको हाउनय र परमेस्‍वरको तुरहिको आवाजकुसि लाङकासय काःम्‌ताङ ग्‍ल्‍युह्‍ङ्‌ति वाङ्‍सा स्‍याउलेना। अनि ङ्‍हाखाले सितिखायो बिस्‍वासिलमखे जुदासय ङ्‍हा तेससय उह्‍ति च्‍योक्‌लेनय।

१ थेसलोनिकि 5:23

धोमायो बइसास्‍यावो परमेस्‍वरइले निङकाय हरेक अबस्‍थालमहाङमा पबित्र जाह्‍ङ्‍तेपनय। ओउ परमेस्‍वरइले निको प्रभु येसु ख्रिस्‍त द्‍याह्‍न्‌ति वाङ्‍माच्‍युकसम्‍म निङको जुदा ग्‍वालाम, प्रान र ज्‍यानकाय दोह गल्‍तिमा नाःमातो जाह्‍ङ्‌ति बइतेपनय।

२ थेसलोनिकि 2:16

निको प्रभु येसु ख्रिस्‍त लयइले अनि निकाय राप्‍सास्‍यावो र लयको अनुग्रहहाङ निकाय गलमा द्‍युम्‍मालो साहस र पेओ आसा बइसास्‍यावो निको परमेस्‍वर आपाइ,

२ थेसलोनिकि 3:16

धोमायो बइसास्‍यावो प्रभुइले निङकाय जुदा समय र हरेक अबस्‍थालमहाङमा धोमायो बइतेपनय। अनि प्रभु येसु निङ जुदाकुसले मुसास्‍याउपाना त दाह्‍य्‌ति ङाइ प्राथना जाह्‍ङ्‍नाङ।

२ थेसलोनिकि 3:5

प्रभुइ निङको ल्‍हुङतुककाय परमेस्‍वरको रापमय र ख्रिस्‍तको धइरेताताङ अगुवाय जाह्‍ङ्‍तेपनय त दाह्‍य्‌ति नि निङको लागि प्राथना जाह्‍ङ्‍नाङ्‍सु।