Apocalipsis 13:18 - Tsome

¹⁸ ¡Toƚcuec'eƚe! Naitsi iƚque ts'ipicuejma' tixhuej'meƚa' ƚinúmero cal cuecaj coyac' quinneja. Iƚe al número inúmero xans, a'i quinúmero ȽanDios. Acamts'us maxnu afanej nuxans camts'us, 666, iƚe ƚinúmero cal cuecaj coyac' quinneja.

Apocalipsis 13:18 Iomraidhean Croise

San Marcos 13:14

’Ma to luya'apa cal profeta Daniel toƚta'a lo'iya. Iƚe pe ȽanDios tilaiqui tipo'nom'me petsi ailopa'a lane mipo'nonyacu. (Naitsi noxhuef'iyacola' iƚta'a lataiqui' ticuec'eƚa'.) ’Ti'iƚa' toƚta'a lo'iya, ja'ni toƚmana' al distrito Judea, tolinul―le, toƚf'ajle ƚijualay.

Romanos 3:5

O, ¿te aƚmi'ma: “Illanc' ma maƚ'eyi al xujc'a, ja'ni toƚta'a xonca i'húaqui ac'a li'ejma' ȽanDios, ¿te calixtuc'ocoyaconga' iƚque? ¿Te caƚteƚ'micoyaconga'? A'ijc'a lipicuejma' ȽanDios. Aimi'ay al ƚijca”? (Laifnespa toƚta'a capalay ma to anuli naihuejpa quituca' lipicuejma'.)

Apocalipsis 1:3

Lataiqui' laininiƚpa jifa'a tuya'e' te ts'i'ic' lixpic'epa ȽanDios. Tixoqui queta ƚapima noxhuef'iyacola' lipimaye iƚta'a al je'e. Jouc'a lapimaye noquimf'eyacu, iƚniya naihuejcoyacu, tixoj'ma quileta iƚniya. ȽanDios tipaxne'mola'. Aimicoƚya. Ti'i'ma to liniƚijmpa fa'a.

Apocalipsis 15:2

Aixim'ma tocomma to ƚaja ilanc'ecompa apulu ihuants'i' cunga. Iƚpe ƚaja lilanc'ecompa apulu tecaxoƚanna lan xanuc' nulijpá cal cuecaj coyac' quinneja. Iƚne aiquexc'onƚingoƚai'me cal imagen lilanc'epa lan xanuc', iƚque ti'onƚcospa to ƚinneja. Iƚne aiquiƚtaic' quiƚseña. Iƚe al seña inúmero cal cuecaj coyac' quinneja. Tuya'e' te ts'i'ic' lipuftine. Iƚtaic' liƚ'harpa lepi'ipola' ȽanDios.

Apocalipsis 17:9

”Pe ts'ac'a liƚpicuejma' iƚne ticuec'e'me laifmipo'. Lan caitsi ƚijuac ƚinneja, iƚne acaitsi lijualay. Iƚpe ticutsafya ƚaca'no'. Lan caitsi lijualay jouc'a ti'onƚcospola' acaitsi lan rey.

Apocalipsis 21:17

Tixpicufi ƚaitaƚ ma to mixpicufyi lan xanuc', ma toƚe tixpicufi ƚapaluc quema'a. Iƚque ƚaitaƚ tixhuaispa anuli maxnu oquej nuxans malpu codo. (Tocomma to afane' nuxans y amaque' metro.)