Lucas 4:21 - Kagayanen

²¹ Gambal kanen i ki danen, “Mintras na namatian nyo ake na pabasa na naan ta sinulat na pulong ta Dyos, natuman en ake na pabasa.”

Lucas 4:21 Iomraidhean Croise

Mateo 13:14

Tenged iling tan danen an, natuman en sulat ya Isaias na prupita anay pa sa na Dyos gambal, ‘Maski mamati kaw pa ta miad daw magtan-aw, dili kaw man gyapon kaintindi daw ino beet ambalen.

Lucas 4:20

Pagtapos Jesus basa ta sinulat ya, palukot din daw pabalik naan ta ittaw na gaatag ki kanen. Gapungko kanen i daw tanan na mga ittaw dya gatan-aw ki kanen.

Lucas 4:22

Tanan danen gatingala ki kanen daw gakullaw ta makatingala na mga ambal din. Ambal danen, “Di' ba kanen i bata nang Jose na kasimanwa ta?”

Juan 5:39

Gaistudyo kaw gid ta usto ta sinulat na pulong ta Dyos tak isip nyo na naan dya makita paagi an na maangken nyo kabui na ula katapusan. Naan man ta sinulat na pulong ta Dyos may ambal man parti ki yaken.

Mga Binuatan 3:18

Piro, patuman ta Dyos iya ya na paambal paagi ta pabuat nyo ki Jesus na iya na Pinili Na Mag-ari tak anay pa sa na timpo, paambal din paagi ta tanan din na mga prupita na maagian ta iya na Pinili Na Mag-ari segeng an na kabellay daw kamatayen.