1 Juan 2:14 - Tsome

¹⁴ Imanc' unc'a'aillí, olimetsaijma iƚque Nopa'a lipangopa li'a ƚamats'. Toƚiya quiniƚ'elhuo' iƚta'a coƚje'e. Imanc' unc'amijcanó tipa'a loƚpujfxi. Joupa olapenufpá litaiqui' ȽanDios. Iƚe lataiqui' copa'a loƚpicuejma'. Joupa olulijpá ƚixcay xans, iƚque ƚonta'a. Toƚiya quiniƚ'elhuo' iƚta'a coƚje'e.

1 Juan 2:14 Iomraidhean Croise

San Juan 15:7

Ja'ni aimolanajyacoƚtsi, ja'ni aimolimenc'ecoyi laitaiqui', nipajnya toƚsa'hue'me, tepi'im'molhuo' iƚe loƚsahue'epa.

San Juan 5:38

ȽanDios cai'Ailli' lummepa, imanc' aimalapenufi. Litaiqui' aimipanemma jiƚpe loƚpicuejma', toƚta'a imanc' aimalapenufi.

San Juan 8:31

Jesús ipalaic'o'mola' iƚne lan xanuc' judío no'huaiyijmpá, timila': ―Ja'ni laitaiqui' tipanenni loƚpicuejma' imanc' lihuejna'ma al c'a.

San Juan 8:37

Imanc' toƚcuayi: “Illanc' inaxque' ƚaƚtatahuelo Abraham”. Ma' aixina' toƚta'a. Itsiya tama imanc' inaxque' Abraham tolahueyi te co'iya maƚma'aya. Aimalapenufi iya' laitaiqui'.

Efesios 6:10

Jahuay imanc' camilhuo': Tipangoƚa' itsiya aimitafqueconayacolhuo'. Joupa epenufpolhuo' ƚaƚPoujna, acueca' icueya limane iƚque, acueca' lo'epa.

Filipenses 4:13

Ma cainihuequi Nalapenufpa, nipajnya ca'e'ma jahuay. Maƚque Cristo lapi'i caipujfxi.

Colosenses 1:11

Monƚ'eyi al c'a, ȽanDios titoc'i'molhuo', tepi'i'molhuo' coƚpujfxi. Iƚque cal Cueca' CanDios juaiconapa acueca' lo'epa. Ti'e'e'molhuo' acueca' ƚolunxajma'. Toƚta'a toƚsnet'ƚƚe lo'iyacolhuo'. Aimolixtuleyacu, tixoj'ma cunlata toƚsnet'ƚ'me.

Colosenses 3:16

Anuli anuli toƚ'nujuaisle litaiqui' Jesucristo. Tolihuejle jahuay. Toƚta'a tepi'im'molhuo' loƚpicuejma' toƚmuc'i'moƚtsi. Toƚsc'ai'itsoƚtsi ti'iƚa' ac'a lonƚ'eyacu. Toƚpalaic'ocotsoƚtsi lan salmo, lan himno, lan alabanza. Imanc' tolapenufyi lotoc'ipolhuo' Cristo. Toƚiya jiƚpe ƚolunxajma' tolunac'co'me ȽanDios.

2 Timoteo 2:1

Mai'hua Timoteo, aimitafqueco'. Ti'hua taihuejcoƚa' Jesucristo. Toƚta'a ȽanDios ti'hua titoc'i'mo', tepi'i'mo' copujfxi.

Hebreos 8:10

Tijouƚa' capenufcona'mola', capo'no'icona'mola' cataiqui' iƚniya ixanuc' Israel. Iya' NanDios, iya' NaPoujna, jiƚpe liƚpicuejma' capo'no'i'mola' laitaiqui' laifcuxe'epola', quiniƚ'e'mola' jiƚpe ƚilunxajma', iƚniya nulemma limetsaico'ma iya' ilenDios, iya' quimetsaico'mola' aixanuc'. Jiƚpe litine liƚpiƚya' xanuc' o liƚpimaye, aimiminyacola': “Ima' taimetsaicoƚa' ȽanDios”. Jahuay iƚne limetsaicona'ma. Ti'iƚa' xonca aca'hua o ti'iƚa' xonca acueca', jahuay limetsaicona'ma. Tama aiquilihuequi laitaiqui' iƚe laicuxe'epola', caxim'mola' acuanuc'la, aica'nujuaisconaya li'epa quixcay, ni anuli. Toƚta'a laitaiqui' capo'no'i'mola' laixanuc'.

1 Juan 1:1

Lipangopa jahuay, iƚque tipa'a. Illanc' joupa aƚquimf'epá laƚpalaic'oponga', joupa aƚsingopá laƚ'u', lahuelojmpá, limetsaicopá naitsi iƚque. Laƚmane' joupa aƚ'noƚ'e'epá limane'. Illanc' maluya'ayi, aƚpalaicoyi iƚque ƚacui'impa: Lataiqui'. Iƚque Lataiqui' imaf'i'. Lipitine aimijouya. Maƚe litine tepi'iyale.

1 Juan 1:10

ȽanDios joupa lu'iponga': “O'epa quixcay”. Ja'ni aƚcuayi: “Aicai'aic' quixcay”, litaiqui' aiquitsufaic' laƚpicuejma'. Tocomma to aƚcuayi: “ȽanDios infel'miyale”.

1 Juan 2:13

Imanc' unc'a'aillí, olimetsaijma iƚque Nopa'a lipangopa li'a ƚamats'. Toƚiya quiniƚ'elhuo' iƚta'a coƚje'e. Imanc' unc'amijcanó, joupa olulijpá ƚixcay xans, iƚque ƚonta'a. Toliya quiniƚ'elhuo' iƚta'a coƚje'e. Imanc' inaxque' ȽanDios, joupa olimetsaicopá coƚ'Ailli'. Toƚiya quiniƚ'elhuo' iƚta'a coƚje'e.

2 Juan 1:2

Iƚe al Ƚinca Cataiqui' joupa ifayiya laƚpicuejma'. Aimi'iya maliƚonc'e'enyaconga'. Lihuejcoyi Lataiqui' toƚiya aƚ'elhuo' capic'a.

3 Juan 1:3

Licuai'me fa'a laƚpimaye iƚne inesco'mo' al c'a. Ticuayi: Aƚinca omihuequi al Ƚinca Cataiqui', tomujyoxi tipa'a iƚe Lataiqui' ifayiya jiƚpe lopicuejma'. Li'ipa caixina' toƚta'a tixoqui neta iya'.

Apocalipsis 2:3

Tama toxina ipime lapajnya, aƚ'nujuaitsi iya', ti'hua toxnet'ƚqui, aiquixojhuo'.

Apocalipsis 2:7

Naitsi nocuejpa tiquimf'eƚa' iƚe lataiqui' loya'apa cal Espíritu Santo ma mipalaic'ola' lapimaye iƚne ixanuc' ȽanDios, iƚque ƚefot'ƚepola'. Maƚniya lapimaye nafoƚyomma lan caitsi quiƚeloƚya'. Naitsi nolijya capi'i'ma lane titeta ƚi'as al 'ec lopa'a nolojmay ƚequeya ȽanDios. Iƚe ƚaqueya ƚecui'impa al Paraíso. Naitsi noteja iƚe ƚi'as aimimaya nulemma.’