San Juan 20:13 - Tsome

¹³ Iƚniya timiyi María: ―Maca'no', ¿te cofjojcopa? María timila': ―Ileconapá Cai'ailli' Jesús. Aicaixina' petsi quipo'no'empá.

San Juan 20:13 Iomraidhean Croise

San Lucas 24:17

Jesús timila': ―Imanc' monƚeyi lane, ¿te coƚmipoƚtsi? Ecaxoƚenca. Ixhueƚconca. I'i'ma cafcuana liƚxans.

San Juan 19:26

Jesús ehuelojm'ma qui'máma' tecaxu jiƚpiya. Jouc'a ixim'ma anuli ts'ihuequi tecaxu liju' qui'máma'. Iƚque ts'ihuequi, Jesús xonca ti'ay capic'a juaiconapa. Jesús timi qui'máma': ―Momá, jiƚpe tipa'a ƚo'hua.

San Juan 2:4

Jesús italai'e'e'ma qui'máma', timi: ―Momá, ¿te caƚmicopa toƚta'a? A'i quixhuaiya lai'hora.

San Juan 20:15

Jesús timi: ―Maca'no', ¿te cofjojcopa? ¿Naitsi cofmehuepa? María ticua lipicuejma': “Iƚca'a no'epa cuenna ƚaqueya”. Timi: ―Mai'ailli', ja'ni ima' olecopa, lu'iƚa' pe copo'no'ehuo'ma. Iya' ai'huapa caleconna.

San Juan 20:2

María ipainanni ƚunts'eja', tinu. Icuaitsi pe lomana' Simón Pedro y ƚocuena ƚihuejpa Jesús. Jiƚque Jesús ƚi'epa capic'a. María timila': ―Joupa ipa'anapá Caƚ'ailli'. Jiƚpe ƚunts'eja' ailopa'a. Aicaƚsina' pe quipo'no'empa.

Los Hechos 21:13

Pablo aƚtalai'eponga', aƚminga': ―Imanc', ¿te coƚjolijcopa? Tonƚ'e'eyi aca'hua ƚainunxajma'. Aƚcuanac'e cajou'neya laipenic'. Aƚ'noƚintsi, aƚfi'entsi, aƚtats'entsi, o aƚma'antsi, iya' joupa aixpic'epa laif'eya. Canant'ƚi'ma laipenic' lalapi'ipa ƚaƚPoujna Jesucristo.