San Mateo 8:10 - Tsome

¹⁰ Licuejpa Jesús toƚta'a linespa ƚincuxepa, etenƚcoco'ma juaiconapa. Timila' iƚne ts'iƚenc'e: ―Imanc' ixanuc' Israel olimetsaijma ȽanDios. Iƚca'a cal xans lixanuc' aimimetsaicoyi ȽanDios. Camilhuo' al ƚinca: Ni anuli imanc' caixina to iƚca'a cal xans. Iƚca'a ƚinca xonca ti'huaiyinge ȽanDios.

San Mateo 8:10 Iomraidhean Croise

San Mateo 15:28

Licuej'ma jiƚiya lataiqui' Jesús timi: ―Maca'no', acueca' aƚ'huaiyijmpa. Ma to laƚsahue'epa, toƚe ti'iƚa'. Maƚe 'hora ixaƚcona'ma ƚi'hua ƚaca'no'.

San Mateo 8:11

Camilhuo': Ticuaita locuenaye lan xanuc', iƚniya nomana' pe liyuf'ma cal 'ora, jouc'a lan xanuc' nomana' pe lof'acaiyopa cal 'ora. Jouc'a loƚtatahueló Abraham, Isaac, y Jacob, ticutsoƚaita anuli pe locuxeyopa ȽanDios, iƚque cal Cuecaj Rey.

San Mateo 8:9

Iya' jouc'a quihuejma ƚaƚcuxepa, cacuxela' laisoldado. Cami'ma anuli: “To'huaƚa'”, iƚque ti'hua'ma. Ƚocuena cami'ma: “To'huanni”, iƚque ti'huamma. Cami'ma ƚaimozo: “To'eƚa'”, iƚque ti'e'ma.

San Marcos 6:6

Ixim'mola' iƚne lipiƚya' xanuc' aiquiƚ'huaiyinge. Ixhueƚco'ma juaiconapa. I'hua'ma ehuentsola' ƚaiquiƚeloƚya' anujnca. Jiƚpe imuc'itsola' lan xanuc'.

San Lucas 5:20

Jesús ixim'mola' ti'huaiyijnyi tixaƚ'mena'ma cal xans, timi: ―Maipima, lojunac' joupa iƚojn‑napa.

San Lucas 7:50

Jesús timi ƚaca'no': ―Ima' aƚ'huaiyijmpa, toƚiya joupa unƚupo'. To'huanƚa' tixojla' meta. Aimoxhueƚmot'ƚecona'ma.

San Lucas 7:9

Licuej'ma Jesús toƚta'a linespa ƚincuxepa, etenƚcoco'ma juaiconapa. Ipai'e'moxi ipalaic'o'mola' lan xanuc' liƚenc'e, timila': ―Iƚque cal xans lixanuc' aimimetsaicoyi ȽanDios. Imanc' ixanuc' Israel tolimetsaicoyi ȽanDios. Camilhuo': Ailopa'a caiximpa nij naitsi imanc' to iƚque cal xans. Iƚque ƚinca xonca ti'huaiyinge ȽanDios.

Los Hechos 2:7

Tocomma tipailo liƚpicuejma', ixpailij'mola'. Ticuayi: ―Iƚne nopalaipá quiyouyomma Galilea.