1 Juan 1:3 - Tsome

³ Itsiya jouc'a lu'ilhuo' imanc' te ts'i'ic' laƚsimpa, laƚquimf'epa. Ja'ni tolapenuf'me iƚe laƚtaiqui' aƚinca aƚejmale'me. Illanc' aƚejmale ȽanDios caƚ'Ailli' y Jesucristo, iƚque ƚi'Hua ȽanDios. Imanc' jouc'a ti'i'ma tonƚejmale'me toƚta'a.

1 Juan 1:3 Iomraidhean Croise

San Juan 17:11

’Itsiya aicapajnconaya fa'a li'a ƚamats'. Laƚxanuc' ƚinca timajm'me fa'a. Iya' joupa ca'huana'ma, cacuainata pe lofpa'a. Mai'Ailli', ima' umPaxi. Caxahue'ehuo' totoc'itsola' iƚne laixanuc', to'etsola' cuenna. Ti'hua lihuejla' iƚniya. Ima' lopuftine ma laipuftine jouc'a, toƚta'a lacui'ipa ima'. Laixanuc' ja'ni lihuejla' al c'a, iƚne ti'i'ma anuli ma to anuli iya' y ima'.

San Juan 17:21

Aipic'a ti'e'etsola' anuli iƚne laixanuc'. Mai'Ailli' illanc' aƚmana' anuli. Ima' iya' anuli, iya' ima' anuli. Toƚta'a aƚ'e'etsonga' anuli, iƚniya y illanc'. Ja'ni ti'iƚa' toƚta'a locuenaye lan xanuc' nomana' li'a ƚamats' tines'me: “Aƚinca ma ȽanDios ummepa Jesús”.

San Juan 17:25

’Mai'Ailli', ima' cotuca' aƚijca lopicuejma'. Locuenaye lan xanuc' nomana' li'a ƚamats', iƚne aiquimetsaicohuo'. Iya' ƚinca nimetsaicohuo'. Laixanuc' jouc'a timetsaicohuo'. Iƚsina' ima' alummepa.

San Juan 17:3

Iƚne pe lepi'impola' liƚpitine aimijouya, ma' iƚniya timetsaicohuo' ima' manDios. Jouc'a limetsaijma iya' ninJesucristo, ima' alummepa.

San Juan 19:35

Iƚque nainiƚpa iƚe lataiqui' iximpa toƚta'a li'ipa. Ma' aƚinca iƚe liniƚijmpa. Tu'ilhuo' imanc' noƚsueyacu. Ipic'a imanc' jouc'a tonlapenufle iƚta'a lataiqui'.

Los Hechos 13:32

’Ƚinca, mimana' laƚtatahueló ȽanDios imipola' iƚe al c'a lo'iya. Imi'mola': “Toƚe, toƚe ca'e'ma”. Itsiya lu'ilhuo': Joupa i'ipa.

Los Hechos 13:41

Imanc' tolixocoyi, tolahuelojnle laif'epa, toƚ'huijle loƚpicuejma'. Itsiya, ma moƚmana' imanc', ca'e'ma al cueca'. Ja'ni tu'intsolhuo': Toƚe, toƚe lo'epa ȽanDios, imanc' toƚtalai'e'me: “A'ij ƚinca iƚe lalu'iponga'.”

Los Hechos 2:42

Jahuay lapimaye tihuejyi lomuc'iyalepa lan apóstole. Tiyejmaleyi, titoc'iyoƚtsi. Ti'eyi to Jesús lixc'ai'ipola' li'apóstole. Tefot'ƚeyoƚtsi, tixquec'iyoƚtsi ƚa'i, titeji. Tijoc'iyi ȽanDios.

Los Hechos 4:20

Illanc' aimi'iya maƚtaƚi'eyacoƚtsi laƚco. Iƚe laƚsimpa, laƚcuejpa, aluya'a'me, alu'i'mola' lan xanuc'.

Romanos 15:27

Cacua: Ixpic'epá titoc'iƚe liƚpimaye iƚniya ajudío nomana' Jerusalén. Toƚta'a tix'najtsi'im'mola'. Iƚne liƚpimaye ajudío joupa itoc'impola'. Aiquicuanac'ennila' Lataiqui' loya'apa iƚe al c'a lixpic'epa ȽanDios. Ticuayi: “Tuyalaicotsa al c'a Locuena Quitine”. Itsiya iƚne lapimaye a'ij judío tix'najtsi'im'mola' liƚpimaye. Tumme'ennila' quiƚtomí. Tuyalaicotsa al c'a itsiya litine.

1 Corintios 1:30

Imanc' coƚtuca' aicoƚspic'e. Ma ȽanDios ixpic'epa tepenuftsolhuo' Jesucristo. Maƚque ȽanDios ipo'nopa Cristo aƚmuc'itsonga' te ts'i'ic' al cueca' lipicuejma' ȽanDios. Ja'ni aƚ'huaiyijnyi Cristo ȽanDios lapenufinga' to ailopa'a caƚjunac'. Iƚque Cristo aƚ'e'eponga' i'huexi ȽanDios. Joupa i'najtsepa laƚjunac'.

1 Corintios 1:9

Toƚta'a ti'e'ma ȽanDios. Iƚque tenant'ƚi litaiqui', aimifelƚaique. Joupa ijoc'ipolhuo' tonƚejmale'me ƚi'Hua, ƚaƚPoujna Jesucristo.

1 Corintios 15:1

Unc'aipimaye, itsiya cu'icona'molhuo' te ts'i'ic' loya'apa Lataiqui', maƚe Lataiqui' lainu'ipolhuo'. Iƚe Lataiqui' joupa lolapenufpa, maƚe lonlihuequi.

2 Corintios 13:14

Jahuay imanc' ti'iƚa' coƚsina': ȽaƚPoujna Jesucristo titoc'ilhuo', caƚ'Ailli' ȽanDios ti'nujuaitsilhuo', cal Espíritu Santo efot'ƚepolhuo', toƚejmaleyi anuli iƚque.

Efesios 3:6

Aƚmuc'iponga' te ts'i'ic' lo'iyacolhuo' imanc' a'i cunc'ijudío pe noƚ'epá ƚinca Lataiqui', joupa epenufpolhuo' Cristo. Imanc' illanc', ȽanDios limetsaiconga' inaxque'. Aƚsinninga' joupa aƚ'iponga' to anuli al cuerpo. ȽanDios joupa icupa cataiqui', aƚmiponga' aƚtoc'i'monga' illanc' ninc'ijudío. Itsiya maƚe lataiqui' timilhuo' imanc', ma' anuli aƚtoc'i'monga' illanc' imanc'. Ma' anuli lalapi'iyaconga'.

Filipenses 1:7

Aixina' aƚinca titoc'i'molhuo' toƚta'a ȽanDios. Aicafel'miyoxi. Itine itine ca'nujuaitsilhuo'. Tocomma aƚmana' anuli. Tama aƚtats'iya ȽanDios aƚtoc'i, aƚtoc'i ma catalai'ejma Lataiqui', camuqui ma' al ƚinca iƚe Lataiqui'. Aƚtoc'inga' anuli, iya' imanc'.

Filipenses 2:1

Cristo joupa lapenufponga', toƚiya aƚsc'ai'inga', alixpi'inga' calata maƚ'enga' capic'a. Cal Espíritu Santo aƚ'eponga' anuli laƚpicuejma', aƚ'nujuaitsila' laƚpimaye, aƚsinnila' acuanuc'la.

Filipenses 3:10

Cacua: Quimetsaicoƚa' xonca te ts'i'ic' Cristo lipicuejma'. Caxingufcoƚa' fa'a laicuerpo al cueca' li'ipa iƚe litine limaf'i'inapa ȽanDios, lipa'anapa pe lomana' limanapola'. Jouc'a caxingufcoƚa' te ts'i'ic' liteƚcopa Cristo. Ma cateƚma iya' cacua: Lai'ejma' ti'iƚa' to li'ejma' Cristo mima jiƚpe lancruz.

Colosenses 1:13

Li'ipa, ma luyalaicoyi to iƚniya pe amuf liƚpicuejma', aiquepalc'o'innila'. Ma' anuli ƚaƚpincuxepa. Itsiya ituca' aluyalaicoyi. ȽanDios lunƚu'eponga'. Ocuena aƚcuxenga'. Aƚcuxenga' ƚi'Hua ȽanDios, iƚque ƚetenƚcocopa, ti'ay capic'a.

1 Tesalonicenses 1:10

Itsiya toƚ'huaicoyi ticuaicoconno ƚi'Hua ȽanDios Nopa'a lema'a. ȽanDios joupa imaf'i'inapa, ipa'anapa pe lomana' limanapola'. Litine ȽanDios timuc'itsola' lan xanuc' lipoyac' aimaƚteƚ'miyaconga'. Ƚi'Hua aƚcuanajco'monga'.

1 Timoteo 6:2

Petsi liƚpoujnalá apimaye, aimi'onƚico'moƚtsi, xonca ticuec'entsola'. Timetsaicontsola' liƚpoujnalá jouc'a ti'huaiyijnyi ȽanDios, ma' anuli ti'ela' capic'a iƚque. Ima', cumTimoteo, tomuc'itsola', toxc'ai'itsola' toƚta'a.

Hebreos 2:12

Toƚta'a loya'apa al Paxi Liniƚingiya. Tuya'e' linespa Cristo lipalaic'opa ȽanDios, ticua: Pe lomana' laipimaye cuya'a'ma lopuftine. Petsi lalafot'ƚeyoyacoƚtsi cunac'co'mo'.

Hebreos 3:1

Unc'aipimaye, imanc' jouc'a i'huexi ȽanDios. Iƚque Nopa'a lema'a ijoc'ipolhuo' toƚcuaitsa jiƚpiya pe lopa'a. Itsiya caxc'ai'ilhuo', camilhuo': Toƚ'nujuaisle Jesucristo, maƚque ƚaƚCuecaj Ca'Ailli' ȽanDios ƚummepa. Aimolimenc'eco'me li'ejma' Jesús, iƚque Ƚaƚ'huaiyijmpa.

Hebreos 3:14

Ja'ni ti'hua aƚ'huaiyijnyi jahuay laƚpitine, ja'ni aimaƚpai'iyacu laƚpicuejma', aƚinca joupa lapenufpá Cristo.

1 Pedro 5:1

Toƚta'a laifsc'ai'ipolhuo' jouc'a imanc' litsilojpolhuo' xanuc' noƚspijpá lataiqui'. Iya' jouc'a nitojpa xans. Miteƚma Cristo capa'a, aiximpa. Ticuaitsi litine timuj'moxi ma' anDios, iya' jouc'a capajm'ma, limetsaico'ma. Camilhuo' imanc' litsilojpolhuo' xanuc': Tonƚ'etsola' cuenna loƚpimaye nomana' jiƚpe. Iƚne ixanuc' ȽanDios. To ƚiƚpoujna mot'ƚ ti'ela' cuenna limot'ƚ, toƚta'a tonƚ'e'mola' cuenna lapimaye. Tixoj'ma cunlata tonƚ'e'me iƚe loƚpenic'. Aimoƚcua'me: “Iƚe aipenic', ticohuaƚa' ca'e'ma”. Ni moƚcua'me: “Toƚta'a culij'ma caitomí”. Ma toƚpo'noƚe loƚpicuejma' toƚtoc'itsola' loƚpimaye.

2 Pedro 1:16

Illanc' joupa lu'ipolhuo' te ts'i'ic li'epa, lo'eya ƚaƚPoujna Jesucristo. Lu'ipolhuo' acueca' ti'hua limane iƚque. Lu'ipolhuo' ticuaiyoconno. Iƚe laƚtaiqui' a'i ma le'a caƚtaiquí illanc'. Illanc' joupa aƚsimpá limujpoxi cal Cueca'. Ma laƚ'u' lahuelojmpá.

1 Juan 1:1

Lipangopa jahuay, iƚque tipa'a. Illanc' joupa aƚquimf'epá laƚpalaic'oponga', joupa aƚsingopá laƚ'u', lahuelojmpá, limetsaicopá naitsi iƚque. Laƚmane' joupa aƚ'noƚ'e'epá limane'. Illanc' maluya'ayi, aƚpalaicoyi iƚque ƚacui'impa: Lataiqui'. Iƚque Lataiqui' imaf'i'. Lipitine aimijouya. Maƚe litine tepi'iyale.

1 Juan 1:5

Jesucristo joupa lu'iponga' laluya'ayacu. Itsiya cu'ilhuo' imanc', ticua: “ȽanDios lipicuejma' pangay epalc'o', ailopa'a quixcay”.

1 Juan 1:7

Pe lopa'a ȽanDios jiƚpiya pangay epalc'o', ailopa'a quixcay. Ja'ni toƚta'a laƚpepajnya, aƚinca aƚejmale laƚpimaye. Tijouƚa', ja'ni a'ijc'a laƚ'epa aimaƚmanecu nulemma. Lijuats' lixcuajaipa Jesucristo ƚi'Hua ȽanDios ti'hua alapac'enga'.