San Lucas 7:14 - Tsome

¹⁴ Iƚoc'huai'ma pe lopa'a ƚimanapa. Ixpayaf'ma lonaf'ya ƚimanapa. Iƚne ts'iƚtaic' ecaxoƚ'me. Jesús timi: ―Mamijcano, camihuo': Totsahuenni.

San Lucas 7:14 Iomraidhean Croise

San Marcos 5:41

Jesús i'noƚ'e'e'ma limane ƚahuats', timi: ―Talitá kumi. (Iƚe lataiqui' lohuaƚquemma ticua: Macahuats', camihuo', totsahuenni.)

San Lucas 7:13

Jesús ehuelojm'ma ƚaca'no', ixim'ma cuanuc', timi: ―Aimojoj'ma.

San Lucas 7:15

Ƚimanapa icutsaina'ma, ipango'ma ipalai'ma. Jesús exat'ƚina'ma qui'máma'.

San Lucas 7:17

Ni petsi al distrito Judea, jouc'a ƚamats' ahuejnca jiƚpiya, lan xanuc' icuej'me li'epa Jesús.

San Juan 11:25

Jesús timi: ―Ma' iya' camaf'i'ina'mola' limanapola'. Capi'ina'mola' liƚpitine. Naitsi ƚaƚ'huaiyijmpa tama timanƚa' timaf'ina'ma.

San Juan 5:21

’Cai'Ailli' ixina' timaf'i'ina'mola' limanapola'. Tepi'ina'mola' liƚpitine. Iya' i'Hua ȽanDios jouc'a aixina' camaf'i'ina'mola' limanapola'. Caxpic'e ja'ni capi'ina'mola' liƚpitine, jouc'a caxpic'e ja'ni aicapi'iyacola'.

San Juan 5:25

Iya' camilhuo' al ƚinca: Iya' i'Hua ȽanDios cajoc'i'mola' limanapola'. Iƚniya nocuejyacu laitaiqui' timaf'ina'me. Litine ca'e'ma toƚta'a ti'hua ticuaihuo. Iya' cacua: Joupa icuai'ma.

Romanos 4:17

Toƚta'a loya'apa al Paxi Liniƚingiya, tuya'e': Ima', axpela' lan xanuc' timetsaico'mo' iƚ'ailli', iƚ'ahuelo; iƚne ituca' ituca' liƚnación. Iƚe litine tama quituca' Abraham, ailopa'a qui'hua, ȽanDios liximpa iƚ'ailli' axpela' lan xanuc'. Ƚinca ȽanDios ti'i'ma timaf'i'ina'mola' limanapola'. Iƚque tipalaicola' lan xanuc' ai'a timajnlita, tinescola' to jipu'hua timana'. Ma toƚta'a li'ejma' ȽanDios ƚi'huaiyijmpa Abraham.

Efesios 5:12

Iƚniya juaiconapa axujc'a iƚe lo'epa lemiya, ni aimi'iya maƚnescoyacu.