San Juan 6:26 - Tsome

²⁶ Jesús timila': ―Iya' camilhuo' al ƚinca: Tama laƚsimpa ma ca'ay al cueca', aimuc'ipolhuo' laipepaxi, imanc' aicoƚcueca. Joupa oƚtepá ƚa'i, inajncotolhuo', toƚta'a lahuay.

San Juan 6:26 Iomraidhean Croise

San Juan 3:3

Jesús italai'e'e'ma, timi Nicodemo: ―Iya' camihuo' al ƚinca: Lan xanuc' ticuicomma timajnlicontsa, ja'ni a'i aimi'iya mitsuflaiyacu pe locuxeyopa ȽanDios.

San Juan 3:5

Jesús italai'e'e'ma, timi: ―Iya' camihuo' al ƚinca: Ticuicomma tuyaicoƚa' laja' jouc'a tepenufla' cal Espíritu Santo. Iƚque cal xans ƚinca ipajnconna. Ja'ni a'i, aimi'iya mitsufaiya pe locuxeyopa ȽanDios.

San Juan 6:14

Lan xanuc' ixim'me acueca' lipepaxi Jesús, acueca' li'epa, ticuayi: ―Iƚca'a cal xans aprofeta. Iƚca'a ma' iƚque Ƚommeya ȽanDios, joupa icuai'ma.

San Juan 6:15

Iƚpic'a ti'noƚƚe Jesús, ti'e'e'me quiƚrey. Jesús ixina' toƚta'a lo'eyacu lan xanuc', enaj'moxi, i'hua'ma quituca' ƚijualay.

San Juan 6:2

Axpela' lan xanuc' ehuelojm'me axpe' al cueca' lo'epa Jesús, ehuelojm'me mixaƚ'menala' lafcualƚay. Iƚne nehuelojmpá toƚta'a tihuejnayi.

San Juan 6:24

Lijoupa li'ipa quiƚsina' ailopa'a Jesús, ailomana' ts'ilihuequi, iƚne lan xanuc' if'ajli'me lam barco, iye'me Capernaum, tehueta Jesús.

San Juan 6:30

Timiyi: ―To'eƚa' al cueca', tijouƚa' aƚ'huaiyijm'mo'. Ne'. Itsiya aƚmuc'itsonga' toƚta'a lof'eya.

San Juan 6:36

’Iya' joupa nu'ipolhuo' te ts'i'ic' loƚ'ejma'. Tama joupa aƚsimpa, aimaƚ'huaiyinge.

San Juan 6:47

Iya' camilhuo' ma' al ƚinca: Cal xans ƚaƚ'huaiyijmpa joupa ulijpa al ts'e lipitine aimijouya.

San Juan 6:53

Jesús timila': ―Iya' camilhuo' al ƚinca: Ja'ni imanc' aimoƚteji laicuerpo, ja'ni aimoƚsnayi laijuats', ailopa'a coƚpitine. Iya' iƚque cal Xans Ƚiximpa cal profeta pu'hua lema'a.

San Juan 6:64

Ƚinca hualca imanc' aimaƚ'huaiyinge. Jesús tixinnila' naitsi iƚniya aimi'huaiyijnyi. Jouc'a imetsaijma naitsi iƚque cal xans ƚocuya. Toƚta'a ixina' al te'a.

Romanos 16:18

Iƚne aimihuejyi locuxepa ƚaƚPoujna Jesucristo, le'a tehueyi te co'iya mulijyacu quiƚtomí, titetsoƚe al c'a. Tipalaiyi tocomma ac'a cataiqui', tetenƚcocola' lapimaye. Tifel'minnila' iƚne lapimaye petsi noximpá jahuay lataiqui' tocomma ma' anuli. Iƚne lapimaye aimimetsaicoyi petsi a'ijc'a capicuejma'.

Filipenses 2:21

Locuenaye nomana' fa'a, ituca' iƚne liƚpicuejma'. Xonca ti'nujuaisyoƚtsi iƚne quiƚtuca'. Aimi'nujuaisyi Jesucristo lipenic'.

Filipenses 3:19

Iƚne aimunƚulyacu, tecani'mola' nulemma. Aimihuejcoyi ȽanDios, mane tihuejcoyi liƚcu'u lojanajpa. Aquiƚsina' calaic'ata iƚe liƚ'ejma'. Xonca tixoqui quileta tuyalaicoyi toƚta'a. Ma le'a ti'nujuaisyi lopa'a fa'a li'a ƚamats'.

1 Timoteo 6:5

Ti'hua tifuli'iyoƚtsi, aimi'eyi anuli liƚpicuejma'. Iƚne lan xanuc' liƚpicuejma' joupa eteƚquemma, aimi'iya mixpic'eyacu al c'a, tihuejyi lafelƚaiqueya cataiqui'. Ticuayi: “Lihuejle ȽanDios, toƚta'a lulijle acueca' tomí”.