San Lucas 3:14 - Tsome

¹⁴ Jouc'a lan soldado icuaiyunca, icuis'e'me, timiyi: ―Illanc', ¿te caƚ'eyacu? Timila': ―Aimoƚnantsej'mola' lan xanuc'. Aimoƚcuf'mola' lan xanuc' petsi ailopa'a co'epa. Tetenƚcocotsolhuo' lo'najtsempolhuo'.

San Lucas 3:14 Iomraidhean Croise

San Mateo 8:5

Jesús itsufai'ma liƚya' Capernaum, icuaiyunni anuli nocuxepola' amaxnu lisoldado. Tixa'hue Jesús titoc'iƚa'.

San Lucas 19:8

Zaqueo ecax'ma, ipalaic'o'ma ƚaƚPoujna Jesús, timi: ―Toxinƚa', maipoujna, itsiya onƚca ƚai'hueca capi'ina'mola' lan xanuc' pe aiquiƚ'hueca. Naitsi cal xans ƚaifel'mipa, nexic'epa litomí, capi'icona'ma amalpemma.

San Lucas 3:10

Lan xanuc' icuis'e'me, timiyi: ―¿Te caƚ'eyacu illanc'?

San Lucas 3:13

Juan timila': ―Toƚ'najtsi'iyaleƚe al ƚijca. Aimoƚfel'miyale'me.

Los Hechos 10:7

Ƚapaluc quema'a nopalaic'opa Cornelio i'huana'ma. Cornelio ijoc'i'mola' oquexi' limozó. Jouc'a ijoc'i'ma anuli cal soldado notoc'ipa. Iƚque cal soldado tenanƚi locuxepa ȽanDios.

Filipenses 2:15

Ja'ni tolihuejle iƚe laimipolhuo' ti'i'ma ma le'a ac'a lonƚ'ejma', aimi'iya micufquinyacolhuo'. Toƚmuj'moƚtsi imanc' inaxque' ȽanDios. Aimi'onƚcoyacolhuo' loƚf'as xanuc', iƚne a'ij ƚijca lo'epa, eteƚquemma liƚpicuejma'. Xonca ti'onƚcotolhuo' to lan xamna. Mi'i'ma lipuqui' iƚiya tulif'eyi pu'hua lema'a.

Filipenses 4:11

Iya' lainespa: “Aƚtoc'iconapa”, aicanescoyoxi nincuanuc'. Iya' ja'ni ac'a capa'a o ja'ni a'ijc'a, tixoqui neta cuyaijma lapajnya. Joupa nepenufpa toƚta'a laipicuejma'.

Tito 2:3

Momuc'ila' litsilojpola' lacaƚ'no' toxc'ai'itsola', tomitsola': “Imanc' noƚspaic'epá ȽanDios ti'iƚa' ac'a loƚ'ejma'. Aimoƚsahuale'me. Aimoƚsnatsoƚai'me vino. Toƚmuc'iyaleƚe al c'a.

Apocalipsis 12:10

Aicuej'ma tipalquinni ujfxi jiƚpiya lema'a, ticua: “Itsiya ƚinca imuj'moxi nulemma ƚalanDios, maƚque Ƚalunƚu'eponga', iƚque acueca' lo'epa, ticuxe. Jouc'a ƚiCristo imuj'moxi icueya limane. Joupa eca'nimpa ƚonta'a Satanás, ticufquila' lapimaye. Ipuqui' itine tipalaic'o ȽanDios, ticuxecola'.