१ थेसलोनिकि 2:15 - चेपाङ

¹⁵ केहि यहुदिलमइ प्रभु येसुकाय साताकानि, र केहि यहुदिलमइखे अगमबक्‍तालमकाय साताकानि, अनि ओउमयइले निकायमा सतावत जाह्‍ङाताङ्‍सु। ओउतहाइति ओउमयइ परमेस्‍वर झाक्‍मालो काम जाह्‍ङाकानि, र जुदा मान्‍तालमको बइरि स्‍यावाकाय।

१ थेसलोनिकि 2:15 Iomraidhean Croise

लुका 24:20

मुख्‍य पुजारिलम र निको अरु अगुवालमइखे येसुकाय सात्‍साको लागि निर्‌नय जाह्‍ङ्‍साकाय रोमि सासकलमकाय सुम्‍पति बयाकानि। अनि ओउमयइ येसुकाय क्रुसहाङ योकोति साताकानि।

खबरदुत 12:3

ओउ कुराइ पाको अगुवालम आसओ च्‍यउति ओउइ पत्रुसकायमा पक्रताकान। इ घतनाखे छुत्‍काराको छ्‍यातको समयहाङ स्‍यावो खेतो।

खबरदुत 2:23

येसुकाय निङको क्रुतहाङले सुम्‍पति बइसा परना त दाह्‍य्‌ति परमेस्‍वरइ ङ्‍हाखाले योजना र निर्‌नय जाह्‍ङ्‍सास्‍यावो खेतो। ओउतझ्‍यान्‍ते येसुकाय क्रुसहाङ योकोति सात्‍ताक्‍साको लागि निङइ येसुकाय दुस्‍त मान्‍तालमको क्रुतहाङ सुम्‍पति बइतेआकानि।

खबरदुत 3:15

रुवाङ बइसास्‍यावोकाय निङइ सात्‍तेआकानि, तर परमेस्‍वरइ ओउकाय सिओसय उह्‍ति च्‍योक्‍ताक्‍सास्‍यावा। निचिखे इ सत्‍यताको साछि खेनाङ्‍च।

खबरदुत 4:10

निङ र इस्राएलको जुदा मान्‍तालमकाय निचिइ केहि कुरा तोसाले परना, इ मान्‍ता नासरतको येसु ख्रिस्‍तको जिःङको कारनइ पेतोकुस स्‍याकाक्‍तिको निङको ङ्‍हा चिङ्‌ति मुना। निङइ येसुकाय क्रुसहाङ योकोति सात्‍तेआकानि, तर परमेस्‍वरइखे येसुकाय सिओसय उह्‍ति च्‍योक्‍ताक्‍सास्‍यावा।

खबरदुत 5:30

निङइ क्रुसहाङ योकोति सातो येसुकाय निको पुर्‌खालमको परमेस्‍वरइ सिओसय उह्‍ति च्‍योक्‍ताक्‍सास्‍यावो मुना।

खबरदुत 7:52

दोह निङको पुर्‌खालमइ सताउमालो कुनय अगमबक्‍ता मुनय र? परमेस्‍वरको धर्‌मि सेवक वाङ्‍सास्‍याउधय मुना त दाह्‍य्‌ति अगमबानि जाह्‍ङो परमेस्‍वरको अगमबक्‍तालमकायमा निङको पुर्‌खालमइ साताकानि। र देङे निङइखे ओउ वाङ्‍सास्‍यावो ख्रिस्‍तकायमा धोका बइति सात्‍तेआकानि।