San Mateo 13:3 - Tsome

³ Jesús axpe' i'onƚico'ma lo'epa ȽanDios fa'a li'a ƚamats'. Timila': ―Cal xans ipanni ica'nehuo'ma lam fanuj trigo.

San Mateo 13:3 Iomraidhean Croise

San Mateo 13:4

Mica'ne lam fanu' hualca ecangoƚaitsa lane. Lacaƚ'hui naiyulpá lema'a icuaitsa, itejn‑na'me.

San Mateo 13:53

Lijoupa limuc'iyalepa iƚne ƚataiquí, ipanni jiƚpiya.

San Mateo 22:1

Jesús ti'hua ti'onƚijma. Timila':

San Mateo 24:32

’Ja'ni toƚpo'noƚe cuenna iƚe lo'ipa al 'icux ti'i'ma coƚsina' icuaico'ma ƚinu'. Toƚta'a timuc'i'molhuo' al 'icux tuxcuaf'eƚa' limane', tilaƚa' laxhuaica lipela. Ma' anuli ja'ni toƚpo'noƚe cuenna iƚe lo'iya fa'a li'a ƚamats' ti'i'ma coƚsina' joupa cacuaiconno. Ti'iƚa' ma to laimipolhuo', joupa aicuai'ma al puerta.

San Marcos 12:1

Jesús ipango'ma i'onƚico'ma lo'epa ȽanDios fa'a li'a ƚamats'. Timila': ―Anuli cal xans ifapa ƚemats' ƚaifa' uva. Eti'ico'ma aitaƚ. Ipupa pe lotsuj'miyacu loxoc'eyonyacu lan 'uva, tipa'a'me laquija'. Ilanc'e'ma anuli li'nof'quiya lajut'ƚ, jiƚpiya tipajm'ma no'eya cuenna lan 'uva. Icu'ma ƚemats' lan xanuc' ti'etsa canic', tulij'me onƚca ƚaipammaiya. Aculi' i'hua'ma.

San Marcos 12:12

Lixanuc' cal cuecaj ca'ailli' jouc'a lomxiye nomuc'iyalepá locuxepa ȽanDios ixtuc'o'me Jesús, ticuayi: “Iƚque Jesús aƚ'onƚiconga' to iƚne lixcay lin'epá canic' jiƚpe ƚamats' lifampa cal 'uva”. Ehue'me te co'iya mi'noƚyacu Jesús. Ailopa'a qui'e'epa. Tixpaic'ennila' lan xanuc'. Ipo'no'me jiƚpe. Iyena'me.

San Marcos 3:23

Jesús ijoc'i'mola' iƚniya lomxiye, timila': ―¿Te caƚtalai'e'eya imanc'? ¿Te aga ƚonta'a Satanás tihuescuf'ma ƚipima conta'a? Ti'hua tipalaic'ola'. I'onƚicopa to lo'ipa. Timila':

San Marcos 4:13

Jesús ti'hua tipalaic'ola', timila': ―Ja'ni aicoƚcueca iƚe laitaiqui' lai'onƚicopa lo'epa ȽanDios fa'a li'a ƚamats', ¿te co'iya moƚcuec'eyacu ja'ni ca'onƚico'ma xonca lo'epa ȽanDios?

San Marcos 4:33

Ma to iƚna'a ƚataiquí toƚta'a juaiconapa i'onƚico'ma lo'epa fa'a li'a ƚamats' ȽanDios cal Cuecaj Rey. Lo'huajcocoyacola' liƚpicuejma' toƚta'a timuc'ila' Jesús.

San Lucas 12:41

Pedro icuis'e'ma timi Jesús: ―Maipoujna, iƚe lotaiqui' lof'onƚicopa tocuaiconanni, ¿te lu'inga' ma le'a illanc' o jouc'a to'ila' jahuay lan xanuc'?

San Lucas 8:10

Jesús timila': ―Imanc' epalc'o'ipolhuo' loƚpicuejma'. Toƚcuec'eyi lipime lataiqui' loya'apa lo'ipa petsi lan xanuc' tihuejcoyi ȽanDios ƚiƚRey. Ocuenaye a'i, aimicuec'eyi. Iƚne ma le'a aƚquimf'e ca'onƚicojma lo'epa ȽanDios, aimi'iya muhuaƚyacu. Ti'iƚa' to loya'apa al Paxi Liniƚingiya ticua: “Mehuelojnyi aimixim'me, miquimf'eyi aimicuej'me”.

San Juan 16:25

’Iya' laipalaic'opolhuo' a'ij cuajmaica cataiqui', ma le'a ai'onƚicopa. Ticuaihuo litine aica'onƚicoya. Cu'ina'molhuo' al cuajmaica. Cami'molhuo' te ts'i'ic' cai'Ailli'.