San Juan 4:29 - Tsome

²⁹ ―Tonƚouyunca. Camuc'itolhuo' anuli cal xans nalu'ipa jahuay lai'epa. ¿Te ma jiƚquiya cal Cristo?

San Juan 4:29 Iomraidhean Croise

San Mateo 12:23

Lan xanuc' ixoconni quileta. Ticuayi: ―¡Xinƚa'! Iƚque Jesús ti'ay al cueca'. ¿Te aga iƚque ƚacui'impa ƚi'Hua David?

San Juan 4:25

Ƚaca'no' timi: ―Aixina' ticuaihuo cal Mesías, jiƚquiya ƚecui'impá “cal Cristo”, ƚommeya ȽanDios. Itsiya tehue'e' laƚpicuejma' aicaƚcueca. Ma ticuaiyunni jiƚquiya lu'ina'monga' jahuay.

San Juan 4:28

Ƚaca'no' ipo'no'ma lijuti, ipainanni, i'hua'ma lipiƚya'. Timila' lan xanuc' jiƚpiya:

San Juan 4:30

Lan xanuc' ipalunca jiƚpe liƚpiƚya', iye'me pe lopa'a Jesús.

San Juan 4:39

Jiƚpe liƚya' Sicar ƚaca'no' joupa uya'ahuo'ma: “Iƚque aƚminapa jahuay lai'epa”. Licuej'me iƚe licuapa ƚaca'no' axpela' iƚniya lun samaritano i'huaiyijmpá Jesús.

San Juan 7:31

Axpela' lan xanuc' i'huaiyijm'me Jesús. Tinesyi: ―Ticuaiyunni cal Cristo, ¿ja'ni xonca lo'eya? Acueca' lo'epa Jesús.

Apocalipsis 22:17

Cal Espíritu Santo jouc'a Ƚipeno cal Moƚ timiyi: “¡To'huanni!” Naitsi nocuejpa iƚe lataiqui' jouc'a timiƚa': “¡To'huanni!” Imanc', ja'ni ticui conƚja', toliƚoc'oƚaiyunca. Laja' lapi'iyacolhuo' loƚpitine aimijouya, toƚsnaƚe. Iƚe laja' tepi'im'molhuo', aimi'najtsi'inyacolhuo'.