१ थेसलोनिकि 1:8 - चेपाङ

⁸ धइतिदाह्‍य्‌सा निङको कारनइले माकेदोनिया र अखइया इलाकाभरि प्रभुको आखर प्रचार स्‍यावो खेना। अनि देङेखे निङइ परमेस्‍वरहाङ गमो बिस्‍वासको खबरमा जुदा थाउको मान्‍तालमइले चिःति खायो मुनय। ओउतझ्‍यान्‍ते ओउ मान्‍तालमकाय इ बिसयहाङ अरु नाःतो तोसाकाय नि आबस्‍यक ताःङसुलु।

१ थेसलोनिकि 1:8 Iomraidhean Croise

खबरदुत 18:12

जब गलियोन त तोओ मान्‍ता अखइया इलाकाको सासक स्‍यावा, अनि केहि पाको अगुवालम मिलति पावलकाय आक्रमन जाह्‍ङाकानि र चुम्‍ति अदालतहाङ वानाकानि।

२ थेसलोनिकि 1:4

ओउतझ्‍यान्‍ते निइ परमेस्‍वरको मन्‍दलिलमको माझहाङ निङको बारेहाङ ङाःति नोःसा खाइनाङ्‍सु। जुदा खालको सतावत र दुखको बेलाहाङ निङइ सहतिमुओ र परमेस्‍वरहाङ बिस्‍वास जाह्‍ङ्‌तिमुओ कुराहाङमा नि ङाःलेनाङ्‍सु।

२ थेसलोनिकि 3:1

अन्‍तिमहाङ, ङाको राप्‍तो बिस्‍वासि होयालम, निको लागि प्राथना जाह्‍ङ्‌ति बइताङ्‍सु त दाह्‍य्‌ति नि निङकाय बिन्‍ति जाह्‍ङ्‍नाङ्‍सु। प्रभुको आखर नाःतो भन्‍दा नाःतो फइलिधय आल्‍पाना, र इ आखर निङकहाङ वाङ्‍तोक बेलाहाङ निङइ मान-सम्‍मान जाह्‍ङोलेखाले गाउ थाउहाङ दाह्‌याकायमा जुदा मान्‍तालमइले मान-सम्‍मान जाह्‍ङ्‍पानानि त दाह्‍य्‌ति प्राथना जाह्‍ङ्‍नु।

१ तीमोथी 2:8

ओउतझ्‍यान्‍ते आराधना जाह्‍ङो हरेक थाउलमहाङ गोय्‍चो मान्‍तालमइखे ल-लयको पबित्र क्रुत लाङकाताङ च्‍युनाक्‍तिको यात-अर्‌काकुस रिस वाङ्‍काइमात र बिबाद जाह्‍ङ्‍काइमात प्राथना जाह्‍ङ्‍पानानि त दाह्‍यो ङा चाहनाङ।

२ तीमोथी 2:9

र ओउ पेओ खबर प्रचार जाह्‍ङो कारनइले ङा देङे दुख दोःति मुनाङ र अपराधिको रुपहाङ झेलकनहाङ साङ्‍लाइ पाःन्‌तिगमो मुनाङ। तर परमेस्‍वरको आखरकायखे साङ्‍लाइ पाःन्‌सा खाइलेल।