San Lucas 13:4 - Tsome

⁴ ’Lecangenni iƚe li'nof'quiya lajut'ƚ lopa'a Siloé, ima'a'mola' imbamaj paico lan xanuc', uxpats'i'mola'. ¿Te coƚcuapa? ¿Te xonca acueca' liƚjunac' iƚniya lima'mola'? Locuenaye xanuc' nimajmpá Jerusalén, ¿te ailopa'a acueca' quiƚjunac'?

San Lucas 13:4 Iomraidhean Croise

San Mateo 18:24

Lipangopa li'najtsi'ipola' limozó, ate'a icuai'entsa anuli cal mozo xonca itaiyinge acueca'.

San Mateo 6:12

Illanc' joupa limenc'e'ecopola' iƚne ts'aƚtaiyinc'enga'. Ima' jouc'a limenc'e'ecotsonga' iƚe laƚtaiyinc'ehuo'.

San Lucas 11:4

Illanc' joupa limenc'e'ecopola' iƚne laƚ'e'eponga' lixcay. Ima' jouc'a alimenc'e'ecotsonga' petsi lalimenajponga'. Aimaƚƚeco'monga' lalahuaiyoyaconga'. Ja'ni tiƚoc'huai'ma laƚmana' ƚixcay xans, ima' lunƚu'etsonga'.

San Lucas 13:3

Iya' camilhuo': A'i xonca acueca' liƚjunac'. Imanc' ja'ni aimoƚsuej'memma jouc'a tejac'molhuo', jahuay imanc'.

San Lucas 13:5

Iya' camilhuo' a'i xonca acueca' liƚjunac' iƚne lima'a'mola' li'nof'quiya lajut'ƚ. Imanc' ja'ni aimoƚsuej'memma jouc'a tejac'molhuo', jahuay imanc'.

San Juan 9:11

Timila': ―Cal xans cuftine Jesús, i'epa ƚixitsqui. Iƚque ƚixitsqui aƚmet'ƚi'ipa lai'u'. Alummepa lin'nuhua' Siloé. Aƚmipa: “Jiƚpiya tapajtsi lo'u'”. Ai'hua'ma, nepajtsi lai'u', itsiya exilinamma lai'u', cahuetsalenghua.

San Juan 9:7

Timi cal fo': ―To'huaƚa' jipu'hua lin'nuhua' cuftine Siloé. Iƚpiya tapajtsi lo'u'. Iƚe lipuftine Siloé tuhuaƚquemma: Ummempa. Cal fo' i'hua'ma, epajtsi li'u'. Lipainamma, tehuetsalenghua.

Los Hechos 28:4

Lixim'me ƚainofaƚ tijujnya limane Pablo, lun Malta ticuayi: ―Iƚque acuecaj inma'ahuale xans. Tama unƚupa ƚaja itsiya tima'ma. Tipa'a anuli No'eya al ƚijca. Iƚque ummepa ƚainofaƚ tima'aƚa' cal xans.