Gálatas 2:3 - Tsome

^3-4 Ƚinca jiƚpe Jerusalén imajm'me hualca pe no'e'epoƚtsi capimaye. Iƚne itsuflaipá a‑ch'ixc'a. Ma le'a tehueyi te co'iya mixinyacu te ts'i'ic' laƚ'ejma'. Illanc' joupa aƚsinyoƚtsi luhuaƚquem'monga'. Aimaƚcuxeconayaconga' lataiqui' loya'apa: “Toƚ'etsoƚtsi circuncidar, tijouƚa' tepenuf'molhuo' ȽanDios”. Iƚne pe nalahue'ecoponga', iƚpic'a aƚcuxe'etsonga' lihuejconaƚe iƚe lataiqui'. Iƚpic'a ti'eƚe circuncidar ƚaƚejmale Tito, iƚque agriego. Illanc' aƚcuayi: “A'i. Toƚe tipanenni.”

Gálatas 2:3 Iomraidhean Croise

Los Hechos 15:24

’Joupa aƚmimponga' iƚe luya'apa hualca lapimaye lipalyomma fa'a. Iƚne imipolhuo': ‘Imanc' tolanant'ƚiƚe locuxepa Moisés. Tonƚ'etsoƚtsi circuncidar.’ Toƚta'a ixhueƚ'mipolhuo'. Toƚcuayi: ¿Te caƚ'eyacu? ’Itsiya lu'ilhuo': Illanc' aicalummela' iƚniya. Aicaƚmila': Toƚta'a toƚmitsola'.

Los Hechos 16:3

Pablo ixpic'epa tiyejmale'me. Ai'a tileco'ma i'e'ma circuncidar. Ticua: “Toƚta'a aimixtulecu lan xanuc' judío nomana' fa'a ƚamats'”. Jahuay iƚniya iƚsina' qui'ailli' Timoteo agriego. Toƚiya Timoteo aiqui'aic' circuncidar.

2 Corintios 2:13

Iya' a'i quixoqui neta. Jiƚpe Troas ailopa'a ƚaipima Tito. Iƚque laƚejmalepa, anuli aƚ'eyi lanic'. Aiquicuaiya. Iya' caxhueƚmot'ƚe. Aicaƚcoƚi. Aixc'ai'ina'mola' lapimaye. Nipanni jiƚpiya ai'hua'ma ƚamats' Macedonia.

Gálatas 2:1

Lixhuaitsi imbamaj malpu' camats' aitsehuona'ma Jerusalén. Aƚepá iya', Bernabé y Tito, iƚque aƚtoc'iponga'.

2 Timoteo 4:10

Demas joupa i'huanapa, aƚpo'nopa fa'a caituca'. Iƚque aiquicuac' mi'hua miteƚcoconaya. Xonca ipic'a tuyaicoƚa' al c'a capajnya fa'a li'a ƚamats'. I'huapa liƚya' Tesalónica. Crescens i'huapa ƚamats' Galacia. Tito i'huapa ƚamats' Dalmacia.

Tito 1:4

Iya' ninPablo quiniƚ'ehuo' ima' cumTito. Illanc' ninc'oquexi' aƚ'huaiyijnyi Cristo. Toƚiya ima' ai'hua. ȽanDios caƚ'Ailli' y Jesucristo Ƚalunƚu'eyaconga' tipaxnetso', titoc'itso', tipac'e'etso' lopicuejma'.