Apocalipsis 11:18 - Tsome

¹⁸ Lan xanuc' pe aiquimetsaicohuo' tixtuc'ohuo', icuai'ma litine toteƚ'mi'mola'. Limanapola' tefot'ƚe'moƚtsi pe lofpa'a ima' iƚJuez, tepi'i'mola' liƚjunac'. Jouc'a lam profeta iƚne ni'epá lopenic' ima' iƚPoujna, tapi'i'mola' lolijyacu. Ma' anuli tapi'i'mola' loxanuc' iƚne o'huexi ima', maƚne petsi naihuejcopo' tapi'i'mola' lolijyacu. Ja'ni lan tsocay, ja'ni lan tsilaj xanuc', tapi'i'mola' lolijyacu. Petsi neteƚpa ƚamats' toteƚ'mi'mola' tejac'em'mola'.”

Apocalipsis 11:18 Iomraidhean Croise

San Mateo 5:12

Toƚta'a imanc' ti'onƚcotolhuo' to lam profeta. Luyaipa quitine ma toƚiya liteƚcopa iƚniya. ¡Toliyuc'tseƚe tixojla' cunlata! Jipu'hua lema'a tipa'a al cueca' lapi'inyacolhuo'.

San Lucas 1:50

Iƚque tixinnila' acuanuc'la jahuay lixanuc', iƚne noxpaic'epá. Iƚne nomana' itsiya litine, jouc'a nomajnyacu locuaicoya quitine.

Hebreos 9:27

ȽanDios joupa ixpic'epa lo'iyacola' lan xanuc'. Ixpic'epa tima'mola' anulemma, tijouƚa' maƚque ȽanDios cal Juez tu'itola' te ts'i'ic' muyalaicoyacu.

Apocalipsis 10:7

Ai'a tuna'a'ma litrompeta ƚijoujma capaluc quema'a, iƚque cal caitsi, ti'i'ma to loya'apa lemiya cataiqui' iƚe lonescopa lixpic'epa ȽanDios. Iƚe lataiqui' ȽanDios joupa u'ipola' liprofeta, iƚniya no'epá lipenic' iƚque ƚiƚPoujna.”

Apocalipsis 11:2

Ƚipuna jiƚpe lipaxi quejut'ƚ ȽanDios aimoxpijta. Ƚuna a'ij paxi, iƚe iƚ'huexi locuenaye lan xanuc'. Iƚniya tetets'i'me al Paxi Quiƚya', ticuxenai'i'me lixanuc' iƚe liƚya' oquej nuxans coquej mut'ƚa.

Apocalipsis 13:10

“Ja'ni joupa ixpic'empa titats'entso' o tima'acontso' acutsilo, ma titats'enno', tima'aconno' acutsilo”. Miteƚcoyi toƚta'a iƚne petsi i'huexi ȽanDios, iƚniya timujyoƚtsi ti'huaiyijnyi ȽanDios, tixnet'ƚ'me.

Apocalipsis 13:16

Ƚocuena quinneja ticuxe'ela' jahuay lan xanuc' tepenufle quiƚseña al c'a quiƚmane o ƚilepali. Ticuxe ti'e'entsola' jahuay lan xanuc', lan tsocay jouc'a lan tsila', petsi ts'iƚ'hueca jouc'a petsi aiquiƚ'hueca, petsi ailopa'a quiƚpoujna, ti'eyi canic' quiƚtuca', jouc'a lam mozó iƚne tipa'a ƚiƚpoujna. Ma' anuli ipo'ninc'e'em'mola' quiƚseña.

Apocalipsis 15:1

Aixingona'ma iƚe al cueca' caxpaiqui' jiƚpe lema'a. Timana' acaitsi lapaluc' quema'a iƚtaic' lan caitsi cateƚcoya. Iƚne lijoucola' lateƚcoya. Tijoutsola' iƚna'a lateƚcoya, ȽanDios joupa ixhuai'nipa lipoyac'.

Apocalipsis 15:7

Anuli lam malujxi' lam paxi quinneja tepi'ila' lan caitsi capaluc' quema'a quiƚtaza lilanc'ecompa a'oro. Iƚne lan taza imanna lipoyac' ȽanDios. Iƚque Ƚimaf'i' CanDios, aimimaya. (Tixcua'aƚe anuli anuli lan taza lan xanuc' tixim'me lipoyac' ȽanDios.)

Apocalipsis 18:6

Iƚiya liƚya' ma to li'e'epolhuo' imanc' toƚ'e'econtsa xonca. Iƚe lixcay li'epa, toƚpai'iconƚe oquemma. Ihuants'i lixcay loƚsnapa, imanc' toƚhuants'i'me xonca lixcay loxnaya.

Apocalipsis 19:15

Lico tipamma al cuecaj cutsilo juaiconapa quix'ay, tixcai'eco'mola' lan xanuc' nomana' li'a lamats'. Acueca' ipujfxi ticuxe'mola'. Timuc'i'mola' lan xanuc' lipoyac' ȽanDios, iƚque cal Cuecaj Ts'ipenic' Nocuxepola' jahuay, ixtupa. Titeƚmi'mola', ti'huailetsuf'mola' to mi'huailequi'me lan uva, tipa'anni lijya'.

Apocalipsis 19:18

Toƚteƚe liƚpixic' lan rey jouc'a liƚpixic' lincuxepá soldado, jouc'a liƚpixic' lan soldado, jouc'a liƚpixic' laihuale jouc'a liƚpixic' lilenafcaic'. Toƚteƚe liƚpixic' jahuay lan xanuc'. Ja'ni quiƚtuca' nocuxepoƚtsi, ja'ni liƚpoujnalá ticuxela', ma' anuli toƚteƚe liƚpixic'. Toƚteƚe liƚpixic' lan tsocay, lan tsila' jouc'a.”

Apocalipsis 19:5

Tipamma lataiqui' pe lopa'a li'nof'quiya, timila' lan xanuc': “Jahuay imanc' nonƚ'epá lipenic' ȽanDios ƚoƚPoujna, imanc' noƚsimpá acueca' ȽanDios, ja'ni unc'atsocay xanuc', ja'ni unc'atsilaj xanuc', ¡tixojla' cunlata, toƚs'najtsi'iƚe ȽanDios!”

Apocalipsis 20:12

Aixim'mola' limanapola', lan tsila' y lan tsocay. Tecaxoƚanna jiƚpiya. Lan je'e pe liniƚingiya li'epa joupa uxpalaifquimpa. Iƚpe aixim'ma ƚocuenaj je'e uxpalaifcona'me. Jiƚpe iniƚingiya liƚpuftine petsi nepenufpá liƚpitine aimijouya. Cal Juez tixhue lan je'e liniƚingiya li'epa limanapola'. Lijou'ma timila' lo'iyacola'.

Apocalipsis 20:15

Jiƚpe al cuecaj capa imanna cunga, ti'nij'minnila' jouc'a jahuay petsi aiquiniƚingiya liƚpuftine jiƚe al je'e. Iƚniya petsi niniƚingiya liƚpuftine, pe joupa nepenufpá liƚpitine aimijouya, aiqui'nij'minnila'.

Apocalipsis 22:12

“¡Toxinƚa'! Aimaƚcoƚya. Cacuaicoconno. Lan xanuc' to lo'epa, ma' anuli tepenufcona'me. Cacuaiyunni, lan c'a xanuc' tepenuf'me al c'a. Lixcay xanuc' tepenuf'me lixcay.