Apocalipsis 21:7 - Tsome

⁷ ”Cal xans nolijya, toƚta'a ti'i'ma, toƚta'a tepenuf'ma. Iƚque ai'hua, iya' enDios, aicacanujya.

Apocalipsis 21:7 Iomraidhean Croise

San Mateo 19:29

’Cal xans ninespa: “Iya' quihuej'ma Jesús”, ja'ni ux'maspola' lejut'ƚ o lipimaye, o qui'ailli' o qui'máma', o linaxque' o ƚemats', iƚque cal xans tulij'ma xonca axpela' iƚna'a, jouc'a tulij'ma al ts'e lipitine aimijouya.

San Mateo 25:21

Ƚipoujna timi: “Ac'a lo'epa. Ima' unc'a mozo. Latenƚcocopa ima' lo'ejma'. Tama ahuata lainepi'ipo', ac'a oxhuicopa. Itsiya capi'i'mo' comane tocuxeƚa' xonca axpe'. Iya' tixoqui neta juaiconapa. To'huanni. Jifa'a aƚmajm'me anuli. Tixoj'ma calata.”

San Mateo 25:34

Tijouƚa' iya' ninRey capalaic'o'mola' iƚniya nomana' al c'a camane, cami'mola': “Imanc', cai'Ailli' joupa ipaxnepolhuo'. Tunƚouyunca. Tolapenufle lapi'iyacolhuo' ȽanDios. Tepi'i'molhuo' loƚmane toƚcuxeƚe. Lilanc'epa li'a ƚamats' toƚta'a joupa ixpic'epa ȽanDios. Itsiya tepi'i'molhuo'.

San Marcos 10:17

Ipango'ma ti'hua'ma Jesús, icuaico'ma anuli cal xans tinu. Exc'onƚingai'ma Jesús, icuis'e'ma: ―Cunc'a comxi, ¿te caif'eya culijla' laipitine aimijouya?

Romanos 8:14

Petsi naihuejpá ƚi'Espíritu ȽanDios, iƚniya inaxque' ȽanDios.

Romanos 8:19

Fa'a li'a lamats' jahuay lilanc'epa ȽanDios tocomma to ticuitsufyi, tinesyi: “¿Te quitine aƚsim'mola' iƚniya linaxque' ȽanDios lolaitsufcoyacola'? ¿Te quitine aƚsim'mola' te ts'iƚ'ic' iƚniya?”

2 Corintios 6:16

Lejut'ƚ ȽanDios y landiosla', ¿te ti'i'ma tixinc'ne'moƚtsi? Imanc' ejut'ƚ ȽanDios, iƚque Ƚimaf'i' CanDios. Maƚque ticua: Pe lomana' iƚniya jiƚpe capajnta, maƚpiya aƚsim'ma aimaf'i', camuj'moxi iya' ƚinca ilenDios, iƚniya aixanuc'.

2 Corintios 6:18

Imanc' alimetsaico'ma iya' oƚ'Ailli', iya' quimetsaico'molhuo' ainaxque' amijcanó, ahuats'la'. Iya' NanDios, toƚta'a laifcuapa. Iya' jahuay cacuxe.

Hebreos 8:10

Tijouƚa' capenufcona'mola', capo'no'icona'mola' cataiqui' iƚniya ixanuc' Israel. Iya' NanDios, iya' NaPoujna, jiƚpe liƚpicuejma' capo'no'i'mola' laitaiqui' laifcuxe'epola', quiniƚ'e'mola' jiƚpe ƚilunxajma', iƚniya nulemma limetsaico'ma iya' ilenDios, iya' quimetsaico'mola' aixanuc'. Jiƚpe litine liƚpiƚya' xanuc' o liƚpimaye, aimiminyacola': “Ima' taimetsaicoƚa' ȽanDios”. Jahuay iƚne limetsaicona'ma. Ti'iƚa' xonca aca'hua o ti'iƚa' xonca acueca', jahuay limetsaicona'ma. Tama aiquilihuequi laitaiqui' iƚe laicuxe'epola', caxim'mola' acuanuc'la, aica'nujuaisconaya li'epa quixcay, ni anuli. Toƚta'a laitaiqui' capo'no'i'mola' laixanuc'.

1 Pedro 3:9

Ja'ni a'ijc'a li'empolhuo', aimoƚ'e'cona'mola' jouc'a. Ja'ni timilhuo' cataiqui', aimoƚmicona'mola' toƚta'a, xonca toƚmi'mola': “ȽanDios tipaxnetsolhuo'”. Imanc' joupa oƚsina' ȽanDios ijoc'icopolhuo' tipaxnetsolhuo'. Toƚta'a oƚ'huexi lapi'iyacolhuo'. Toƚiya camilhuo' toƚmi'mola': “Tipaxnetsolhuo' ȽanDios”.

Apocalipsis 2:11

Naitsi nocuejpa tiquimf'eƚa' iƚe lataiqui' loya'apa cal Espíritu Santo ma mipalaic'ola' lapimaye, iƚne ixanuc' ȽanDios, iƚque ƚefot'ƚepola'. Maƚniya lapimaye nafoƚyomma lan caitsi quiƚeloƚya'. Naitsi nolijya aimimaconaya. Iƚe al Cueca' Camaya ailopa'a co'e'eya iƚque.’

Apocalipsis 2:17

Naitsi nocuejpa tiquimf'eƚa' iƚe lataiqui' loya'apa cal Espíritu Santo ma mipalaic'ola' lapimaye, iƚne ixanuc' ȽanDios, iƚque ƚefot'ƚepola'. Maƚniya lapimaye nafoƚyomma lan caitsi quiƚeloƚya'. Naitsi nolijya capi'i'ma lane titeƚa' ƚa'i ȽanDios ƚocupa, ƚacui'impa cal maná. Iƚque ƚemiya ca'i, locuenaye xanuc' aiquiƚsina' pe lopa'a iƚque cal maná. Iƚque nolijya capi'i'ma jouc'a cal fujca capic. Iƚque ƚapic tiniƚijnya al ts'e caftine. Naitsi ƚapenufya cal fujca capic iƚque ƚinca timetsaico'ma liniƚiya iƚe al ts'e caftine, locuenaye aimixinyacu.’

Apocalipsis 2:25

Ma le'a camilhuo': Imanc' joupa olapenufpá Lataiqui'. Ma tolihuejle. Aimolanaj'moƚtsi. Tama iya' ailaifpa'a ti'hua lihuejla', cacuaiconno.

Apocalipsis 2:7

Naitsi nocuejpa tiquimf'eƚa' iƚe lataiqui' loya'apa cal Espíritu Santo ma mipalaic'ola' lapimaye iƚne ixanuc' ȽanDios, iƚque ƚefot'ƚepola'. Maƚniya lapimaye nafoƚyomma lan caitsi quiƚeloƚya'. Naitsi nolijya capi'i'ma lane titeta ƚi'as al 'ec lopa'a nolojmay ƚequeya ȽanDios. Iƚe ƚaqueya ƚecui'impa al Paraíso. Naitsi noteja iƚe ƚi'as aimimaya nulemma.’

Apocalipsis 21:3

Aicuej'ma anuli tipalay, iƚque ƚopa'a jiƚpe lexpats'qui li'nof'quiya. Tipalay ujfxi, ticua: “¡Toxinƚa', icuaico'me ȽanDios y lixanuc', itsiya timajm'me anuli! ȽanDios tines'ma: ‘Iƚne ƚinca aixanuc', iya' ilenDios’. Iƚque ƚilenDios aimecanujyacola' quiƚtuca'.