San Lucas 19:42 - Tsome

⁴² timi: ―Iya' caxhueƚcocojma iƚe lo'iyaco', miƚya' Jerusalén. Itsiya ȽanDios ipic'a tipaxnetsola' loxanuc'. Ipic'a titoc'itsola', tuyalaiƚe al c'a. ¡Coƚa' ticuec'eƚe! Aimi'iya micuec'eyacu.

San Lucas 19:42 Iomraidhean Croise

San Lucas 19:41

Iƚoc'oƚai'me xonca Jerusalén. Lixim'ma liƚya' Jesús ijoj'ma,

San Lucas 19:43

Ticuaita litine ticuaicu laixtuc'opo'. Tejuajmi'me camats' lixpula' ƚomitaƚ. Tilanc'e'me lof'ajcoyacu. Tipa'nem'me canumicay, loxanuc' ailopa'a caipalcoyacu.

San Lucas 19:44

Laixtuc'opo' tif'ajli'me ƚomitaƚ, teca'not'ƚi'me ƚomitalot'ƚ, jouc'a loxanuc'. Laixtuc'opo' tijou'ne'mo' nulemma. Ni anuli ƚapic mipo'nof'queya ƚocuena capic. ȽanDios joupa icuai'ma coƚa' tipaxnetso'. Ima' aicoxingufi toƚta'a lo'eya, aicocuac'. Toƚiya titeƚ'mi'mo' to laifmipo'.

Los Hechos 10:36

’Illanc' ixanuc' Israel, toƚta'a alu'iponga' ȽanDios, lumme'eponga' Jesucristo. Iƚque iƚPoujna jahuay lan xanuc', uya'a'ma: “ȽanDios ipic'a tiyejmaleƚe lan xanuc'”.

Los Hechos 13:46

Pablo y Bernabé aimixpailiquila'. Timinnila' iƚne lan xanuc' naixtulepá: ―Ate'a alu'ipolhuo' imanc' litaiqui' ȽanDios. Toƚta'a lixpic'epa. Imanc' aimetenƚcocolhuo', aimolapenufyacu al ts'e loƚpitine, tolacani'eyoƚtsi coƚtuca'. Itsiya aƚpo'no'molhuo'. Aƚe'me pe lomana' locuenaye xanuc' pe aimimetsaicoyi ȽanDios. Aƚpalaic'otola' iƚniya.

Hebreos 3:13

Itine itine toƚsc'ai'itsoƚtsi ma mimilhuo' ȽanDios: “Itsiya aƚquimf'eƚa'”. Ja'ni a'i, aga hualca imanc' tolihuej'me lixcay cane, toƚta'a toƚfel'mi'moƚtsi, ti'i'ma ata ƚolunxajma'.

Hebreos 3:15

Toƚiya tuya'e': Itsiya ja'ni ȽanDios tipalaic'olhuo', toƚquimf'eƚe. Aimi'i'ma ata ƚolunxajma' to li'epa iƚne lincuejlocale xanuc'.

Hebreos 3:7

Ticuicomma tonlihuejcoƚe loya'apa cal Espíritu Santo. Iƚque tuya'e': Itsiya ja'ni ȽanDios tipalaic'olhuo' toƚquimf'eƚe.