१ थेसलोनिकि 1:9 - चेपाङ

⁹ धइतिदाह्‍य्‌सा नि निङकहाङ वाङ्‍तोक बेलाहाङ दोह-दोह स्‍यावो खेतो, अनि मुर्‌तिलमकाय फेआक्‍तिको सत्‍य अनि जिउदो परमेस्‍वरको सेवा जाह्‍ङ्‍लाङ निङ गतहाइति परमेस्‍वरकताङ द्‍याह्‍न्‌तेआकाय त दाह्‍यो कुरा ओउ मान्‍तालम लयमयइले ल्‍हाको खेनय।

१ थेसलोनिकि 1:9 Iomraidhean Croise

खबरदुत 14:15

“होयालम, निङइ धइति एतताह्‍ङो काम जाह्‍ङ्‍धय मुतेनय? निचिमा निङ लेखाताह्‍ङो मान्‍ताले खेनाङ्‍च। निचिपाय निङइ बेकारको कामलम फेति फेलबाङ, ल्‍हाउदयबाङ, समुन्‍द्र र ओउमयहाङ नाःओ जुदा थोकलम जाह्‍ङ्‍सास्‍यावो जिउदो परमेस्‍वरकताङ द्‍याह्‍न्‌न त दाह्‍य्‌ति परमेस्‍वरको पेओ खबरको घोसना जाह्‍ङ्‍लाङ इहाङ वाङो खेनाङ्‍च।

१ थेसलोनिकि 2:1

ङाको राप्‍तो बिस्‍वासि होयालम, नि निङकहाङ वाङ्‍तोक बेलाहाङ निको यात्रा खेरो वायो नाःआक्‌ल त दाह्‍यो कुरापाय निङ लयमयइले चिःओ मुतेनय।

१ थेसलोनिकि 2:13

निइ प्रचार जाह्‍ङो आखरकाय निङइ बिस्‍वास जाह्‍ङोझ्‍यान्‍ते निखे सधय परमेस्‍वरकाय धन्‍नेबाद बइसा चाहनाङ्‍सु। धइतिदाह्‍य्‌सा ओउ आखरखेपाय मान्‍तालमकसय खेलेल, तर परमेस्‍वरकसयले वाङो खेना। निङइ ओउकाय परमेस्‍वरको आखरको रुपहाङ सुइकार जाह्‍ङोझ्‍यान्‍ते, देङे परमेस्‍वरइ निङकहाङ ओउ आखर दुवाराले काम जाह्‍ङ्‍सास्‍याउधय मुना।

१ तीमोथी 4:10

निइ माहा जोक्‍तो मेहेनतकुसि काम जाह्‍ङ्‍नातह्‍य्‌नि, धइतिदाह्‍य्‌सा निइ जिउदो परमेस्‍वरकहाङ आसा-भरोसा गमो मुनातहि। ओउ परमेस्‍वरखे जुदा मान्‍तालमको, र बिसेस जाह्‍ङ्‌ति बिस्‍वास जाह्‍ङोलमको मुक्‍तिदाता खेसास्‍याउना।