San Juan 2:18 - Tsome

¹⁸ Lan xanuc' judío icuis'e'me Jesús, timiyi: ―¿Te cof'ecopa toƚiya? Aƚmuc'itsonga' al cueca' lof'eya. Toƚta'a aƚcua'me al ƚinca epi'impo' lomane.

San Juan 2:18 Iomraidhean Croise

San Mateo 21:23

Jesús itsufaicona'ma pe lopa'a al cuecaj xoute'. Mimuc'ila' lan xanuc' icuaitsa lixanuc' cal cuecaj ca'ailli' jouc'a lan tsilaj xanuc' noxpijpá lataiqui'. Icuis'e'me, timiyi: ―¿Naitsi nepi'ipo' lomane toƚta'a to'e'ma? ¿Naitsi nummepo'?

San Marcos 8:11

Icuaiconanca lan xanuc' fariseo. Ipango'me icuis'mot'ƚecona'me Jesús. Ixa'hue'me ti'eƚa' al cueca', iƚe to lo'eya ȽanDios. Tehuaiyi.

San Lucas 11:29

Lan xanuc' efot'ƚepoƚtsi pe lopa'a Jesús. Ipango'ma u'i'mola', timila': ―Lan xanuc' nomana' itsiya litine ixcay liƚpicuejma'. Iƚpic'a ȽanDios timuc'itsola' al cueca'. Iya' cacua: Aimimuc'iyacola'. To li'ipa cal profeta Jonás luyaipa quitine ma toƚta'a aƚ'i'ma iya'. Iƚe ƚinca toƚsim'me, timuc'i'molhuo'.

San Juan 1:19

Lan xanuc' judío, maƚniya nomana' liƚya' Jerusalén, ummem'mola' la'aillí, jouc'a notoc'iyalepá la'aillí. Icuaiyunca pe lopa'a Juan Bautista, icuis'e'me, timiyi: ―¿Naitsi ima'?

San Juan 1:25

Ti'hua tipalaic'oyi Juan, timiyi: ―Ima' tocua: “Iƚniya cal Cristo, cal Elías, cal profeta ƚommeya ȽanDios, iƚne ocuenaye, a'i iya'”. Ne'. Itsiya ¿te cofmepo'icopola' lan xanuc'?

San Juan 6:30

Timiyi: ―To'eƚa' al cueca', tijouƚa' aƚ'huaiyijm'mo'. Ne'. Itsiya aƚmuc'itsonga' toƚta'a lof'eya.

Los Hechos 4:7

Icuxem'mola' lilepaluc' tilecontsola' Pedro y Juan. Icuai'entsola', ecaxum'mola' petsi lefot'ƚeyoƚtsi. Timinnila': ―Imanc' oƚsaƚ'mepá cal coxo. ¿Naitsi lepi'ipolhuo' coƚmane? ¿Te cuftine iƚque?

Los Hechos 5:28

Timila': ―Illanc' joupa aƚsc'ai'ipolhuo', aƚcuxe'epolhuo', aƚmipolhuo': “Aimoƚpalaicocona'me Jesús. Aimoƚnescocona'me lipuftine.” Itsiya, ¿te conƚ'epa? Joupa oƚ'nicopá loƚtaiqui' liƚpicuejma' jahuay lan xanuc' nomana' fa'a Jerusalén. Imanc' aƚtac'huinga' cajunac'. Toƚcuayi illanc' aƚma'apá iƚque cal xans Jesús.