Apocalipsis 21:4 - Tsome

⁴ ȽanDios tetufc'ena'mola' lilujay lixanuc', aimijolijconayacu. Iƚpe litine aimi'iya camaya, tijouna'ma nulemma. Aimixhueƚmot'ƚeconayacu, aimijolijconayacu, aimiteƚconayacu cumla. Ti'iƚa' toƚta'a joupa ipaicopa jahuay.”

Apocalipsis 21:4 Iomraidhean Croise

San Mateo 24:35

Lema'a y li'a ƚamats' tipaico'mola'. Laitaiqui' aimipaiya, tipanehuo.

1 Corintios 15:26

Tijouƚa' tiƚonc'e'enatsola' liƚmane jahuay iƚne no'epaj laic', ma le'a tipanehuo lamaya. Iƚe jouc'a tiƚonc'e'ena'ma limane.

1 Corintios 7:31

Jouc'a nolijpá quiƚtomí fa'a li'a ƚamats', aimixhuej'me'me ma le'a iƚe lanic'. Li'a ƚamats', jahuay laƚsimpa fa'a itsiya, ti'hua tijaf'que, tijouna'ma.

2 Corintios 5:17

Itsiya ƚinca ipai'ipa nulemma laƚpicuejma'. Cristo lapenufponga', lapi'iponga' al ts'e laƚpitine, ipangoconapa laƚpepajnya. Al te'a laƚ'ejma' joupa ijoupa. Jahuay i'ipa ats'e. Ma' anuli lo'ipola' jahuay iƚne lepenufpola' Cristo.

2 Corintios 6:17

Toƚiya: Tolihuejcoƚe lomipolhuo' ȽanDios. Iƚque ticua: Tolanajtsoƚtsi iƚne pe aimalihuequi iya', tonƚeƚe aculi'. Aimoliƚoc'oƚai'me jiƚpe pe laiflaijpa, iƚe al xujc'a. Tijouƚa' capenufna'molhuo'.

Hebreos 12:27

Iƚe lataiqui' “nulemma”, ticuajmaispa lo'eya ȽanDios. Iƚque tife'neƚa' lilanc'epa tiƚojm'ma. Tijouƚa' petsi aimi'iya mife'nemyacu, tipanehuo.

2 Pedro 3:10

Ma' aƚinca ticuaihuo iƚe al Cueca' Quitine lecui'impá: Litine ƚaƚPoujna. Cal namas no'huapa ipuqui' aimuya'e', aimu'iyale'ma: “Mouqui o pitsu cacuaita”. Toƚta'a ticuaihuo al Cueca' Quitine. Iƚe litine ma muna'e' juaiconapa, lema'a tejac'ma. Ƚepalaƚc'o' nomana' lema'a acueca' tepat'ƚnatola', tijana'mola'. Ma' anuli li'a ƚamats', ƚunga tipi'e'ma jouc'a jahuay lilanc'empa lopa'a jiƚpe.

1 Juan 2:17

Iƚca'a ƚamats' aimicoƚya. Ti'hua tuyaipa. Jouc'a tijouna'ma jahuay lojanajpa iƚniya pe aimimetsaicoyi ȽanDios. Petsi no'epá lixpic'ejma' ȽanDios, iƚniya aimijouya liƚpitine.

Apocalipsis 20:13

Iƚne lomanapola' nomana' ƚaja ipalyonca. Jouc'a ipalunca petsi cuftine Hades, petsi Lamaya ummepola'. Limanapola', ma' anuli to li'epa, ti'i'ma lo'iyacola'. Toƚta'a lomipola' cal Juez.

Apocalipsis 20:14

Jiƚpiya al cuecaj capa imanna cunga ti'nij'minnila' Lamaya jouc'a iƚe al lugar cuftine Hades.

Apocalipsis 21:1

Aixim'ma al ts'e quema'a y ats'e ƚamats'. Ailopa'a caja. Lomana' itsiya lema'a y li'a ƚamats' joupa ejac'pola'.

Apocalipsis 22:3

Jiƚpe tipa'a ma le'a letenƚcocopa ȽanDios. Licuajquimpa ailopa'a. Maƚpe liƚya' tipa'a lexpats'qui li'nofquiya pe lomana' ȽanDios y Ƚa'huaj Moƚ. Lan xanuc' naimetsaicopá ȽanDios to quiƚPoujna, iƚpiya ti'eyi lipenic', texc'onƚingoƚaiyi pe ƚopa'a.

Apocalipsis 7:17

Ƚa'hua Moƚ, iƚque Nopa'a nolojmay laquiju' lexpats'qui li'nofquiya, iƚque ti'e'mola' cuenna, tixinnola' to imot'ƚ, iƚque iƚPoujna. Tileco'mola' petsi laipayomma laja', iƚiya laja' tepi'ila' liƚpitine aimijouya. ȽanDios tetufc'ena'mola' lilujay iƚne lixanuc', aimijojconayacu.”