Lokphong 1:1 - Caekäcai Kangthae (Lemi)

¹ Hini lä Isu Khrista üng täphawng saite phüng na tea tärü te cae vi. Qae y tea ma äni üng mawsawng na tea tyng ai te phüng mätü hethang hini täphawng saite lä Isu Khrista tea Säthaw ma py pa te vi dy. Khrista lä äma üng mawsawng Johan tea äma üng Känipre angtawtha bung mätaw kha hini na tea mäny hai te vi.

Asang Khongso New Testament

¹ Hi cabu hae Jesuh Khrih mah taphong ih kawng to tarikhaih ih ni. Hmuen ka pha palang han to angmah tamtoehnawk khaeah patueng hanah hi lokphong hae Sithaw mah anih khaeah paek ih ni. Khrih mah angmah ih vanmi to patoehhaih hoiah angmah tamtoeh Johan khaeah hi hmuennawk boih hae panoeksak.

Lokphong 1:1 Iomraidhean Croise

Johan 12:49

Ätephüng-a mei nädylä kai lä kai ma üng aenae hai thui te y. Kai bung mätaw saite Pä-ai ma ätemakä angtu thui ai mei näte kai tea thui te vi.

Johan 15:15

Kai lä nang ce tea mawsawng näkha kähyng y dy. Ätephüng-a mei nädylä mawsawng lä ingkung üng aedawng saite na mäny y. Tungaila vaihi kai lä nang ce tea ‘Rawijae’ näkha kähyng dy. Ätephüng-a mei nädylä, Pä-ai te üng thai saite älo angxynlyng nang ce tea kai lä thui pyng te vi dy.

Johan 17:8

Kai tea Nang ma thui saite angthang Kai lä äni ce tea thui pa kha äni ce lä tängai ö dy. Kai lä Nang ma te üng ly te mäny khü kha Pä-ai, Nang, ma Kai bung mätaw näte äni ce lä yng ö dy.

Johan 3:32

Äni lä äma nung te hai thai saite phüng thui ngaila äni üng angthang tea ämi la yng pa ö y.

Johan 8:26

Nang ce üng phüng kai lä thui hethang hai nang ce tea tärae cei hethang awng mang te vi. Kai bung mätaw saite Kung lä mitang khü vi. Äni te üng thai saite älo ni Kai lä älawng khimi ce tea thui te kae vi” näkha näpa.

Pawlae ma Rom märü üng kangkawng tähang tärü saite cae 16:25

Säthaw üng phung-ang tea mä-ai lä bälaw ö si. Isu Khrista üng Angthang Kähawi tea kai ma thui te kätyng Säthaw lä nang ce üng yng saite cakhi hai hethang sa haw te vi. Honi Angthang Kähawi lä jangni üng khösäning leithung jungtä ho kha vaihi täphawng saite lo mitang vi.

Galati 1:12

Khimi te üng hini angthang kai lä dang te y. Ämi ma la kai tea mätu te y. Isu Khrista ma kai tea aetüng hai te kae.

Ephesi 3:3

Säthaw lä äma üng ho saite kaedawng kai tea täphawng te vi dy. Kai lä hini phüng äje cäcaw nang ce tea tärü pyng te vi dy.

Titas 1:1

Hini cae lä Säthaw üng mawsawng hai Isu Khrista üng angtawtha saite kai, Pawlae, ma tärü te vi. Säthaw ma re saite khimi na üng yng te aethaw awng hethang hai äni ce lä Isu üng mätu saite älo mitang tea mäny rae hethang Säthaw ma kai bung mätaw te vi. Tukha äni ce lä Säthaw tea tämö khai te mätü te älang-a awng ö ai.

Lokphong 1:19

Tukätephüng-a vaihi awng saite na hai vaimaw mang-a tyng hethang nung saite känetä tea nang lä tärü ba.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.

Lokphong 17:1

Tupyng-a kaephi säritä na awng saite Känipre angtawtha lawng säritä thung üng lawngtä lä kai tea ly kha, “Ly lawi, aethang saite nawngmädi kangdei tea Säthaw üng dengpy saite kai ma mätü ai. Honi nawngmädi kangdei lä awng mang saite tävaw käleng na teng-a sa saite märü käleng tea näte vi.

Lokphong 19:10

Kai lä äni tea cäphaw hethang äni üng maw-a aebo vi dy. Tungaila äni ma, “Tukä lä sa hang. Kai lä nang ce hai yng saite kälang na kätyng mawsawng lawngtä by vi. Äni ce lä Isu üng täphawng saite lo mitang tea hui saite na kae vi. Säthaw tea phai cäphaw kae. “Isu Khrista üng täphawng saite lo mitang lä buisaw na tea thui hai pa te vi” näkha thui vi dy.

Lokphong 19:9

Tupyng-a Känipre angtawtha ma kai tea, “Beram caw üng aepawng saite pawi-a ly hethang hyng rüng saite khimi na lä tähang hawi, näkha tärü ba” nä vi. Känipre angtawtha ma, “Hini na lä Säthaw üng lo mitang na vi” näkha thui be vi dy.

Lokphong 21:2

Märü Käcai käleng, Jerusalem kangthae, tea Säthaw lä Känipre üng hai cäqa te kai lä nung vi dy. Äni lä särai hai aepawng he anglaw aesa rüng saite nawngmädi kätyng vi.

Lokphong 21:9

Tupyng-a kangkhüng üng mätang bälai saite na kawipy te kaephi säritä tea süng saite Känipre angtawtha lawng säritä thung üng lawngtä ma kai tea ly kha, “Ly lawi, Beram caw üng nawngpui, aepawng hethang anglaw bung nang tea kai mätü ai” näkha thui vi.

Lokphong 22:1

Tupyng-a Känipre angtawtha ma kai tea kähing py saite tävaw pui mätü vi dy. Honi tävaw lä Säthaw hai Beram caw Areng aety nae te üng lawng kha kälung kä-ang kätyng ang bärai vi.

Lokphong 22:16

“Kai, Isu, lä kangkawng na thung-a awng saite nang ce tea hini na thui hai hethang Kai ma üng Känipre angtawtha bung mätaw vi dy. Kai lä sanphrang Davidae amäjy thung üng vi. Ang bärai saite Kädang Tengpaw la vi.”

Lokphong 22:6

Känipre angtawtha ma kai tea, “Hini na lä älo mitang hai ae-y khü nae hawi saite na vi. Buisaw na tea Muilaw Käcai py saite Areng Säthaw lä qae y tea ma tyng hethang awng saite na äma üng mawsawng na tea mätü hethang äma üng Känipre angtawtha bung mätaw vi dy” näkha nä vi.

Lokphong 22:8

Hini angxynlyng na thai kha nung saite lä kai, Johan, vi. Honi na thai kha nung pyng te kätü-a, hini na mätü saite Känipre angtawtha üng khokung-a aebo kha kai lä äni tea cäphaw hethang sa vi dy.

Lokphong 22:9

Tungaila äni ma kai tea, “Tukä lä sa hang. Kai lä nang hai nang üng kangby jä-ai buisaw na hai hini cae-u üng älo na tea tängai saite angxynlyng na üng kangby jä-ai mawsawng lawngtä by kae vi. Säthaw tea phai cäphaw kae” näkha nä vi.

Lokphong 4:1

Tupyng-a kai lä kheng kha Känipre üng kätho lä kai üng maw-a aepä-awng ea awng vi. Angcü-a baw haetä üng te kätyng kai tea thui saite ätüng thai te lä “Hi-a paw lawi. Vaimaw mang-a tyng hethang awng saite na kai ma nang tea mätü ai” nä vi.

Lokphong 5:7

Honi Beram caw lä ly kha areng aety nae qawng-a aety saite lawngtä üng äkö bangtang mang üng cae ang-yng tea la vi dy.