Apocalipsis 7:16 - Tsome

¹⁶ Aimunle'econayacu, aimicuiconaya quiƚja'. Cal 'ora aimipi'econayacola', aimixinyacu ni toƚta'a quinu'.

Apocalipsis 7:16 Iomraidhean Croise

San Mateo 13:21

Iƚque tihuequi le'a oque' fane' quitine, lataiqui' aimif'acay ƚime jiƚpe lipicuejma'. Ticuaitsi lixhuejma', o lan xanuc' tixtuc'oyi mihuequi iƚe lataiqui', iƚque aimihuejcoya, tenaj'moxi.

San Mateo 13:6

Lif'aj'ma cal 'ora, epatsi ƚinu', lam fanu' lilapa ipi'e'mola'. Huata ilanc'epoxi ƚaiquime, ijuƚna'ma.

San Mateo 5:6

’Lan xanuc' nojanajpá latenƚcocopa ȽanDios, nocuapá: “ȽanDios aƚ'e'etsonga' ƚijca laƚpicuejma'”, iƚne ƚinca tuyalaicoyi al c'a. Maƚniya ti'e'em'mola' ƚijca liƚpicuejma'.

San Marcos 4:17

Iƚe Lataiqui' aimifayiya liƚpicuejma', oquej fanej quitine tihuejcoyi. Ticuaitsi lixhuejma', o liƚf'as xanuc' tixtuc'ontsola' iƚniya naihuejpá litaiqui' ȽanDios, iƚne aimicoƚyacola', tenajna'moƚtsi, aimihuejconayacu.

San Marcos 4:6

Lijou'ma ipammaiyunni cal 'ora, ƚinu' ipi'epola' lilapola' lam fanu'. Ijuƚnapola'. Aiquif'acaic' ƚime.

San Lucas 1:53

Pe nonle'epá ites'minapola' xonca ixhuaitola'. Iƚne pe ts'iƚ'hueca acueca' quiƚ'huexi, ummenapola' ixcuajma liƚmane, ailopa'a quepi'ipola'.

San Lucas 6:21

’Ja'ni itsiya tulunle'eyi, ƚinca tuluyalaicoyi al c'a. Ticuaihuo litine tinajntolhuo'. ’Ja'ni itsiya toƚjolijyi, ƚinca tuluyalaicoyi al c'a. Ticuaihuo litine tixojna'ma cunlata.

San Juan 4:14

Cal xans noxnaya laja' laifcupa aimicuiconaya quija'. Iƚe laja' laifcupa tipanehuo ƚunxajma', ti'onƚcospa to luxi caja', ti'hua tinu, ticu al ts'e lipitine aimijouya.

Santiago 1:11

Ƚinca iƚne ƚipa' aimixnet'ƚyi. I'huáquila' juaiconapa ac'a. Tijouƚa' tif'ajla' cal 'ora, ƚipinu' tipi'e, tijuƚi ƚipela, ƚipipa' tecangemma ƚamats'. Ate'a i'huáqui ac'a, mijou'ma tejac'a. Toƚta'a tuyaico'ma petsi ts'i'hueca acueca'. Muyaicojma lapajnya ma ti'hua tejac'eyoxi.

Apocalipsis 21:4

ȽanDios tetufc'ena'mola' lilujay lixanuc', aimijolijconayacu. Iƚpe litine aimi'iya camaya, tijouna'ma nulemma. Aimixhueƚmot'ƚeconayacu, aimijolijconayacu, aimiteƚconayacu cumla. Ti'iƚa' toƚta'a joupa ipaicopa jahuay.”