San Lucas 11:45 - Tsome

⁴⁵ Anuli iƚne lomxiye nomuc'iyalepa locuxepa ȽanDios italai'e'e'ma, timi: ―Momxi, lofcuapa toƚta'a jouc'a illanc' aƚmiloquinga' cataiqui'.

San Lucas 11:45 Iomraidhean Croise

San Mateo 22:35

Anuli iƚniya, iƚque ƚomxi nomuc'iyalepa locuxepa ȽanDios, ehuai'ma Jesús, icuis'e'ma, timi:

San Lucas 11:46

Jesús italai'e'e'ma, timi: ―Imanc' unc'omxiye noƚmuc'iyalepá locuxepa ȽanDios, a'ijc'a lo'iyacolhuo'. Imanc' tolatonc'iyi lataiqui' locuxepa ȽanDios. Toƚcuxe'ela' lan xanuc' tenant'ƚiƚe jahuay iƚe loƚtaiqui'. Iƚniya tixinyi ipime loƚcuxe'epola', afule mixnet'ƚyi. Jouc'a imanc' aimolanant'ƚiyi. Toƚsinyoƚtsi uhuaƚquelhuo'. Toƚcuxeyoƚtsi coƚtuca'.

San Lucas 11:52

’Imanc' unc'omxiye noƚmuc'iyalepa locuxepa ȽanDios a'ijc'a lo'iyacolhuo'. Joupa oƚcuapá: “Ma le'a illanc' aƚsina'. Ma le'a illanc' aƚmuc'iyale'me.” Joupa oƚs'nifcopá al puerta, olamipá cal llave. Imanc' aicoƚtsuflaic' pe locuxeyopa ȽanDios, jouc'a aicolapi'ila' lane lan xanuc'. Pe nocuapá: “Aƚtsulfoƚaiƚe”, imanc' oƚpa'nela'.

San Lucas 7:30

Lan xanuc' fariseo jouc'a lomxiye nomuc'iyalepá locuxepa ȽanDios etets'i'me loxpic'epa ȽanDios, aiquilepoc', aimicuayi.

San Juan 7:48

¿Te ti'huaiyinge anuli naƚcuxeponga'? O anuli ƚaƚf'as fariseo, ¿te ti'huaiyinge? A'i. Le'a lan xanuc' aiquiƚmuxejma, ma' iƚniya ti'huaiyijnyi.

San Juan 7:7

Loƚf'as xanuc' nomana' fa'a li'a ƚamats' aimi'iya mi'eyacolhuo' laic'. Iya' ƚinca aƚ'e'e laic'. Aiquiƚpic'a laifnu'ipola', camila': “Tonƚ'eyi lixcay”.

San Juan 9:40

Lam fariseo nomana' jiƚpe pe lopa'a Jesús icuej'me lines'ma. Iƚniya icuis'e'me, timiyi: ―¿Te ma illanc' jouc'a ninc'ifohue?