Apocalipsis 14:6 - Tsome

⁶ Aixim'ma anuli ƚapaluc quema'a tiyu maƚpe locuaiya cal 'ora ti'iƚa' menac'o. Iƚque tuya'e' Lataiqui' loya'apa iƚe al c'a lixpic'epa ȽanDios. Maƚe Lataiqui' aimipaicoya. Tuya'e' ticuejle jahuay lan xanuc' nomana' ni petsi li'a ƚamats'. Iƚne lan xanuc' ituca' ituca' liƚnación, ituca' ituca' liƚtatahueló, tipalaiyi ituca' ituca' liƚtaiqui', ituca' ituca' ƚiƚpiƚeloƚya'.

Apocalipsis 14:6 Iomraidhean Croise

San Mateo 10:27

Iƚe laifmipolhuo' lipuqui' imanc' toluya'aƚe litine. Iƚe loƚquimf'epa mixolai'innilhuo', imanc' toluya'aƚe ujfxi al toncay ƚajut'ƚi.

San Marcos 16:15

Jesús timila': ―Tonƚeƚe ni petsi li'a ƚamats'. Toluya'atsa Lataiqui' loya'apa iƚe al c'a lixpic'epa ȽanDios. Tolu'itsola' jahuay lan xanuc'.

Romanos 16:25

Iya' cacua: ¡Aƚs'najtsi'iƚe ȽanDios! Iƚque ti'i'ma titoc'i'molhuo'. Toƚta'a aimolanajyacoƚtsi al c'a cane. Maƚta'a loya'apa Lataiqui' laifnuya'apa iya'. Iƚe Lataiqui' tuya'e' te ts'i'ic' al c'a loxpic'epa ȽanDios, tipalaijma Jesucristo. Iya' cuya'e' naitsi iƚque. Iƚna'a ƚitiné ȽanDios aƚmuc'iponga' al cuajmaica te ts'i'ic' lixpic'epa. Iƚe lixpic'epa uya'a'me lam profeta, iniƚ'me. Li'ipa tipanemma to lemiya cataiqui'. Ailopa'a nicuejpa. ȽanDios, iƚque aimijouya lipitine, joupa icuxepa ticuejle jahuay lan xanuc' ni petsi lomana', tihuejcoƚe, ti'huaiyijnle. Cacua: Ti'huaiyijnle Jesucristo. Toƚta'a timetsaico'me acueca' ȽanDios. Ma' iƚque anDios, acueca' lipicuejma'. Timetsaiconƚe itsiya litine, Locuena Quitine jouc'a. Toƚta'a ti'iƚa'. Amén.

Colosenses 1:23

Toƚta'a lo'iyacolhuo' ja'ni ti'hua tonƚ'e'me ƚinca Lataiqui', iƚe loya'apa lixpic'epa ȽanDios. Ticuicomma toƚfaƚe loƚpicuejma'. Toƚspic'eƚe tolihuejle. Toƚ'huaicoƚe iƚe al c'a lapi'iyacolhuo' ȽanDios. Lataiqui' loƚcuejpa imanc' tinescojma maƚiya al c'a. Iƚe Lataiqui' loƚcuejpa joupa uya'ampa ni petsi li'a ƚamats'. Jouc'a iya' ninPablo cuya'e'. Toƚta'a laipenic' lainepenufpa.

2 Tesalonicenses 2:16

Titoc'itsolhuo' iƚniya ƚaƚPoujna Jesucristo y ȽanDios. ȽanDios, iƚque caƚ'Ailli', aƚ'nujuaisponga', ixpic'epa aƚtoc'itsonga'. Toƚiya lixpi'iponga' calata nulemma. Itsiya aimaƚsueƚmot'ƚeyi te ts'i'ic' maƚ'iyaconga' Locuaicoya Quitine. Aƚsina' lapenuftonga'.

Hebreos 13:20

Litsufcopoxi ƚaƚPoujna Jesucristo, lijuats' lixcuajaipa iƚinc'ico'ma lataiqui' ȽanDios lipo'no'ipola' lixanuc'. Iƚe lataiqui' joupa liƚinc'ipa aimipaiya, ma tipa'a. ȽanDios liximpa Jesús lixcuajaipa lijuats', imaf'i'inapa if'ac'enapa lema'a. Iƚque i'ipa cal Cuecaj ƚaƚPoujna, illanc' imot'ƚ. Maƚque ȽanDios aƚpac'e'enga' laƚpicuejma'.

1 Pedro 1:25

Litaiqui' ƚaƚPoujna a'i toƚta'a lo'iya, iƚque litaiqui' aimecangemma. Maƚe lataiqui' u'impolhuo' imanc', iƚe lataiqui' loya'apa al c'a lixpic'epa ȽanDios.

Apocalipsis 10:11

Lijou'ma aƚmim'ma: “Toya'acona'ma loxpic'epa ȽanDios. Tonesco'mola' lan xanuc' ituca' ituca' ƚiƚeloƚya', ituca' ituca' liƚnación, ituca' ituca' liƚtaiqui'. Jouc'a topalaico'mola' axpela' lan rey.”

Apocalipsis 10:7

Ai'a tuna'a'ma litrompeta ƚijoujma capaluc quema'a, iƚque cal caitsi, ti'i'ma to loya'apa lemiya cataiqui' iƚe lonescopa lixpic'epa ȽanDios. Iƚe lataiqui' ȽanDios joupa u'ipola' liprofeta, iƚniya no'epá lipenic' iƚque ƚiƚPoujna.”

Apocalipsis 13:7

Epi'impa lane tifuli'itsola' lixanuc' ȽanDios, iƚniya i'huexi ȽanDios, tulij'mola'. Epi'im'me limane ticuxetsola' jahuay locuenaye lan xanuc', iƚne ituca' ituca' liƚtatahueló, ituca' ituca' liƚtaiqui', ituca' ituca' liƚnación.

Apocalipsis 3:10

Ima' ƚinca oxnet'ƚpa, omihuequi laitaiqui' laƚpalaicopa iya' laixnet'ƚpa. Tuya'e' toxnet'ƚƚa' jouc'a. Toƚiya ca'e'mo' cuenna ticuaitsi al cueca' cateƚcoya locuaicoya. Iƚe lateƚcoya tixingufco'me lan xanuc' nomana' ni petsi li'a ƚamats', tehuai'i'mola'.

Apocalipsis 5:9

Iƚne lan tsilaj xanuc' ats'e lonac'copa. Litaiqui' tuya'e': “Ima' joupa ima'ampo', otsufcopa lojuats', o'najtsepa liƚjunac' lan xanuc' ni petsi liyouyomma. Iƚne lan xanuc' ituca' ituca' liƚtaiqui', ituca' ituca' liƚpiƚya', ituca' ituca' liƚnación. O'epola' ixanuc' ƚalanDios, iƚque cal Cuecaj Rey. O'epola' a'aillí, mepi'ipola' liƚmane, ticuxeta li'a ƚamats'. Toƚiya icueya lomane, o'noƚpa lijuisquiya al je'e, ti'i'ma tots'aƚ'ma lisello.”

Apocalipsis 8:13

Lijou'ma aixim'ma anuli cal cui tiyu lema'a. Tiyu maƚpe pe lo'iyoya cal 'ora menac'o. Aicuejpa loya'apa, ticua: “Aijc'a lo'iya, aijc'a lo'iya, aijc'a lo'iya. Ƚinca acuanuc'la lan xanuc' nomana' li'a ƚamats'. Muna'me liƚtrompeta locuenaye lam fantsi lapaluc' quema'a acueca' juaiconapa lo'eyacola' lan xanuc', acueca' titeƚco'me.”