Efesios 3:6 - Tsome

⁶ Aƚmuc'iponga' te ts'i'ic' lo'iyacolhuo' imanc' a'i cunc'ijudío pe noƚ'epá ƚinca Lataiqui', joupa epenufpolhuo' Cristo. Imanc' illanc', ȽanDios limetsaiconga' inaxque'. Aƚsinninga' joupa aƚ'iponga' to anuli al cuerpo. ȽanDios joupa icupa cataiqui', aƚmiponga' aƚtoc'i'monga' illanc' ninc'ijudío. Itsiya maƚe lataiqui' timilhuo' imanc', ma' anuli aƚtoc'i'monga' illanc' imanc'. Ma' anuli lalapi'iyaconga'.

Efesios 3:6 Iomraidhean Croise

1 Corintios 12:12

Anuli al cuerpo ƚinca axpe' mipa'a. Tama axpe' mipa'a licuerpo cal xans a'i oquej fanej licuerpo, anuli le'a. Toƚta'a Cristo. Illanc' icuerpo iƚque.

1 Corintios 12:27

Toƚta'a imanc', icuerpo Cristo. Anuli anuli imanc' i'huexi iƚe licuerpo.

Gálatas 3:14

Cristo epi'impá laƚjunac', ecani'empa. Toƚta'a jahuay illanc', ja'ni ninc'ijudío o ja'ni a'i, ti'i'ma lapenuf'me laƚpaxneconyaconga'. Iƚe linescopa ȽanDios mipalaic'o Abraham. Jouc'a jahuay ma' anuli petsi naƚ'huaiyijmpá lapi'inga' cal Espíritu Santo. Toƚta'a joupa icupa cataiqui' lapi'itsonga'.

Gálatas 5:24

Iƚne pe li'ipola' i'huexi Cristo, joupa iximpoƚtsi epaƚts'ingimpola' anuli Cristo. Toƚta'a joupa imapa iƚe lafane liƚpicuejma', iƚe ituca' latenƚcocoya, lojanajya.

Efesios 3:3

Oƚsina' ma ȽanDios aƚmuc'ipa Lemiya Cataiqui'. Iƚta'a coƚje'e joupa niniƚ'epolhuo' oque' afane' lataiqui' lonescopa iƚe Lataiqui' lemiya.

Efesios 5:30

Illanc' icuerpo Cristo. Aƚ'onƚcosponga' to limane', li'mitsi', y tojua mipa'a laƚcuerpo. Anuli laƚpixic', laƚpecaƚ.

Efesios 5:7

Joupa aimipolhuo': Iƚne lixcay xanuc' tepi'iyi coyac' ȽanDios. Imanc' aimonƚ'e'me toƚta'a.

Colosenses 2:19

Iƚne joupa enajpoƚtsi Cristo, iƚque aƚJuac, illanc' icuerpo. Al cuerpo tama tipa'a limef'la licoyuntura tejonƚinala' anuli, ticuicomma ƚijuac. Ja'ni a'i ailopa'a co'eya. Toƚe illanc' licuerpo Cristo, iƚque ƚaƚJuac aƚtes'minga' illanc' icuerpo. Licuerpo ti'hua titoqui, ma to ȽanDios tixpic'e titojla'.

1 Juan 1:3

Itsiya jouc'a lu'ilhuo' imanc' te ts'i'ic' laƚsimpa, laƚquimf'epa. Ja'ni tolapenuf'me iƚe laƚtaiqui' aƚinca aƚejmale'me. Illanc' aƚejmale ȽanDios caƚ'Ailli' y Jesucristo, iƚque ƚi'Hua ȽanDios. Imanc' jouc'a ti'i'ma tonƚejmale'me toƚta'a.

1 Juan 2:25

Cristo joupa icupa cataiqui'. Icuapa: “Capi'i'mola' liƚpitine aimijouya”. Iƚe laƚpitine lapi'i'monga' ja'ni aimalanajyoƚtsi.