San Juan 1:38 - Tsome

³⁸ Jesús ipai'e'moxi, ixim'mola' loquexi' iƚenc'e, timila': ―¿Te colahuepá? Iƚniya italai'e'e'me Jesús, timiyi: ―Rabí, ¿pe copanc'epa? (Lataiqui' “Rabí”, iƚe ahebreo, ticuajmaispa: Omxi.)

San Juan 1:38 Iomraidhean Croise

San Lucas 10:39

Tipa'a ƚipima caca'no' cuftine aMaría. María icutsingai'ma li'mitsi' Jesús. Tiquimf'e litaiqui'.

San Lucas 14:25

Axpela' lan xanuc' ilihuequi Jesús lane. Lipai'e'moxi ipalaic'o'mola', timila':

San Lucas 15:20

’Ipainanni, ti'hua lane ticuainata lejut'ƚ qui'ailli'. Qui'ailli' tehuelonge, ixim'ma ƚi'hua icuaicona'ma aculi'. Ixinna'ma cuanuc'. Inu'ma tepenufnatsi. Litalecuftsi ipulc'o'ma, ituc'o'ma.

San Lucas 19:5

Jesús icuaitsi jiƚpiya, ehuelojm'ma al toncay al 'ec. Ipalaic'o'ma, timi: ―CumZaqueo, nuya taimunni. Itsiya ai'huapa lomejut'ƚ, cunxac'eta.

San Lucas 22:61

ȽaƚPoujna Jesús ipai'e'moxi, ehuelojm'ma Pedro. Pedro i'nujuaitsi lataiqui' limipa: “Iƚta'a lipuqui' ai'a tija'a'ma ƚangiti ima' tones'ma afanemma: Aicainimetsaijma Jesús.”

San Lucas 8:38

Cal xans pe ƚipa'empa lontahue tixahue'e Jesús tilecoƚa' jouc'a. Jesús aiquicuac'. Ixc'ai'ina'ma, timi:

San Juan 1:37

Iƚniya loquexi' ts'ilihuequi Juan icuej'me lonespa. Ihuejna'me Jesús.

San Juan 1:39

Jesús timila': ―Tonƚouyunca. Ƚepá. Toƚsinna. Iye'me, ixintsa jiƚpe pe lipanc'epa Jesús. Joupa uyaipa nolojmay cummuhuijma'. Imanequenca jiƚe litine.

San Juan 1:49

Natanael timi: ―Rabí, ima' i'Hua ȽanDios. Ima' maƚRey illanc' ixanuc' Israel.

San Juan 12:21

Iƚniya icuaita pe lopa'a Felipe. Felipe lipiƚya' Betsaida lopa'a al distrito Galilea. Timiyi: ―Maƚpima, aƚpic'a aƚsinƚe Jesús.

San Juan 18:4

Jesús joupa ixina' jahuay lo'iya. Ipanni, timila': ―Imanc', ¿naitsi conlahuepa?

San Juan 18:7

Jesús icuis'econa'mola', timila': ―Imanc', ¿naitsi conlahuepa? Iƚniya italai'e'econa'me, timiyi: ―Lahueyi Jesús, ƚas Nazaret.

San Juan 3:26

Ts'ilihuequi Juan icuaitsa pe lopa'a iƚque, timiyi: ―Momxi, tipa'a ocuena comxi tepo'iyale. Moƚmana' ƚu'hua al panaj Jordán, imanc' onƚejmale. Ima' lopalaic'opola' lan xanuc' onesco'ma iƚque. Itsiya jahuay lan xanuc' tiyeyi pe lopa'a.

San Juan 4:31

Ai'a ticuaicu lan xanuc', ts'ilihuequi Jesús ihui'i'me, timiyi: ―Momxi, totetsoƚa'.

San Juan 6:25

Icuaitsa locuenaj liju' lin'nuhua' ixinna'me Jesús, timiyi: ―Momxi, ¿tej hora locuai'ma fa'a?

Los Hechos 10:21

Pedro imunni. Ipalaic'o'mola' lam fantsi lan xanuc' lummepola' Cornelio. Timila': ―Iya' ninSimón. Imanc' lahuay. ¿Te coƚcuaiyoco'me? ¿Te ts'oƚpic'a?

Los Hechos 10:29

Toƚta'a iya' aicaƚcoƚi. Nihuejcopa laƚmipa iƚna'a lummepola' Cornelio. Aicainesqui: “Aimi'iya ca'huaya”. Aicuai'ma fa'a. Itsiya lu'iƚa': ¿Te caƚjoc'icopa?