Apocalipsis 18:3 - Tsome

³ Luyaipa quitine tixoqui quileta lan xanuc' quiyouyomma lan nación tiyeyi titsulfoƚaiyi jiƚpe al cuecaj quiƚya'. Iƚiya liƚya' ti'onƚcospa to quixcay caca'no', i'e'mola' lan xanuc' camac'ta to lisnaye. Lan rey nomana' li'a ƚamats' tihuejyi liƚya' to mihuejyi ƚixcay caca'no'. Nocucalepá ti'najnufyi locujyacu, ticujconayi ulij'me acuecaj quiƚ'huexi.”

Apocalipsis 18:3 Iomraidhean Croise

San Lucas 7:25

Ja'ni a'i, ¿te coƚtsecohuo'me? ¿Naitsi coƚsinhuo'me jiƚpiya? ¿Te oƚsinhuo'me anuli cal xans nopo'nopa al c'a lipijahua', acueca' lipitali? A'i. Lan xanuc' nopo'nopá liƚpijahua' acueca' al c'a, notetsopá al c'a, iƚniya timajnyi ƚilejut'ƚi lan rey.

1 Timoteo 5:11

Lam potsateya cacaƚ'no' petsi aiquixhuaiya afane' nuxans ƚilemats' aimoliniƚijnc'e'mola' liƚpuftine. Iƚne tipango'me ti'e'me lipenic' Cristo, tijouƚa' tixojtola', ticuanaj'moƚtsi, tijanaj'me temalƚicona'me.

Apocalipsis 14:8

Ihuequi ƚocuena capaluc quema'a ticua: “Al cuecaj quiƚya' Babilonia joupa ecangemma nulemma eteƚquemma. Liƚya' ti'onƚcospa to ƚixcay caca'no', tifel'mila' lan xanuc' ni petsi liƚnación. Iƚne lan xanuc' tihuejyi to lamac'ta quisnaye. Ƚinca ȽanDios joupa iteƚ'mipa liƚya'.”

Apocalipsis 17:2

Lan tsilaj rey nocuxepá li'a ƚamats' ihuej'me ƚaca'no'. Ihuej'me jouc'a lan xanuc' nomana' ni petsi li'a ƚamats'. Tijanaj'me juaiconapa, i'ipola' camac'ta to lisnaye.”

Apocalipsis 18:19

Tija'ayi, tijolijyi, tixhueƚcoyi acueca' quihuotsoqueya. Tejuaf'iyoƚtsi capi' liƚjuac'. Ticuayi: “Ay, acuanuc' juaiconapa jiƚiya al cuecaj quiƚya' Babilonia. Luyaipa quitine acuecaj tomí tipa'a jiƚpiya. Liƚpoujnalá jiƚne lam barco loyepá ƚaja tulijyi juaiconapa. Jiƚpe liƚya' ti'naji ƚiƚtaic' liƚbarco. Itsiya joupa ejac'pa; ma le'a anuli 'hora icoƚ'ma liteƚ'mimpa.

Apocalipsis 18:23

Luyaipa quitine jiƚpe ulif'iya epalaƚc'o' ƚajut'ƚi. Itsiya a'i, i'ipa pangay muf, jiƚpe aimulif'iconaya, ni anuli lepalc'o'. Luyaipa quitine jiƚpe tixoqui quileta tipalaic'oyoƚtsi, temalƚiyi, ti'eyi liƚjuic. Cal xans tipalaic'o ƚipeno, ƚaca'no' tipalaic'o ƚipe'ailli'. Itsiya a'i, aimicuejconayacu toƚta'a, aimipalaic'oconayoƚtsi. Luyaipa quitine ipalunca jahuay li'a ƚamats', tiƚcuaiyumma jiƚpiya lan tsilaj xanuc' nocucalepá, ticujyi liƚtaic'. Itsiya aimi'econayacu toƚta'a. Ima' cumBablilonia, to cal bruja tofel'mila' jahuay lan xanuc' nomana' li'a ƚamats'.”

Apocalipsis 18:7

Iƚiya liƚya' i'epoxi to acuecaj caca'no', iƚque nipajmpa ac'a, tenant'ƚi jahuay lojanajpa. Itsiya imanc' toƚteƚ'miƚe juaiconapa, tixinƚa' acuecaj cumla, tixhueƚcoƚa', tijojla'. Luyaipa quitine ticua: ‘Jifa'a cacutsu, cacuxe to cal cuecaj quincuxepa. Iya' a'i nimpotsate, jouc'a aimaƚ'iya toƚta'a. Aicaxhueƚcoya ni cajojya, ni anulemma.’

Apocalipsis 18:9

Lan rey nomana' li'a ƚamats' tixim'me tif'aqui ƚicuxis mepi liƚya'. Luyaipa quitine iƚne lan rey ac'a lomajmpa jiƚpe al cuecaj quiƚya'. To cal xujc'a caca'no' iƚque liƚya' tepi'ila' lojanajpa. Itsiya iƚniya tijolijyi, tija'ayi.