Apocalipsis 18:11 - Tsome

¹¹ Nocucalepá nomana' li'a ƚamats' jouc'a tijolijyi, tixhueƚcoyi acueca' quihuotsoqueya. Itsiya, ¿naitsi no'najá ts'iƚtaic' iƚniya? Ailopa'a no'najá. Joupa eteƚquemma liƚya'.

Apocalipsis 18:11 Iomraidhean Croise

San Mateo 22:5

’Iƚniya lijoc'ipola' aiquiƚcueca. Iyena'me ocuena cane. Anuli i'hua'ma ixintsi ƚemats'. Ƚocuena i'hua'ma petsi locucaleyopa.

San Juan 2:16

Timila' nocujpá paloma: ―Tunlipa'antsola'. Jifa'a ejut'ƚ cai'Ailli'. Aimonƚ'e'e'me to laplaza.

2 Pedro 2:3

Iƚne lomxiye mane iƚpic'a tulijle quiƚtomí. Quiƚtuca' liƚpicuejma' tipa'a'me lataiqui' lopalaiyacu, coƚa' tifel'mitsolhuo'. Ƚinca, axpe' camats' ti'hua ticue iƚe loteƚ'miyacola'. Tama ticoƚi ma ti'huaijma. Tijouƚa' tecani'e'mola' nulemma.

Apocalipsis 18:15

Nocucalepá jouc'a no'najualepá iƚne nolijpá juaiconapa jiƚpe al cuecaj quiƚya', iƚniya tecaxoƚaiyi aculi'. Tixpailiquila' ƚunga. Tipi'enni liƚya'. Tijolijyi, tixhueƚcoyi acueca' quihuotsoqueya.

Apocalipsis 18:20

¡Tixojla' cunlata imanc' noƚmana' lema'a! Imanc' ixanuc' ȽanDios, imanc' unlihuequi Jesús, imanc' unc'iprofeta noluya'apá loxpic'epa ȽanDios, jahuay imanc': ¡Tixojla' cunlata! Joupa eteƚquemma al cuecaj quiƚya', iƚe liƚya' iteƚ'mipolhuo', itsiya ȽanDios iteƚ'miconapa, i'epa ƚijca li'e'epolhuo'.”

Apocalipsis 18:23

Luyaipa quitine jiƚpe ulif'iya epalaƚc'o' ƚajut'ƚi. Itsiya a'i, i'ipa pangay muf, jiƚpe aimulif'iconaya, ni anuli lepalc'o'. Luyaipa quitine jiƚpe tixoqui quileta tipalaic'oyoƚtsi, temalƚiyi, ti'eyi liƚjuic. Cal xans tipalaic'o ƚipeno, ƚaca'no' tipalaic'o ƚipe'ailli'. Itsiya a'i, aimicuejconayacu toƚta'a, aimipalaic'oconayoƚtsi. Luyaipa quitine ipalunca jahuay li'a ƚamats', tiƚcuaiyumma jiƚpiya lan tsilaj xanuc' nocucalepá, ticujyi liƚtaic'. Itsiya aimi'econayacu toƚta'a. Ima' cumBablilonia, to cal bruja tofel'mila' jahuay lan xanuc' nomana' li'a ƚamats'.”

Apocalipsis 18:3

Luyaipa quitine tixoqui quileta lan xanuc' quiyouyomma lan nación tiyeyi titsulfoƚaiyi jiƚpe al cuecaj quiƚya'. Iƚiya liƚya' ti'onƚcospa to quixcay caca'no', i'e'mola' lan xanuc' camac'ta to lisnaye. Lan rey nomana' li'a ƚamats' tihuejyi liƚya' to mihuejyi ƚixcay caca'no'. Nocucalepá ti'najnufyi locujyacu, ticujconayi ulij'me acuecaj quiƚ'huexi.”

Apocalipsis 18:9

Lan rey nomana' li'a ƚamats' tixim'me tif'aqui ƚicuxis mepi liƚya'. Luyaipa quitine iƚne lan rey ac'a lomajmpa jiƚpe al cuecaj quiƚya'. To cal xujc'a caca'no' iƚque liƚya' tepi'ila' lojanajpa. Itsiya iƚniya tijolijyi, tija'ayi.