१ थेसलोनिकि 2:14 - चेपाङ

¹⁴ ङाको राप्‍तो बिस्‍वासि होयालम, यहुदियाहाङ मुओ परमेस्‍वरको मन्‍दलिलम अथबा ख्रिस्‍त येसुको मान्‍तालमकाय स्‍यावोलेखाले निङकायमा सतावत स्‍यावा। ओउमय यहुदिलमकसय सतावत दोःआकाय, ओउतले निङइमा लयको मान्‍तालमकसयले ओउ सतावत दोःतेआकाय।

१ थेसलोनिकि 2:14 Iomraidhean Croise

खबरदुत 11:19

स्‍तिफनसकाय सात्‍तोक बेलाहाङ ताह्‍ङो सतावत वाङोझ्‍यान्‍ते केहि बिस्‍वासिलम छरपस्‍त स्‍यावाकाय। ओउमय यहुदिलमकाय मात्र प्रचार जाह्‍ङ्‍धय फोनिके छेत्र, साइप्रस तापु र सिरियाको एन्‍तिओखिया सहरसम्‍मको यात्रा जाह्‍ङाकानि।

खबरदुत 13:50

तर यहुदिलमइ सहरको अगुवालम र ताह्‍ङो ओहोदाको धार्‌मिक मोम्‍चोलमकायमा पावल र बर्‌नबासको बिरोतहाङ कुल काआकानि, र ओउमयइ ओउनिसकाय सतावत जाह्‍ङ्‌ति ओउमयको छेत्रसय लगार्‌ति ल्‍होकाथाच।

खबरदुत 14:19

ओहाङसयको पिसिदिया छेत्रको एन्‍तिओखिया र आइकोनियन सहरसय केहि यहुदिलम लुस्‍त्राहाङ दाह्‍तिवाङाकाय। ओउ यहुदिलमइ लुस्‍त्राको मान्‍तालमकाय पावलको बिरोत जाह्‍ङ्‍सा र आक्रमन जाह्‍ङ्‍साकाय उन्‍चो लावाकानि। ओउमयइ पावलकाय बाङइ आपाकानि र द्‍याहपाय सिआ त म्‍हर्‌ति सहरसय बाहिर ह्रयुत्‍ति क्‍लाःआकानि।

खबरदुत 14:2

तर प्रभुहाङ बिस्‍वास जाह्‍ङ्‍मालो यहुदिलमइखे अरु जातिको मान्‍तालमकाय कुल काति रिस वाङ्‍ताकाक्‍तिको बिस्‍वासिलमको बिरोत जाह्‍ङ्‍ताकाकानि।

खबरदुत 14:4

तर आइकोनियनको मान्‍तालम निसभाकहाङ वेङाकाय। केहि मान्‍तालम यहुदिलमको लोन्‍हे लागआकाय र केहि मान्‍तालमखे मुख्‍य चेलानिसको लोन्‍हे लागआकाय।

खबरदुत 14:5

अनि केहि अरु जातिको मान्‍तालम र यहुदिलम लयमयको अगुवालमकुस मिलति पावल र बर्‌नबासकाय बाङइ आप्‍ति सात्‍सा निर्‌नय जाह्‍ङाकानि।

खबरदुत 17:13

तर जब पावलइ बेरिया सहरहाङमा परमेस्‍वरको आखर प्रचार जाह्‍ङ्‍धय मुना त दाह्‍यो कुरा थेसलोनिकेको केहि यहुदिलमइ सायाकानि, ओउमय ओहाङमा आलाक्‍तिको पावलको बिरोतहाङ मान्‍तालमको हुलकाय उन्‍चो लावाकानि।

खबरदुत 18:12

जब गलियोन त तोओ मान्‍ता अखइया इलाकाको सासक स्‍यावा, अनि केहि पाको अगुवालम मिलति पावलकाय आक्रमन जाह्‍ङाकानि र चुम्‍ति अदालतहाङ वानाकानि।

खबरदुत 8:1

मान्‍तालमइ स्‍तिफनसकाय बाङइ आप्‍ति सातो कुराहाङ सावलकोमा सहमति खेतो। ओउ दिनहाङसय यरुसलेमहाङ मुओ मन्‍दलिकाय ताह्‍ङो दुख र सतावत सुरु स्‍यावा। मुख्‍य चेलालमबाहेक अरु जुदा बिस्‍वासिलम यहुदिया र सामरियाको वरिपरि छरपस्‍त स्‍यावाकाय।

खबरदुत 8:3

तर सावलइखे जुदा थाउहाङ आल्‍ति मन्‍दलिकाय म्‍हेत्‍ताक्‍सा फाःङाकान। ओउइ किम-किमहाङ पोक्‍धय बिस्‍वासि गोय्‍चो-मोम्‍चोलमकाय ह्रयुत्‍ति आःल्‌धय झेलकनहाङ कुङुतो।

खबरदुत 9:1

ओउतोक बेलासम्‍ममा सावलइ प्रभुको चेलालमकाय सात्‍साको लागि रइसितो दाङ्‍क बइधय वाह्‍धयमुओ खेतो। ओउतझ्‍यान्‍ते ओउ ताह्‍ङो पुजारिकहाङ आला,

खबरदुत 9:13

हननियाइ जवाफ बयाकान, “तर प्रभु, ओउ मान्‍ता र ओउइ नाङको मान्‍तालमकाय यरुसलेमहाङ जाह्‍ङो माहा पेमालो दुस्‍त कामलमको बारेहाङ नाःतो मान्‍तालमइ ङाकाय तोओ मुना।

खबरदुत 9:31

ओउतोक बेलाहाङ जुदा यहुदिया, गालिल र सामरिया छेत्रको मन्‍दलिलमहाङ सतावतलम स्‍याउसा फेओझ्‍यान्‍ते बिस्‍वासिलम धोमाइतो याकाकाय। ओउमयइ परमेस्‍वरकाय मान-सम्‍मान जाह्‍ङाकानि, अनि पबित्र ग्‍वालामकसय सान्‍तवना दोःति सङ्‍ख्‍याहाङ नाःधय आलाकाय।

१ थेसलोनिकि 1:1

इ चिथिखे ङा पावल, सिलास, र तिमोथिको तर्‌फसय खेना। निइ इ चिथिखे परमेस्‍वर आपा र प्रभु येसु ख्रिस्‍तहाङ बिस्‍वास जाह्‍ङो निङ थेसलोनिके सहरको मन्‍दलिको बिस्‍वासिलमकाय लेखओ खेनाङ्‍सु। परमेस्‍वरइ निङकाय अनुग्रह र धोमायो बइतेपनय।

१ थेसलोनिकि 1:6

जब निङइ परमेस्‍वरको आखरकाय सुइकार जाह्‍ङ्‍तेआकानि, निङ लयको रुवाङहाङ निइ जाह्‍ङो र प्रभु येसुइ जाह्‍ङ्‍सास्‍यावो बेबहार अनुसार याक्‍तेआकाय। ओउतस्‍याउतोक बेलाहाङ निङइ नाःतो दुख च्‍यउतेआकानि, तर पबित्र ग्‍वालामइ निङकाय आसताक्‍सा स्‍याउलेआ।

१ थेसलोनिकि 3:4

धइतिदाह्‍य्‌सा नि निङकुस मुतोकहाङ, नाङ-निखे सतावतहाङ परसा लागओ मुनातहि त दाह्‍यो कुरापाय निइ निङकाय ङ्‍हाखाले तोओ खेङसुतो। अनि ओउखे तोओ अनुसारले स्‍यावो कुरामा निङइ चिःओले मुतेनय।

२ थेसलोनिकि 1:1

इ चिथिखे ङा पावल, सिलास, र तिमोथिको तर्‌फसय खेना। निइ इ चिथिखे निको परमेस्‍वर आपा र प्रभु येसु ख्रिस्‍तहाङ बिस्‍वास जाह्‍ङो निङ थेसलोनिके सहरको मन्‍दलिको बिस्‍वासिलमकाय लेखओ खेनाङ्‍सु।

२ थेसलोनिकि 1:4

ओउतझ्‍यान्‍ते निइ परमेस्‍वरको मन्‍दलिलमको माझहाङ निङको बारेहाङ ङाःति नोःसा खाइनाङ्‍सु। जुदा खालको सतावत र दुखको बेलाहाङ निङइ सहतिमुओ र परमेस्‍वरहाङ बिस्‍वास जाह्‍ङ्‌तिमुओ कुराहाङमा नि ङाःलेनाङ्‍सु।