Lucas 1:51 - Kagayanen

⁵¹ Pakita din na bakod iya na gaem paagi ta iya na mga buat. Papirdi din daw pawasak mga ittaw na ugal aged dili matuman iran na malain na mga plano.

Lucas 1:51 Iomraidhean Croise

Roma 1:21

Nlaman danen na may Dyos, piro ula danen gataod ki kanen bilang iran na Dyos daw ula man gapasalamat ki kanen. Iran na isip madyo ki kanen daw iran na mga paisip ula pulos. Gani, dili danen makaintindi ta kamatuuran.

2 Corinto 10:5

Pirdien nay iran na mga rason na salig danen igo daw mga rason man ta mga ittaw na bugalen daw maskin ino pa na mga rason danen aged magbag-o iran na isip daw madala nay man danen an na magpasakep ki Cristo.

1 Pedro 5:5

Kyo yan na mga batan-en, magpasakep kaw naan ta mga manakem. Kyo tanan, magpaebes kaw ta inyo na kaugalingen daw magsirbi ta kada isya tenged nabetang naan ta sinulat na pulong ta Dyos, “Kuntra ta Dyos mga ittaw na bugalen, piro patabangan din mga ittaw na mapainebesen.”

Mga Papakita 18:8

Tenged ta iran na pagpabugal, ta isya nang na adlaw mabot ki danen tanan na mga salot na silot ki danen. Mabot mga makalaton na masakit na makapatay, mga kalised, letem daw sunugon man iran na syudad tak makagagaem Ginuo Dyos an na gasintinsya daw gasilot ki danen.”