San Juan 9:2 - Tsome

² Ts'ilihuequi Jesús icuis'e'me, timiyi: ―Momxi, ¿te qui'ipa lipajnta afo'? ¿Naitsi iƚque ts'ijunac'? ¿Te maƚque cal fo' o qui'ailli', qui'máma'?

San Juan 9:2 Iomraidhean Croise

San Mateo 16:14

Iƚniya timiyi: ―Timana' iƚne nocuapá ima' unJuan Bautista. Ocuenaye ticuayi ima' umprofeta Elías. Locuenaye ticuayi ima' umprofeta Jeremías o mocuenaj profeta.

San Mateo 23:7

Miyelocoyi locucaleyompa iƚpic'a lan xanuc' tinonintsola', timintsola': “¡Rabí, Rabí!” (Iƚe lataiqui' lohuaƚcuf'ipa ticua: Nomuc'iyalepa.)

San Mateo 23:8

’Imanc' aimecui'im'molhuo' “Rabí.” Tipa'a ma le'a anuli Nomuc'ipolhuo', imanc' unc'apimaye.

San Lucas 13:2

Jesús timila': ―Jiƚniya lun Galilea li'empola' toƚta'a, ¿te imanc' toƚcuayi xonca acueca' liƚjunac', liƚf'as xanuc' Galilea a'ij cueca' liƚjunac'?

San Juan 4:31

Ai'a ticuaicu lan xanuc', ts'ilihuequi Jesús ihui'i'me, timiyi: ―Momxi, totetsoƚa'.

San Juan 9:1

Jesús ti'hua lane, ixim'ma anuli cal fo'. Cal xans ma lipajnta afo'.

San Juan 9:34

Iƚniya italai'e'me, timiyi cal xans: ―Litine lopajncota ima' otaic' lojunac'. ¡Itsiya opic'a aƚmuc'itsonga' illanc'! Ihuescufna'me pe lefot'ƚeyoƚtsi. Timiyi: ―To'huanƚa'. Aimotsufaiconno jifa'a lajut'ƚ.

Los Hechos 28:4

Lixim'me ƚainofaƚ tijujnya limane Pablo, lun Malta ticuayi: ―Iƚque acuecaj inma'ahuale xans. Tama unƚupa ƚaja itsiya tima'ma. Tipa'a anuli No'eya al ƚijca. Iƚque ummepa ƚainofaƚ tima'aƚa' cal xans.