Gálatas 1:5 - Tsome

⁵ ¡Lojauhuamlaicoya quitine timetsaiconƚe anDios! Amén. Toƚta'a ti'iƚa'.

Gálatas 1:5 Iomraidhean Croise

San Mateo 28:20

Toƚmuc'itsola' tihuejcoƚe jahuay ƚataiquí laicuxe'epolhuo'. Aicapo'noyacolhuo' coƚtuca'. Itine itine aƚmajm'me anuli. Ticuaitsi Lijoujma Quitine ma toƚta'a aƚmajm'me.

San Mateo 6:13

Aimaƚƚeco'monga' petsi lalahuaiyonyaconga'. Ja'ni tiƚoc'huai'ma pe laƚmana' ƚixcay xans, ¡ima' lunƚu'etsonga'!

San Lucas 2:14

Jahuay nomana' xonca al toncay lema'a tix'najtsi'iƚe ȽanDios, timiƚe: Ima' manDios, ƚinca umCueca'. Lan xanuc' nomana' li'a ƚamats', iƚniya pe latenƚcocopa ȽanDios, aimixhueƚmot'ƚecona'me.

Romanos 11:36

Jahuay lopa'a ȽanDios ixpic'epa ti'iƚa', timajnle, jahuay ma' i'huexi, iƚque aPoujna. Ma' iƚque tix'najtsi'inƚe, timetsaiconƚe cal Cueca'. Toƚta'a ti'iƚa' itsiya litine, Locuena Quitine jouc'a. Amén.

1 Corintios 8:13

Iya' cacua: Ja'ni ƚaiftepa tuc'uilitsuf'e'ma ƚaipima, aicateconaya iƚiya.

Efesios 1:12

Ipic'a timetsaiconƚe anDios. Tixinninƚe acueca' lipicuejma' jouc'a lo'epa. Tix'najtsi'iƚe. Toƚiya aƚ'huijf'eponga' illanc' petsi luyaipa quitine aƚ'huaicoyi ticuaiyunni cal Cristo.

Filipenses 4:20

Aƚs'najtsi'iƚe ȽanDios, iƚque aƚ'Ailli'. Ni Locuena Quitine aimijouya illanc' laƚs'najtsi'ipa. Ti'hua limetsaico'me acueca' iƚque, acueca' ac'a lo'epa. Amén. Toƚta'a ti'iƚa'.

1 Timoteo 1:17

¡Aƚs'najtsi'iƚe ȽanDios cal Rey! Aƚs'najtsi'iƚe aimijouya licuxejma', aimimaya, aiqui'huáqui. Ma quituca' anDios. Ma le'a iƚquiya nipajnya texc'onƚingoƚai'me. Ma le'a iƚque timinƚe: “Ima' manDios”. Ma toƚta'a lo'iya, aimipaiya. Toƚta'a ti'iƚa'. Amén.

2 Timoteo 4:18

Laƚ'e'epa lan xanuc' aimalulijya. ȽaƚPoujna Nopa'a lema'a ti'hua lunƚu'e'ma. Aƚ'econa'ma cuenna. Aƚmajnta anuli iƚe litine tixinim'me locuxeya. Ma' iƚque timetsaiconƚe anDios. Tix'najtsi'inƚe itsiya litine jouc'a Locuena Quitine. Toƚta'a ti'iƚa'. Amén.

Hebreos 13:21

Caxa'hue titoc'itsolhuo' toƚsuai'niƚe jahuay al c'a lonƚ'epa. Toƚta'a tolanant'ƚi'me lixpic'epa ȽanDios. Maƚ'huaiyijnyi Jesucristo ma toƚta'a lo'epa ȽanDios. Aƚtoc'i'monga' aƚ'eƚe ma le'a latenƚcocopa iƚque. ¡Jahuay ƚitiné timetsaiconƚe anDios! ¡Texc'onƚingoƚai'me ma le'a iƚque! Amén. Toƚta'a ti'iƚa'.

1 Pedro 5:11

Ma ȽanDios xonca icueya limane, toƚta'a timetsaicom'me. Ti'hua timetsaicom'me aimijouya. Ma toƚta'a ti'iƚa'. Amén.

2 Pedro 3:18

Imanc' a'i mi'i'molhuo' toƚta'a. Xonca ti'hua tolapenuf'me lotoc'ipolhuo', lopaxnepolhuo' ƚaƚPoujna Jesucristo, iƚque Ƚalunƚu'eponga'. Ti'hua tolimetsaico'me, toƚta'a xonca tolihuej'me. Ma' iƚque anDios, itsiya toƚta'a mipa'a, tijauhuamlaicota ma anuli mipa'a. Toƚta'a ti'iƚa'. Amén.

Judas 1:25

¡Aƚs'najtsi'iƚe cal Nuli CanDios, iƚque Ƚalunƚu'eponga'! Toƚta'a lipenic' lepi'ipa ƚaƚPoujna Jesucristo. Ma' iƚque anDios, iƚque xonca cal Cueca', xonca ticuxe, xonca ti'hua limane. Ai'a tipango'ma tilanc'em'me li'a ƚamats' toƚta'a mipa'a. Ma toƚta'a mipa'a itsiya. Ma anuli mipa'a tijauhuamlaicota ticuaitsi Locuenaj Quitine. Toƚta'a ti'iƚa'. Amén.

Apocalipsis 14:7

Ƚapaluc quema'a tipalay ujfxi, timila': “Imanc', tolimetsaicoƚe ȽanDios. Toƚmiƚe: Ma' ima' cotuca' manDios. Joupa icuai'ma litine, tipango'ma lipenic' cal Cuecaj Juez. Iƚque ilanc'epa lema'a, li'a ƚamats', ƚaja, jouc'a ilanc'epa laipayomma ƚajay. ¡Tolaxc'onƚingoƚaiƚe!”

Apocalipsis 5:12

Tipalaiyi ujfxi, ticuayi: “Ƚa'hua Moƚ, iƚque ima'ampa, itsufcompa, maƚque ti'i'ma tepenuf'ma laƚ'alabanza. Iƚque nipajnya ti'e'ma jahuay, jahuay i'hueca, ailopa'a cahue'epa, xonca acueca' lipicuejma', ailopa'a nolijya toƚta'a. Iƚque xonca ipujfxi, xonca timetsaicom'me, timetsaicoyi al Cueca' Xonca. Iƚque ma' anDios. ¡Aƚs'najtsi'iƚe!”

Apocalipsis 7:12

Ticuayi: “Toƚta'a ti'iƚa', amén. Ma' ƚalanDios limetsaico'me cal Cueca', ma' iƚque aƚmi'me: ‘Ima' oxina' jahuay, ima' malanDios, aƚs'najtsi'ihuo', ima' unCueca' Xonca, jahuay ti'i'ma to'e'ma, ima' xonca opujfxi, ima' aimopai'iyoxi. Itsiya litine jouc'a locuaicoya quitine, toƚta'a mopa'a.’ Toƚta'a ti'iƚa', amén.”