San Lucas 7:29 - Tsome

²⁹ Lan xanuc' jouc'a no'najtsi'iyalepá iquimf'epá linespa Juan, iƚne imetsaico'me ȽanDios aƚijca lo'epa, epo'i'mola' Juan.

San Lucas 7:29 Iomraidhean Croise

San Mateo 5:46

Ja'ni toƚ'etsola' capic'a ma le'a iƚne no'epolhuo' capic'a, ¿te cululijpa? Ma toƚta'a mi'eyi lin'najts'i'iyale.

San Lucas 20:6

Ja'ni aƚmiƚe: “Anuli cal xans nummepa”, lan xanuc' aƚma'aco'monga' apic'. Iƚne ticuayi Juan aprofeta. Ticuayi ȽanDios ummepa.

San Lucas 3:12

Jouc'a icuaiyunca lin'najts'i'iyale, iƚpic'a tepo'itsola' Juan. Icuis'e'me, timiyi: ―Momxi, illanc', ¿te caƚ'eyacu?

San Lucas 7:28

Iya' camilhuo': Iƚque Juan acuecaj xans. Ailopa'a caca'no' quipo'nohuo ƚi'hua to iƚquiya. Tama aimi'iya mi'onƚyacola' to Juan, ja'ni joupa itsufaipa petsi locuxeyopa ȽanDios Nopa'a lema'a, tama xonca aca'hua xans, iƚque joupa ulijnapa Juan.

San Lucas 7:35

’Iya' cacua: Ƚinca ȽanDios acueca' ac'a lipicuejma', toƚta'a timujyi iƚne naihuejcopá, jouc'a acueca' ac'a liƚpicuejma'.

Los Hechos 18:25

Joupa imuc'impá litaiqui' ƚaƚPoujna, ixina' te ts'i'ic' lipene iƚque. Al c'a timuc'iyale, aimixospa. Tu'iyale li'epa Jesús. Epo'icompa lipuftine Juan Bautista a'i lipuftine Jesucristo.

Los Hechos 19:3

Icuis'e'mola': ―Litine lepo'impolhuo', ¿naitsi colihuejcoyacu? ¿Te quipuftine? Timiyi: ―Lipuftine Juan Bautista. Lihuejcoyi litaiqui' iƚque, toƚta'a lapo'imponga'.

Romanos 10:3

Aiquiƚcueca lu'ipola' ȽanDios. Iƚque joupa uya'apa, u'ipola' naitsi iƚne lan xanuc' loxinyacola' to ailopa'a quiƚjunac', tepenuf'mola'. Ituca' lonespa lun Israel. Ticuayi: “Lanant'ƚi'me locuxepa ȽanDios. Toƚta'a aƚsim'monga' ninc'ic'a xanuc', lapenuf'monga'.” Toƚiya aimihuejcoyi ȽanDios. Iƚque joupa icuapa lo'eyacu lan xanuc' ja'ni tepenuftsola' to ailopa'a quiƚjunac'.

Apocalipsis 15:3

Tunac'yi iƚiya lunac'pa Moisés, iƚque i'epa lipenic' ƚiPoujna ȽanDios. Iƚe al canción ma' anuli licanción Ƚa'huaj Moƚ. Timiyi ȽanDios: “Acuecaj y axpaiqui' lof'epa ima' malanDios. Ima' maƚPoujna, ima' unCuecaj, tocuxela' jahuay lan xanuc'. Ima' to'ay ma le'a al c'a, ma le'a al ƚijca.

Apocalipsis 16:5

Aicuej'ma tipalay ƚapaluc quema'a nocuxepa ƚajay, timi: “Ima' manDios, ima' topa'a itsiya, topa'a li'ipa. Ima' aƚijca lof'epa, aƚijca toteƚ'mila' lan xanuc'.