Apocalipsis 16:2 - Tsome

² Cal te'a capaluc quema'a ipanni, ixcuajaitsi iƚpe ƚamats'. Lan xanuc' ts'iƚtaic' liseña cal cuecaj coyac' quinneja, maƚniya nexc'onƚingoƚaipá cal imagen, iƚque ti'onƚcospa to ƚinneja, iƚniya i'i'mola' quilehui, etefcai'itsola' quixcay cahui acueca' cumla.

Apocalipsis 16:2 Iomraidhean Croise

Los Hechos 12:23

Aiquicoƚ'ma. Iteƚ'mi'ma anuli ƚepaluc ƚaƚPoujna ȽanDios. Lapimí ipango'ma ite'me. Lijou'ma ima'ma. Herodes i'e'e'moxi xonca cal cueca', etets'ipa ȽanDios, toƚiya li'ipa toƚta'a.

Apocalipsis 13:12

Tipa'a acueca' limane to limane cal te'a' cal cuecaj coyac' quinneja. Mehuelonge cal te'a' quinneja ma' anuli lo'epa ƚocuena. Ticuxela' nomana' li'a ƚamats' texc'onƚingoƚaiƚe cal te'a cal cuecaj coyac' quinneja, iƚque ƚixaƚconapa ƚixcaipa, imaf'inapa.

Apocalipsis 14:16

Ƚocutsafya ƚummahuay tecanc'o' li'hoz, tetequi cal trigo ƚopa'a jiƚpiya li'a ƚamats'.

Apocalipsis 14:9

Tihuequi ƚocuena capaluc quema'a, ƚo'icoya afantsi. Tipalay ujfxi, ticua: “Lan xanuc' joupa exc'onƚingoƚaipá cal cuecaj coyac' quinneja jouc'a cal imagen lilanc'epa lan xanuc'. Iƚque cal imagen lo'onƚcospa to iƚque ƚinneja. Maƚniya lan xanuc' nexc'onƚingoƚaipá toƚta'a iƚtaic' ƚilepali o liƚmane quiƚseña. Iƚniya a'i munƚu'enyacola'. Tixim'me ma tixtuc'ola' cal Cuecaj CanDios. Aimixinyacola' acuanuc'la. Titeƚ'mico'mola' ipaƚ cunga y azufre. Lam paxi capaluc' quema'a jouc'a Ƚa'huaj Moƚ tixinim'mola' miteƚcoyi. Aimitoc'inyacola'.

Apocalipsis 16:1

Aicuej'ma tipalquinni ujfxi jiƚpe al Paxi Lugar. Timila' lan caitsi capaluc' quema'a: “Tonƚeƚe. Toluhuaƚe loƚtazá iƚne imanna lipoyac' ȽanDios. Toƚscuajaitsa jiƚpe li'a ƚamats'.”

Apocalipsis 16:11

Tixinyi acueca' cumla, acueca' titeƚ'mila' lilehui. Toƚiya tinesc'eyi quixcay cataiqui' ȽanDios. Aimiƚsuej'memma, ti'hua ti'eyi quixcay.

Apocalipsis 8:7

Cal te'a ƚapaluc quema'a tunay litrompeta. Iyuj'ma ƚi'ay cacui, jouc'a ƚunga ihuants'i cajuats'. Iƚque ƚi'ay cacui iteƚ'mi'ma ƚamats'. Ƚamats' jouc'a cal 'ec' eteƚnufila' afane'. Anuli ipina'ma, tipanemma oque'. Laixhuaica pajac ipina'ma.