Apocalipsis 5:13 - Tsome

¹³ Lijou'ma aicuej'mola' tipalquinni jahuay ts'iƚmaf'i' lilanc'epola' ȽanDios. Iƚniya nomana' lema'a, nomana' li'a ƚamats', nomana' al 'ocay ƚamats', nomana' ƚaja. Ni petsi ticuayi: “Aƚs'najtsi'iƚe iƚque Nocutsuya lexpats'qui li'nofquiya, alimetsaicoƚe cal Cueca' Xonca. Iƚque ma' anDios, jahuay ticuxe. Ma' anuli aƚs'najtsi'iƚe Ƚa'hua Moƚ. Tijauhuamlaicota litine toƚta'a ti'iƚa'.”

Apocalipsis 5:13 Iomraidhean Croise

San Mateo 6:13

Aimaƚƚeco'monga' petsi lalahuaiyonyaconga'. Ja'ni tiƚoc'huai'ma pe laƚmana' ƚixcay xans, ¡ima' lunƚu'etsonga'!

San Lucas 2:14

Jahuay nomana' xonca al toncay lema'a tix'najtsi'iƚe ȽanDios, timiƚe: Ima' manDios, ƚinca umCueca'. Lan xanuc' nomana' li'a ƚamats', iƚniya pe latenƚcocopa ȽanDios, aimixhueƚmot'ƚecona'me.

San Juan 1:29

Lihuequi litine Juan ixim'ma Jesús icuaico'ma. Timila' lan xanuc': ―¡Toƚsinƚe! Iƚque ƚiMoƚ ȽanDios. Tiƚonc'e'e'mola' liƚjunac' lan xanuc' nomana' fa'a li'a ƚamats'.

Romanos 11:36

Jahuay lopa'a ȽanDios ixpic'epa ti'iƚa', timajnle, jahuay ma' i'huexi, iƚque aPoujna. Ma' iƚque tix'najtsi'inƚe, timetsaiconƚe cal Cueca'. Toƚta'a ti'iƚa' itsiya litine, Locuena Quitine jouc'a. Amén.

Romanos 9:5

Iƚne lixanuc' Israel aƚtatahueló illanc' ninc'ijudío. Jouc'a itatahueló Cristo lipajnta fa'a li'a ƚamats'. Iƚque Cristo ma' anDios, jahuay ticuxe. Ma' iƚque laxc'onƚingoƚaiƚe. Ocuena aimi'iya malaxc'onƚingoƚaiyacu. Ni itsiya ni Locuena Quitine. Toƚta'a ti'iƚa'. Amén.

Efesios 3:21

¡Maƚque ȽanDios aƚs'najtsi'iƚe! Cristo timuqui te ts'i'ic' ȽanDios lipicuejma'. Ma' anuli timujyi lixanuc' ȽanDios lefot'ƚepola'. Amats' amats' ti'i'ma toƚta'a. Jouc'a Locuaicoya Quitine ti'hua ti'i'ma, aimijouya. Toƚta'a ti'iƚa'. Amén.

Filipenses 2:10

Toƚta'a lecui'ipa ȽanDios ticua: “Jahuay timetsaicoƚe naitsi iƚque Jesús. Iƚne nomana' lema'a, iƚne nomana' li'a ƚamats', iƚne nomana' joupa lemimpola' ƚamats',

Colosenses 1:23

Toƚta'a lo'iyacolhuo' ja'ni ti'hua tonƚ'e'me ƚinca Lataiqui', iƚe loya'apa lixpic'epa ȽanDios. Ticuicomma toƚfaƚe loƚpicuejma'. Toƚspic'eƚe tolihuejle. Toƚ'huaicoƚe iƚe al c'a lapi'iyacolhuo' ȽanDios. Lataiqui' loƚcuejpa imanc' tinescojma maƚiya al c'a. Iƚe Lataiqui' loƚcuejpa joupa uya'ampa ni petsi li'a ƚamats'. Jouc'a iya' ninPablo cuya'e'. Toƚta'a laipenic' lainepenufpa.

1 Timoteo 4:16

Ti'hua taicuis'exoxi ja'ni ac'a lo'ejma', ja'ni ac'a lofmuc'iyalepa. Toƚta'a tonƚu'e'moxi jouc'a tunƚul'me iƚne noquimf'epo'.

1 Pedro 4:11

Ja'ni epi'ipo' lopicuejma' toya'aƚa' o tomuc'iyaleƚa', iƚe lofmuya'aya ti'iƚa' mane litaiqui' ȽanDios, toƚta'a topalaiƚa'. Ja'ni tipa'a lopenic' totoc'itsola' lapimaye, toxahue'eƚa' ȽanDios titoc'itso' ima', totoc'itsola' al c'a. Jahuay lonƚ'epa tonƚ'eƚe al c'a. Ja'ni toƚta'a tolihuejyi Jesucristo tixinim'me acueca' ȽanDios. Ma' iƚque anDios. Iƚque xonca ti'hua limane. Toƚta'a timetsaicoƚe lan xanuc'. Ti'hua timetsaicona'me aimijouya. Ma toƚta'a ti'iƚa'. Amén.

1 Pedro 5:11

Ma ȽanDios xonca icueya limane, toƚta'a timetsaicom'me. Ti'hua timetsaicom'me aimijouya. Ma toƚta'a ti'iƚa'. Amén.

Judas 1:25

¡Aƚs'najtsi'iƚe cal Nuli CanDios, iƚque Ƚalunƚu'eponga'! Toƚta'a lipenic' lepi'ipa ƚaƚPoujna Jesucristo. Ma' iƚque anDios, iƚque xonca cal Cueca', xonca ticuxe, xonca ti'hua limane. Ai'a tipango'ma tilanc'em'me li'a ƚamats' toƚta'a mipa'a. Ma toƚta'a mipa'a itsiya. Ma anuli mipa'a tijauhuamlaicota ticuaitsi Locuenaj Quitine. Toƚta'a ti'iƚa'. Amén.

Apocalipsis 1:6

Aƚ'eponga' ixanuc' ȽanDios Ƚaƚcuxeponga', iƚquiya' i'Ailli' Jesucristo. Aƚ'eponga' e'aillí ȽanDios, aƚ'eyi lipenic'. Iƚque Jesucristo ma' anDios. Ma' iƚque ticuxe jahuay. ¡Ma toƚta'a ti'iƚa'! Amén.

Apocalipsis 13:8

Iƚniya lan xanuc' nomana' ni petsi li'a ƚamats' texc'onƚingoƚai'me cal cuecaj quinneja. Iƚniya petsi naxc'onƚingoƚaiyacu liƚpuftine aiquiniƚingiya lije'e Ƚa'huaj Moƚ. Iƚque Ƚa'huaj Moƚ lilajmpa li'a ƚamats' tocomma to joupa ima'ampa, itsufcompa.

Apocalipsis 5:1

Aixim'ma anuli al je'e ijuisquiya i'noƚ'ma al c'a quimane iƚque Nocutsuya jiƚpe lexpats'qui li'nofquiya. Iƚe al je'e iniƚingiya jiƚpe licu'u jouc'a lixpula', acaitsi cal sello enantsi'icoya.

Apocalipsis 5:12

Tipalaiyi ujfxi, ticuayi: “Ƚa'hua Moƚ, iƚque ima'ampa, itsufcompa, maƚque ti'i'ma tepenuf'ma laƚ'alabanza. Iƚque nipajnya ti'e'ma jahuay, jahuay i'hueca, ailopa'a cahue'epa, xonca acueca' lipicuejma', ailopa'a nolijya toƚta'a. Iƚque xonca ipujfxi, xonca timetsaicom'me, timetsaicoyi al Cueca' Xonca. Iƚque ma' anDios. ¡Aƚs'najtsi'iƚe!”

Apocalipsis 5:3

Ailopa'a nots'aƚya lan sello, muxpalaif'ya al je'e. Ni jiƚpe lema'a ni li'a ƚamats' ni al 'ocay camats'.

Apocalipsis 5:6

Aixim'ma anuli Ƚa'huaj Moƚ tecaxu jiƚpiya. Iƚque ti'onƚcospa to ƚa'huaj moƚ ƚima'ampa, ƚitsufcompa ȽanDios. Tecaxu mane ehuoc'ocojma lexpats'qui li'nofquiya. Lijuihuay timana' lam malujxi' lam paxi quinneja jouc'a lan nuxans malujxi' lan tsilaj xanuc'. Iƚque Ƚa'huaj Moƚ tipa'a acaitsi ƚipecala, acaitsi li'u'. Iƚne li'u' lan caitsi li'Espíritu ȽanDios, joupa ummempola' tiyeƚe ni petsi li'a ƚamats'.

Apocalipsis 5:9

Iƚne lan tsilaj xanuc' ats'e lonac'copa. Litaiqui' tuya'e': “Ima' joupa ima'ampo', otsufcopa lojuats', o'najtsepa liƚjunac' lan xanuc' ni petsi liyouyomma. Iƚne lan xanuc' ituca' ituca' liƚtaiqui', ituca' ituca' liƚpiƚya', ituca' ituca' liƚnación. O'epola' ixanuc' ƚalanDios, iƚque cal Cuecaj Rey. O'epola' a'aillí, mepi'ipola' liƚmane, ticuxeta li'a ƚamats'. Toƚiya icueya lomane, o'noƚpa lijuisquiya al je'e, ti'i'ma tots'aƚ'ma lisello.”

Apocalipsis 6:16

Tipalaic'oyi lijualay jouc'a lan tsilaj capic', timiyi: “Tonlacangoƚenca, alamitsonga'. Aimaƚsim'monga' iƚque Nocutsuya jiƚpe lexpats'qui li'nof'quiya. Aimaƚteƚ'mi'monga' Ƚa'hua Moƚ. Iƚque ixtunni.