१ थेसलोनिकि 2:2 - चेपाङ

² नि इहाङ थेसलोनिकेताङ वाङोसय ङ्‍हा, फिलिप्‍पि सहरको मान्‍तालमइ निकाय ओहाङ गच्‍युक पेमातो दुख बयाताङ्‍सु, र गतहाइति निकाय बेइजत जाह्‍ङाताङ्‍सु त दाह्‍यो कुरामा निङइ चिःओले मुतेनय। तर ओहाङ गच्‍युकले निको बिरोत स्‍याउयाकायमा, निङकाय परमेस्‍वरको पेओ खबर प्रचार जाह्‍ङ्‍साको लागि परमेस्‍वरइ निकाय साहस बइसास्‍यावो मुलेना।

१ थेसलोनिकि 2:2 Iomraidhean Croise

खबरदुत 14:3

पावल र बर्‌नबासखे प्रभुको अनुग्रहको बारेहाङ साहसकुसि प्रचार जाह्‍ङ्‍धय आइकोनियनहाङ, नाःतो समयसम्‍म मुआकाच। प्रभुइ ओउनिसकाय ग्‍याह्‍ङ्‌सिओ कामलम जाह्‍ङ्‍सा जिःङ बइति ओउनिसइ प्रचार जाह्‍ङो आखर सत्‍य खेना त दाह्‍य्‌ति प्रमानित जाह्‍ङ्‍सास्‍यावा।

खबरदुत 14:5

अनि केहि अरु जातिको मान्‍तालम र यहुदिलम लयमयको अगुवालमकुस मिलति पावल र बर्‌नबासकाय बाङइ आप्‍ति सात्‍सा निर्‌नय जाह्‍ङाकानि।

खबरदुत 16:12

ओहाङसयको नि रोमि सासकलमको अधिनहाङ मुओ माकेदोनिया इलाकाको मुख्‍य सहर फिलिप्‍पिताङ वाह्‍ति आलालाङ्‍सु। अनि नि ओउ सहरहाङ केहि दिनच्‍युककाय मुआलाङ्‍सु।

खबरदुत 16:19

जब ओउ मोम्‍चोको मालिकलमइ ओउमयको नाःतो थेपो कमावो मउका वायो कुरा चिःआकानि, ओउमयइ पावल र सिलासकाय चुम्‍ति सासकलम मुओ बजारको चोकहाङ आःलाकानि।

खबरदुत 16:37

तर पावलइ सिपाहिलमकाय तोआकान, “निचिमा रोम देसको मान्‍ताले खेनाङ्‍च, र निचिको दोह गल्‍ति नाःमाखामा सहरको हाकिमिलमइ निचिकाय मान्‍तालमको ङ्‍हा घान्‍ताकाक्‍तिको झेलकनहाङ कुङाताङ्‍च। अनि देङेखे ओउमय निचिकाय गोप्‍पेहाङ फेसा चाहनय? अह, ओउत जुगाङमा स्‍याउल, रोमि हाकिमिलम लयमयले इहाङ वाङाक्‍तिको निचिकाय त्‍याल्‍सा परना।”

खबरदुत 17:1

पावल र सिलास माकेदोनिया इलाकाको अम्‍फिपोलिस र अपोल्‍लोनिया सहर स्‍याउधय थेसलोनिके सहरहाङ दाहाकाच, र ओहाङ यातज्‍यो यहुदि सभाकिम खेतो।

खबरदुत 17:17

ओउतझ्‍यान्‍ते ओउइ यहुदि सभाकिमहाङ आल्‍ति यहुदिलम र परमेस्‍वरको भक्‍ति जाह्‍ङो अरु जातिको मान्‍तालमकुस बहस जाह्‍ङाकान। अनि ओउ दिनमले बजारताङ आल्‍ति ओहाङ क्रुसो मान्‍तालमकुस ओउइ नोःसा फाःङाकान।

खबरदुत 19:8

पावल यहुदि सभाकिमहाङ आल्‍ति मान्‍तालमकाय सुम महिनासम्‍म परमेस्‍वरको राज्‍यको बारेहाङ साहसकुसि प्रचार जाह्‍ङ्‍धय ओउमयकाय चिःताक्‍सा कोसिस जाह्‍ङाकान।

खबरदुत 4:13

जब यहुदि सभाको सदस्‍यलमइ पत्रुस र युहन्‍नाको साहस च्‍यवाकानि, र इनिसपाय पह्राय-लेखाय नाःमालो साधरन मान्‍तानिस खेनाच त दाह्‍य्‌ति चिःति ओउमय माहा जोक्‍तो ग्‍याह्‍ङाकाय र ओउनिस येसुकुसले स्‍याउचतो त दाह्‍य्‌ति तह्‍याकानि।

खबरदुत 4:20

धइतिदाह्‍य्‌सा निचिइपाय लयनिसइ च्‍यवो र सायो दोह कुरामा तोमात मुसा खाइङचुलु।”

खबरदुत 4:31

जब ओउमयइ प्राथना जाह्‍ङ्‌ति द्‍युमाकानि, ओउमय हुम्‍तिमुओ थाउ रिह्‍ङा। ओउमय जुदाले पबित्र ग्‍वालामइ भरपुर स्‍यावाकाय र साहसि स्‍याउति परमेस्‍वरको खबर प्रचार जाह्‍ङ्‍सा फाःङाकानि।

खबरदुत 5:41

अनि मुख्‍य चेलालमखे “परमेस्‍वरइ निकाय येसुको मय्‍ङहाङ अपमान सहसा ज्‍योतो जाह्‍ङ्‍सास्‍यावा” त दाह्‍य्‌ति आन आसति ताह्‍ङो सभासय बाहिर ग्‍ल्‍युह्‍ङ्‌ति पाह्‍याकाय।

१ थेसलोनिकि 1:5

जब नि निङकहाङ पेओ खबर लात्‍ति वाङालाङ्‍सु, ओउ पेओ खबरहाङखे सब्‍दलम मात्र खेल तर जिःङमा खेतो, धइतिदाह्‍य्‌सा निइ तोओ कुरालमखे सत्‍यले खेना त दाह्‍य्‌ति पबित्र ग्‍वालामइ निङकाय माहा पेतोकुसि चिःताक्‍सास्‍यावो खेतो। अनि नि गतताह्‍ङो मान्‍ता खेनाङ्‍सु र गतहाइति निइ निङकाय सहयोग जाह्‍ङो खेङसुतो त दाह्‍यो कुरामा निङइ चिःओले मुतेनय।

२ तीमोथी 1:12

ओउतझ्‍यान्‍तेले देङे ङा इहाङ झेलकनखा दुख दोःति मुनाङ। तर इ कुराहाङखे ङा जुगाङमा रासङल, धइतिदाह्‍य्‌सा ङाइ सुकाय बिस्‍वास जाह्‍ङो मुनाङ त दाह्‍यो कुरा ङाइ पेतोकुसि चिःओ मुनाङ। परमेस्‍वरइ दोह कुरा ङाकाय बिस्‍वास दुवारा सुम्‍पति बइसास्‍यावो मुना, ओउ कुराखे लय द्‍याह्‍न्‌ति वाङ्‍माच्‍युकसम्‍म ख्रिस्‍तइले सुरछ्‍या जाह्‍ङ्‌ति गम्‍सास्‍याउना त दाह्‍यो कुराहाङमा ङा पक्‍का मुनाङ।