San Juan 9:4 - Tsome

⁴ Micoƚi litine aƚ'e'me loxpic'epa ȽanDios, iƚque Ƚalummepa. Tijouƚa' timufc'oƚa' aimi'iya maƚ'eyacu lanic'.

San Juan 9:4 Iomraidhean Croise

San Mateo 20:7

Italai'e'e'me, timiyi: “Nij naitsi naƚmiponga': Toƚ'eta canic'.” Ƚapoujna timila': “Jouc'a imanc' tonƚeƚe, tonƚ'etsa canic' jiƚpiya ƚifafiya ƚai'uva. Ca'najtse'molhuo' to mi'najtsenni.”

San Marcos 3:3

Jesús ipalaic'o'ma cal xans, iƚque ts'ijuƚ quimane. Timi: ―To'huanni fa'a. Tacaxla', tahuoc'ocotsola' lan xanuc'.

San Juan 10:32

Iƚque timila': ―Imanc' joupa oƚsimpá axpe' ai'epa al c'a, iƚiya laƚmuc'ipa cai'Ailli'. Itsiya toƚspic'eyi aƚma'a'ma. Lu'iƚa': ¿Jale lai'epa aicoƚpic'a?

San Juan 10:37

Ƚinca, ja'ni aica'ay to lo'epa ȽanDios cai'Ailli', aimalapenuf'ma.

San Juan 12:35

Jesús timila': ―Fa'a tipa'a ƚapalc'o'ipolhuo'. Iƚque aimicoƚya fa'a li'a ƚamats'. Ma mipa'a lepalc'o' tonlihuejle iƚque. Ticuaitsi lipuqui' timufaj'molhuo'. Naitsi no'huapa al muf aimixina pe cotseya.

San Juan 17:4

’Fa'a li'a ƚamats' aimuc'ipola' naitsi ima'. Iƚe laipenic' lalapi'ipa ima', joupa aijou'nepa.

San Juan 4:34

Jesús timila': ―A'i. Aicalapi'inno. Iya' ca'ay lipenic' ȽanDios, iƚe lixpic'epa Ƚalummepa, cajou'ne'ma. Ma ca'ay lipenic' ȽanDios tocomma catesma, ti'hua ti'i caipujfxi.

San Juan 5:19

Jesús timila': ―Iya' i'Hua ȽanDios, camilhuo' al ƚinca: Iya' caituca' ailopa'a caif'eya. Aimi'iya. Iya' i'Hua ȽanDios, ate'a cahuelojm'ma lo'epa cai'Ailli', tijouƚa' ca'e'ma to lo'epa iƚque.

San Juan 5:36

Iƚque u'i'mola' lan xanuc' naitsi iya'. Itsiya imanc' toƚsinyi laif'epa. Iƚe xonca tuya'e naitsi iya', ma' anuli tuya'e naitsi Ƚalummepa, iƚque cai'Ailli'. Iƚe laif'epa, cai'Ailli' joupa aƚcuxe'epa ca'eƚa'. Lapi'ipa laipenic' cajou'neƚa'.

San Juan 7:33

Jesús ti'hua timuc'iyale, timila' lan xanuc': ―Ahuata capajncona'ma jifa'a pe loƚmana'. Tijouƚa' ca'huana'ma pe lopa'a Ƚalummepa.

Los Hechos 4:20

Illanc' aimi'iya maƚtaƚi'eyacoƚtsi laƚco. Iƚe laƚsimpa, laƚcuejpa, aluya'a'me, alu'i'mola' lan xanuc'.

Gálatas 6:10

Toƚiya iya' camilhuo': Itsiya tocomma to litine cafaya. Aƚ'eƚe al c'a. Aƚtoc'itsola' jahuay laƚf'as xanuc'. Xonca aƚtoc'itsola' laƚpimaye no'huaiyijmpá Jesucristo.

Efesios 5:16

Iƚna'a ƚitiné ipime. Ja'ni ti'i'ma tonƚ'e'me al c'a, ne' tonƚ'eƚe. Aimoƚ'huaico'me.

Colosenses 4:5

Ma moƚmana' petsi iƚne a'i capimaye, toƚspic'eƚe al c'a te ts'i'ic' lonƚ'eyacu, loƚpalaicoyacu. Itine itine tipa'a al c'a lonƚ'eyacu. Ne', tonƚ'eƚe toƚta'a.