San Mateo 7:2 - Tsome

² Ma to imanc' toƚpalaicola' loƚf'as xanuc' ma toƚta'a tipalaicom'molhuo'. Ma to moƚspif'caleyi, ma toƚta'a tixpif'quim'molhuo'.

San Mateo 7:2 Iomraidhean Croise

San Mateo 6:14

’Imanc', ja'ni tolimenc'e'ecotsola' loƚf'as xanuc' iƚe lo'epolhuo', jouc'a coƚ'Ailli' Nopa'a lema'a timenc'e'eco'molhuo' iƚe lixcay lonƚ'epa.

San Marcos 4:24

Ti'hua timuc'iyale, tu'ila': ―Toƚpo'noƚe cuenna laifmipolhuo': Imanc' iƚe loƚspic'ecopola' locuenaye, toƚta'a iƚniya tepi'icona'molhuo'. Xonca axpe' tepi'im'molhuo'.

San Lucas 6:38

Tolimenc'e'ecotsola' liƚjunac' loƚf'as xanuc', toƚta'a timenc'e'ecom'molhuo' loƚjunac' imanc'. Tolapi'itsola' locuenaye, toƚta'a tepi'icona'molhuo'. Tepi'icom'molhuo' al c'a alxpijma', lixhueya tentenca ipijuala, ti'e'em'mo' titsujoƚaiquemma.

2 Corintios 9:6

Toƚ'nujuaitsa: Nofapa ahuata tefot'ƚe'ma ahuata. Nofapa acueca' tefot'ƚe'ma acueca'.

Santiago 2:13

Iƚne pe aimixiñyi cuanuc', acueca' titeƚ'minnola'. Petsi tixiñyi cuanuc' tuyaicota al c'a.

Apocalipsis 18:6

Iƚiya liƚya' ma to li'e'epolhuo' imanc' toƚ'e'econtsa xonca. Iƚe lixcay li'epa, toƚpai'iconƚe oquemma. Ihuants'i lixcay loƚsnapa, imanc' toƚhuants'i'me xonca lixcay loxnaya.