3 Juan 1:1 - Tsome

¹ Iya' nitojpa xans. Quiniƚ'ehuo' ima' unGayo macaƚpima. Ma' anuli lihuejcoyi al Ƚinca Cataiqui', toƚiya ca'ehuo' capic'a.

3 Juan 1:1 Iomraidhean Croise

Los Hechos 11:30

Toƚta'a i'e'me. Bernabé jouc'a Saulo itai'me al tomí. Epi'intsola' lan tsilaj capimaye noxpijpá lataiqui'. Iƚne teca'nem'mola' lapimaye.

Los Hechos 19:29

Jahuay lan xanuc' nomana' iƚe liƚya' epat'ƚtsi liƚpicuejma'. Jahuay inul'me, ticuaitsa pe lafoƚyomma lan xanuc'. Minulyi i'noƚim'mola' Gayo y Aristarco noyejmalepá Pablo. Iƚne quiyouyomma Macedonia.

Los Hechos 20:4

Tiyeyi jouc'a liƚejmale, iƚne liƚpuftine: Sopater ƚas Berea, Aristarco jouc'a Segundo lun Tesalónica, Gayo jouc'a Timoteo lun Derbe, Tíquico jouc'a Trófimo lun Asia.

Romanos 16:23

Iya' ninPablo aipanc'ale fa'a lejut'ƚ Gayo. Iƚque tinonilhuo' jouc'a. Jifa'a lejut'ƚ tefoƚyomma lapimaye. Erasto, iƚque ipenic' ti'huejla' al tomí fa'a liƚya', jouc'a ƚaƚpima Cuarto, tinonilhuo'.

1 Corintios 1:14

Cax'najtsi'i ȽanDios iya' nij naitsi imanc' ƚainepo'ipa. Ma le'a nepo'ipola' Crispo y Gayo. Locuenaye imanc' aicainepo'ila' iya'.

1 Pedro 5:1

Toƚta'a laifsc'ai'ipolhuo' jouc'a imanc' litsilojpolhuo' xanuc' noƚspijpá lataiqui'. Iya' jouc'a nitojpa xans. Miteƚma Cristo capa'a, aiximpa. Ticuaitsi litine timuj'moxi ma' anDios, iya' jouc'a capajm'ma, limetsaico'ma. Camilhuo' imanc' litsilojpolhuo' xanuc': Tonƚ'etsola' cuenna loƚpimaye nomana' jiƚpe. Iƚne ixanuc' ȽanDios. To ƚiƚpoujna mot'ƚ ti'ela' cuenna limot'ƚ, toƚta'a tonƚ'e'mola' cuenna lapimaye. Tixoj'ma cunlata tonƚ'e'me iƚe loƚpenic'. Aimoƚcua'me: “Iƚe aipenic', ticohuaƚa' ca'e'ma”. Ni moƚcua'me: “Toƚta'a culij'ma caitomí”. Ma toƚpo'noƚe loƚpicuejma' toƚtoc'itsola' loƚpimaye.

1 Juan 3:18

Imanc' unc'ainaxque', camilhuo': Iƚe maƚ'ehualeyi capic'a aimi'i'ma le'a ataiqui'. A'i ma le'a aƚnes'me: “Ca'ela' capic'a”. Aƚinca aƚ'etsola' capic'a. Aƚtoc'itsola' laƚpimaye.

3 Juan 1:2

Maipima, joupa aixina' ti'hua taihuequi. Iya' caxa'hue ȽanDios titoc'itso', toyaicoƚa' al c'a lapajnya fa'a li'a ƚamats', aimi'i'mo' cocuana.