San Juan 10:17 - Tsome

¹⁷ Iya' cacu'ma laipitine cunƚu'e'mola' laimot'ƚ, toƚiya cai'Ailli' aƚ'ay capic'a. Tijouƚa' aƚma'aƚa' capenufna'ma laipitine, camaf'ina'ma.

San Juan 10:17 Iomraidhean Croise

San Juan 10:11

Ƚiƚpoujna lam mot'ƚ, iƚque nohuic'iyacola', ja'ni ac'a xans ticu'ma lipitine, tunƚu'etsola' limot'ƚ. Toƚta'a lai'ejma'. Iya' ninC'a caPoujna, cunƚu'e'mola' laimot'ƚ.

San Juan 10:15

Cai'Ailli' limetsaijma iya', jouc'a iya' quimetsaijma cai'Ailli'. Ma' anuli to iƚta'a iya' quimetsaicola' laimot'ƚ. Iya' cacu'ma laipitine, cunƚu'e'mola' laimot'ƚ.

San Juan 10:18

Ailopa'a naliƚonc'e'eya laipitine. Ma caituca' cacu'moxi. Tipa'a laimane cacu'ma laipitine. Tipa'a laimane capenufna'ma laipitine. Cai'Ailli' aƚcuxepa ca'eƚa' toƚta'a.

San Juan 3:25

Ts'ilihuequi Juan ipalaic'o'moƚtsi lan judío, ifuli'i'moƚtsi cataiqui', tipalaicoyi lo'eyacu ja'ni ȽanDios tixintsola' alimpio, tepenuftsola'.

Hebreos 1:9

Ima' mihuequi al ƚijca, tetenƚcocohuo'. Petsi aimihuejyi to'ela' laic' liƚ'ejma', toƚiya manDios, xonca ifac'epo' ƚomenDios, xonca imetsaicopo'. Joupa mulijpola' lopimaye. Toƚta'a i'e'epo' tixojma meta juaiconapa.

Hebreos 2:9

Ƚinca aƚsinyi Jesús, iƚque icueya limane toƚta'a. Iƚque i'epoxi xans. Mipa'a fa'a li'a ƚamats' iƚne “… lapaluc' quema'a ni huata xonca atsila'”. Itsiya iƚque ticuxe jahuay. Lijoupa limapa, imaf'inapa, ȽanDios i'najtse'epa nulemma. Imetsaiconapa i'Hua, ma' anDios. Li'epoxi xans iƚque ixingufcopa lamaya, tunƚu'etsola' lan xanuc' cua naitsi liƚraza, ni petsi lomanc'eyacu. Toƚta'a lixpic'epa ȽanDios. Iƚque aƚ'nujuaisponga', ipic'a aƚtoc'itsonga'.