१ थेसलोनिकि 1:10 - चेपाङ

¹⁰ अनि निङइ परमेस्‍वरको चोः येसु लाङकासय वाङ्‍सास्‍याउना त दाह्‍य्‌ति ल्‍युह्‍ङ्‌तिमुओ कुरामा ओउमयइ ल्‍हाकाकानि। परमेस्‍वरइ येसुकाय सिओसय उह्‍ति च्‍योक्‍ताक्‍सास्‍यावा, अनि परमेस्‍वरइ जुदा मान्‍तालमकाय न्‍याय जाह्‍ङ्‍सास्‍यावो दिनहाङखे, ओउ येसुइले निकाय परमेस्‍वरको रिससय दल्‍ताक्‍सास्‍याउलेना।

१ थेसलोनिकि 1:10 Iomraidhean Croise

लुका 2:25

ओउबेलाहाङ सिमियोन त तोओ मान्‍ता यरुसलेमहाङ याक्‍तो। ओउपाय परमेस्‍वरकाय ङ्‍हामो धर्‌मि मान्‍ता खेतो र ओउइ परमेस्‍वरको भक्‍ति जाह्‍ङुतो। ओउइपाय इस्राएलिलमकाय छुत्‍कारा बइसाखेओ ख्रिस्‍तको ल्‍याम योतिमुओ खेतो। र पबित्र ग्‍वालाम ओउकुस मुसास्‍याउतो।

लुका 3:7

नाःतो मान्‍तालम युहन्‍नाकसय बप्‍तिस्‍मा लेःलाङ ओउकहाङ वाङाकाय। तर युहन्‍नाइ ओउमयकाय तोआथास, “अ बिखालु रुको सन्‍तानलम! ‘परमेस्‍वरइ जाह्‍ङ्‍साखेओ न्‍यायसय बेनसा खाइनातह्‍य्‌नि’ त दाह्‍य्‌ति निङकाय सुइ स्‍यान्‍‍‍‍तेआकाय?

खबरदुत 1:11

ओउनिसइ तोआकाचु, “अ गालिलको मान्‍तालम, निङ धइति इहाङ चिङ्‌ति फेलबाङताङ त्‍याउति योधय मुतेनय? गतहाइति निङकसय परमेस्‍वरइ येसुकाय लाङकाताङ आःल्‌सास्‍यावो निङइ च्‍यउतेआकानि, ओउतहाइतिले यात दिन ओउ येसु द्‍याह्‍न्‌ति वाङ्‍सास्‍याउना।”

खबरदुत 17:31

धइतिदाह्‍य्‌सा परमेस्‍वरइ इ सङ्‍सारको जुदा मान्‍तालमकाय धार्‌मिक्‍ताहाङ न्‍याय जाह्‍ङ्‍साको लागि दिन दोक्‍तिखायो मुना। र परमेस्‍वरइ लयको लागि ओउ काम जाह्‍ङ्‍साकाय यातचाक मान्‍ता येसुकाय छ्‍युह्‍ङ्‍सास्‍यावो मुना। परमेस्‍वरइ येसुकाय सिओसय उह्‍ति च्‍योक्‍ताक्‍ति जुदा मान्‍तालमकाय इ कुराको प्रमान बइसास्‍यावो मुना।”

खबरदुत 2:24

तर परमेस्‍वरइ येसुकाय सिओसय छुत्‍कारा जाह्‍ङ्‍सास्‍यावा, र रुवाङहाङ फेरि स्‍याक्‍ताक्‍सास्‍यावा। धइतिदाह्‍य्‌सा येसुकाय सिमयको जिःङको अधिनहाङ स्‍याउति मुसाकाय सम्‍भब नाःआक्‌ल।

खबरदुत 2:32

परमेस्‍वरइ ओउ येसुकायले सिओसय उह्‍ति च्‍योक्‍ताक्‍सास्‍यावा, र नि जुदाले इ कुराको साछि खेनातहि।

खबरदुत 3:15

रुवाङ बइसास्‍यावोकाय निङइ सात्‍तेआकानि, तर परमेस्‍वरइ ओउकाय सिओसय उह्‍ति च्‍योक्‍ताक्‍सास्‍यावा। निचिखे इ सत्‍यताको साछि खेनाङ्‍च।

खबरदुत 3:21

तर परमेस्‍वरइ उहिलेखा लयको पबित्र अगमबक्‍तालमकसय तोसास्‍यावो अनुसार, परमेस्‍वरइ जुदा कुरा नया जाह्‍ङ्‍माच्‍युककाय येसुखे लाङकाहाङले मुसा परना।

खबरदुत 4:10

निङ र इस्राएलको जुदा मान्‍तालमकाय निचिइ केहि कुरा तोसाले परना, इ मान्‍ता नासरतको येसु ख्रिस्‍तको जिःङको कारनइ पेतोकुस स्‍याकाक्‍तिको निङको ङ्‍हा चिङ्‌ति मुना। निङइ येसुकाय क्रुसहाङ योकोति सात्‍तेआकानि, तर परमेस्‍वरइखे येसुकाय सिओसय उह्‍ति च्‍योक्‍ताक्‍सास्‍यावा।

१ थेसलोनिकि 1:7

ओउतझ्‍यान्‍ते निङ माकेदोनिया र अखइया इलाकाहाङ मुओ जुदा बिस्‍वासिलमको लागि यातज्‍यो पेओ नमुना स्‍याउतेआकाय।

१ थेसलोनिकि 2:16

ओउमयइ निकाय अरु जातिको मान्‍तालमको लागि मुक्‍ति दोःओ आखर प्रचार जाह्‍ङ्‍साकाय रोकसा कोसिस जाह्‍ङ्‍धय मुनय, र एतहाइति ओउमयइ झन्-झन् नाःतो पापलम जाह्‍ङो मुनय। अनि परमेस्‍वर ओउमयकुस रिस वाङ्‍सास्‍यावोझ्‍यान्‍ते, अन्‍तिमहाङ द्‍याहखे रेह्‍न्‌तोले परमेस्‍वरइ ओउमयकाय दन्‍द बइसास्‍याउलेना।

१ थेसलोनिकि 2:7

कुनय यातचाक आमाइ लयको चोः चोःद्‍याङकाय स्‍याहार जाह्‍ङोलेखाले, नि निङकुस मुतोकहाङखे निङकुस नम्र स्‍याउतिले बेबहार जाह्‍ङालाङ्‍सु।

१ थेसलोनिकि 5:9

धइतिदाह्‍य्‌सा परमेस्‍वरइ निकाय लयको रिसहाङ दन्‍द बइसाको लागि छ्‍युह्‍ङ्‍सास्‍यावो खेलेल, तर निको प्रभु येसु ख्रिस्‍त दुवारा निकाय मुक्‍ति बइसाको लागि छ्‍युह्‍ङ्‍सास्‍यावो खेना।

२ तीमोथी 4:1

ख्रिस्‍त येसु लयको राज्‍य तयार जाह्‍ङ्‍साको लागि राजाको रुपहाङ द्‍याह्‍न्‌ति वाङ्‍सास्‍याउतोक बेलाहाङ, ओउ बेलासम्‍म सिधाङ्‍मालो र ङ्‍हाखाले सितिखायो मान्‍तालम जुदाकायले न्‍याय जाह्‍ङ्‍सास्‍याउना। ओउतझ्‍यान्‍ते परमेस्‍वर र ख्रिस्‍त येसुको ङ्‍हा ङाइ नाङकाय इ आग्‍या बइनेनाङ—

तीतस् 2:13

येसु ख्रिस्‍त लयको महान् महिमाकुस इ ल्‍हाउदयबाङहाङ द्‍याह्‍न्‌ति वाङ्‍साखेओ निको महान् आसाकाय ल्‍युह्‍ङ्‌ति मुतोकहाङ निखे ओउतहाइतिले याक्‍सा परनातहि। अनि ओउ येसु ख्रिस्‍तले निको महान् परमेस्‍वर र मुक्‍तिदाता खेसास्‍याउना।